Hosea 3:5 - An Bibel Kernewek 20234 (Kernewek Kemmyn)

⁵ A-wosa, mebyon Ysrael a wra dehweles ha hwilas an Arloedh aga Duw, ha Davydh aga myghtern. I a dheu gans own dhe'n Arloedh ha dh'y dhader y'n dydhyow diwettha.

Hosea 3:5 Iomraidhean Croise

1 Myghternedh 12:16

Pan welas oll Ysrael oll na vynna an myghtern goslowes orta, an bobel a worthybis dhe'n myghtern, ‘Pana rann a'gan beus yn Davydh? Nyns eus eretons yn mab Yesse. Dh'agas tyldow, Ysrael! Mirewgh dhe'th chi dha honan, Davydh.’ Ytho Ysrael eth dhe-ves dh'aga thyldow.

Ysay 17:7

Y'n jydh na den a vir orth y Wrier, ha'y dhewlagas a dreyl dhe Sans Ysrael.

Ysay 2:2

Y'n dydhyow diwettha menydh chi an Arloedh a vydh fastys avel penn an menydhyow; hag y fydh drehevys yn-bann dres an breow, hag oll an kenedhlow a dheu dhodho yn fros.

Ysay 2:3

Poblow pals a dheu ha leverel, ‘Dewgh, ha deun ni yn-bann dhe venydh an Arloedh, dhe ji Duw Yakob; hag ev a dhysk dhyn y fordhow, ha ni a gerdh yn y hynsyow.’ Rag yn-mes a Sion y teu lagha, ha ger an Arloedh dhiworth Yerusalem.

Ysay 60:5

Ena ty a wel ha splanna; dha golonn a gren gans joy hag efani, rag palster an mor a vydh dres dhis, ha rychys an kenedhlow a dheu dhis.

Ysay 9:13

Mes ny dreylyas an bobel dhe neb a's gweskis, na ny hwilsons Arloedh an luyow.

Yeremia 23:5

Otta, an dydhyow a dheu, yn-medh an Arloedh, pan dhrehavav dhe Davydh Skorrenn wiryon, ha myghtern a reyn ha sewena, hag a wra gwirvreus hag ewnder y'n tir.

Yeremia 30:24

Ny dreyl konnar fers an Arloedh dhe-ves bys pan gollanwo ha kowlwul towlow y golonn. Y'n dydhyow diwettha hwi a gonvedh hemma.

Yeremia 30:9

Mes i a serv an Arloedh aga Duw ha Davydh aga myghtern, hag a dhrehevav ragdha.

Yeremia 33:17

Rag yndellma y lever an Arloedh: Ny vydh Davydh nevra heb gour dhe esedha war dron chi Ysrael,

Yeremia 33:9

Ha homma a vydh hanow a lowena dhymm, gormel hag enor a-dherag oll kenedhlow an nor, pan glewons oll an da a wrav ragdha; i a's tevydh own ha krena drefenn oll an da ha rag oll an sewena a broviav dhedhi.

Ezekiel 16:63

rag may perthi kov ha bos methek, heb igeri dha anow arta drefenn dha dhisenor, pan wrav prenedh dhis rag pup-tra re wrussys, yn-medh an Arloedh Duw.

Ezekiel 38:16

Ty a yskynn erbynn ow fobel Ysrael kepar ha kommolenn dhe gudha an tir. Y'n dydhyow diwettha my a'th tro erbynn ow thir, rag may hwrello an kenedhlow ow aswonn, pan vydhav sanshes dredhowgh, A Gog, a-rag aga dewlagas.

Ezekiel 38:8

Wosa lies dydh y fydhydh gelwys. Yn blydhynyow a dheu yth edh erbynn tir yw restorys wosa bresel, gans lies pobel kuntellys war venydhyow Ysrael, hirneth re bia difeyth; y bobel a veu dres yn-mes dhiworth an poblow, ha lemmyn i oll yw trigys yn sawder.

Daniel 10:14

Devedhys ov rag gul dhis konvedhes an pyth a hwyrvydh dhe'th pobel yn diwedh an dydhyow, rag bos an welesigeth rag an dydhyow a dheu.’

Daniel 2:28

mes yma yn nev Duw neb a dhiskudh kevrinyow, hag ev re dherivas dhe vyghtern Nebukadnessar pandr'a hwyrvydh y'n dydhyow diwettha. Dha hunros, ha'n gwelesigethow y'th penn war dha weli, o an re ma:

Hosea 1:11

Fleghes Yuda ha fleghes Ysrael a vydh kuntellys war-barth, hag apoyntya a wrons unn penn ha dos yn-bann dhiworth an tir, rag meur a vydh dydh Yezreel.

Hosea 11:10

I a gerdh war-lergh an Arloedh; Ev a wra usa avel lew. Pan wra ev usa, fleghes an howlsedhes a gren.

Hosea 5:15

My a wra mos ha dehweles dhe'm tyller, bys mayth aswonnons aga offens, ha hwilas ow fas; yn aga ahwer i a'm hwila dihwans.

Hosea 5:6

I a wra mos gans aga flokkys ha'ga gwarthek dhe hwilas an Arloedh, mes ny'n kevons; ev re gildennas anedha.

Hosea 6:1

Dewgh, dehwelyn dhe'n Arloedh: rag ev re skwardyas, hag a wra agan sawya; ev re weskis, hag a wra agan lystenna.

Amos 9:11

Y'n jydh na my a dhrehav skovva Davydh yw koedhys ha keas hy aswaow, ha daswul hy magoryow, ha'y drehevel kepar hag y'n dydhyow koth;

Mika 4:1

Y'n dydhyow diwettha, menydh chi an Arloedh a vydh fastys avel penn an menydhyow, hag y fydh drehevys yn-bann dres an breow, ha poblow a dheu dhodho yn fros.

Niverow 24:14

Ha lemmyn, otta, yth av dhe'm pobel; deus, my a'th warn a'n pyth a wra an bobel ma dhe'th pobel jy y'n dydhyow diwettha.’

Romanyon 11:25

Rag ny vynnav hwi dhe vos heb godhvos, a vreder, a'n kevrin ma, ma na vewgh ynnowgh hwi agas honan fur: kalesenn dhe vos devedhys yn rann war Ysrael, bys pan dheffo a-ji an myns kowal a'n kenedhlow,

Romanyon 2:4

Po dispresya a wredh jy rychys y guvder ha'y wodhevyans ha'y berthyans? A ny wodhes jy kuvder Duw dhe'th hembronk dhe edrek?

Dewteronomi 4:30

Pan vydhydh yn ahwer, hag oll an taklow ma yw devedhys warnas y'n dydhyow diwettha, mar tehwelydh dhe'n Arloedh dha Dhuw hag obaya y lev,