Hosea 4:18 - An Bibel Kernewek 20234 (Kernewek Kemmyn)

¹⁸ Pan yw aga gwires dhe benn, i a vew avel horys; yn howtyn i a gar meth.

Hosea 4:18 Iomraidhean Croise

Jenesis 38:24

A-dro dhe dri mis wosa hemma, y feu derivys dhe Yuda ow leverel, ‘Tamar, dha wohydh re dheuth ha bos hora, ha, moy es henna, hi re gonsevyas dre horyans.’ Yn-medh Yuda, ‘Drewgh hi yn-mes dhe vos leskys.’

Salmow 47:9

Pennsevigyon an poblow yw omguntellys war-barth, gans pobel Duw Abraham. Rag Duw a'n jeves skoesow an nor, ughelhes yn feur yw ev.

Eksodus 23:8

Ha ny wredh kemmeres falswober, rag falswober a dhall an re a wel, hag a gammdreyl geryow an re wiryon.

Yeremia 2:21

My a'th plansas avel gwinbrenn bryntin, yn tien a hasenn bur: fatell osta ytho treylys dhymm yn plans legrys, gwinbrenn estren?

Ezekiel 16:15

Mes ty a fydhyas y'th tekter ha dos ha bos hora drefenn dha er-da, ha diveri dha fornikasyon war bub tremenyas, ha bos dhodho.

Hosea 4:10

I a wra dybri ha ny vons lenwys; i a dheu ha bos horys ha ny ynkressyons, rag i dhe asa obaya dhe'n Arloedh.

Hosea 4:2

Mollethi, toella, ladha, ladra, hag avoutri – fenna a wrons; ha krow a hol krow.

Hosea 9:10

My a gavas Ysrael, avel grappys y'n gwylvos; my a welas dha dasow, ev a veu avel an frut a-varr a'n figbrenn, y gynsa frut. Mes i a dheuth dhe Baal-peor, hag omsakra dhe'n imaj methus, hag ethons ha bos mostedhes avel an taklow kasadow a garsons.

Amos 5:12

Rag my a woer agas kammweythresow pals, ha'gas peghosow bras, owth arvedh an den gwiryon, ow kemmeres falswober, hag ow treylya a-denewen an edhommogyon y'n yet.

Mika 3:11

Hy fennow a re breus rag falswober, hy oferysi a dhysk rag arveth, hy frofoesi a dhargan rag arghans; hag i ow poesa war an Arloedh, ow leverel, ‘A nyns usi an Arloedh yn agan mysk? Ny wra drog vyth dos warnan.’

Mika 7:3

Aga diwla yw sleygh dhe wul drog; an penntern ha'n breusyas a wovynn falswober, an den galloesek a lever y vynnas, hag yndella brasa a wrons dh'y gowlwul.

Dewteronomi 16:19

Na gammdreyl breus, na bleg dhe fas neb den, na gemmer falswober, rag falswober a dhall dewlagas an re fur ha treylya geryow an re wiryon.

1 Samuel 8:3

Mes ny gerdhi y vebyon yn y fordhow, mes i a dreylya a-denewen rag gwayn disonest, ha kemmeres falswobrow ha kamma gwirvreus.