Hosea 4:12 - An Bibel Kernewek 20234 (Kernewek Kemmyn)

¹² Ow fobel a wovynn kusul a'ga frenn, ha'n gwelenn a's gorthyp. An spyrys a horyans a wra dhedha mos yn stray, hag i a wra horyans a-dhiworth aga Duw.

Hosea 4:12 Iomraidhean Croise

2 Myghternedh 17:7

Hemma a hwarva drefenn fleghes Ysrael dhe begha erbynn an Arloedh aga Duw, re'ga drosa yn-bann dhiworth pow Ejyp, dhiworth leuv Faro myghtern Ejyp, hag i re borthsa own a duwow erell

2 Kroniklys 21:13

mes ty re gerdhas yn fordhow myghternedh Ysrael, ha ledya Yuda ha trigoryon Yerusalem dhe wordhyans idolys, par dell wrug chi Ahab; hag ynwedh drefenn ty dhe ladha dha vreder, eseli chi dha das, an re o gwell agesos ty dha honan;

Salmow 106:39

Yndella i a veu mostys yn aga gwriansow aga honan, hag i a omdhug avel horys yn aga gwriansow.

Salmow 73:27

Rag otta, an re usi pell dhiworthis a dhe goll; ty re dhistruis oll an re a wra horyans er dha bynn.

Yeremia 10:8

Mes i yw ha gokki ha foll; dyskans idolys a brenn yw euveredh.

Yeremia 2:27

neb a leverel dhe wydhenn, ‘Ty yw ow thas’; ha dhe ven, ‘Ty a'm dineythis.’ Rag i re dreylyas aga heyn dhymm, a-der aga fas: mes yn termyn aga ahwer i a lever, ‘Sev, ha saw ni.’

Yeremia 23:13

Yn profoesi Samaria my re welas tra dhivlas: i a brofoesas re Baal, ha gul dhe'm pobel mos yn stray.

Ezekiel 20:32

Ny hwyrvydh an pyth usi yn agas brys, ow leverel, ‘Ny a vydh avel an kenedhlow, avel teyluyow an powyow, ow kordhya prenn ha men.’

Ezekiel 21:21

Rag myghtern Babylon a sev orth diberthva an fordh, orth penn an dhiw fordh, dhe wul dewinieth. Ev a shak sethow, ev a hwila kusul orth an terafim, ev a vir orth an avi.

Hosea 14:3

Ny wra Assyria agan sawya; ny wren ni marghogeth war vergh. Ny leveryn arta “Agan duwow” dhe ober agan diwla, rag ynnos jy y kyv an omdhivas truedh.’

Hosea 5:4

Aga gweythresow ny's gas dhe dhehweles dh'aga Duw, rag bos spyrys a fornikasyon yn aga mysk, ha ny aswonnons an Arloedh.

Hosea 6:10

Yn chi Ysrael my a welas tra vil. Ena yma fornikasyon Efraym, defolys yw Ysrael.

Hosea 9:1

Na lowenha, Ysrael, na heudh kepar ha'n kenedhlow, rag ty re beu dislen dhe'th Tuw; ty a garas gober hora war bub leur-drushya.

Levitikus 17:7

Ytho ny wrons i na fella sakrifia aga sakrifisow dhe jevanow-gaver may horyons war aga lergh. Hemma a vydh ordenans bys vykken ragdha der oll aga henedhow.

Levitikus 20:5

my a vynn settya ow fas erbynn an gour na hag erbynn y deylu, ha'ga threghi dhe-ves dhiworth aga fobel, ev, hag oll an re usi ow mos ganso dhe horya gans Molek.

Mika 2:11

Mar kertha gour a-dro ow kowleverel gans gwyns ha gowegneth, ‘My a brofoes dhis a win hag a gorev’, ev a via an profoes rag an bobel ma!

Habakkuk 2:19

Go-ev neb a lever dhe brenn, ‘Difun’, dhe ven avlavar, ‘Yn-sol!’ Dyskador ywa? Otta, gorlownys yw gans owr hag arghans, mes nyns eus spyrys vyth a-berth ynno.

Niverow 15:39

hag y fydh kribell ragowgh dhe vires warnedhi ha dhe berthi kov a worhemmynnow an Arloedh, dh'aga gul, ha na holyewgh war-lergh agas kolonn agas honan na'gas dewlagas dha honan, owth horya war aga lergh.

Dewteronomi 31:16

Ha'n Arloedh a leveris dhe Moyses, ‘Otta, ty a gosk gans dha dasow, ha'n bobel ma a dhrehav ha horya war-lergh duwow astranj an tir mayth ons dhi yn aga mysk. I a'm forsak ha terri ow hevambos a wrugavy gansa.

Breusysi 18:5

Ena i a leveris dhodho, ‘Govynn orth Duw, rag may hwodhvyn mar pydh sewen an negys a wren.’