Hosea 3:4 - An Bibel Kernewek 20234 (Kernewek Kemmyn)

⁴ Rag mebyon Ysrael a wra triga meur a dhydhyow heb myghtern, ha heb penntern, ha heb sakrifis, ha heb peulven, ha heb efod na terafim.

Hosea 3:4 Iomraidhean Croise

Jenesis 31:19

Ha Laban eth dhe gnyvyas y dheves; ha Raghel a ladras an terafim a bewo hy thas,

Jenesis 31:34

Mes Raghel re gemmersa an terafim ha'ga gorra yn sagh-diber an kowrvargh hag esedha warnodho. Laban a davas oll a-dro y'n tylda heb aga havoes.

Jenesis 49:10

Ny dreyl an welenn dhiworth Yuda na'n dernwelenn a-dhiworth y dreys, erna dheffo ev neb a's pew; ha dhodho ev y fydh omaj an poblow.

2 Samuel 6:14

Ha Davydh a dhonsyas dherag an Arloedh gans oll y nerth; ha Davydh o grogysys gans efod a lien.

2 Myghternedh 23:24

Hwath pella, Yosia a dhistruis an nygromonsoryon, an goelyogyon, an terafim, an imajys, hag oll an taklow kasadow a veu gwelys yn pow Yuda hag yn Yerusalem. Yndella ev a fastyas geryow an lagha o skrifys y'n lyver a gavas Hilkia an oferyas yn chi an Arloedh.

2 Kroniklys 15:2

Ev eth yn-mes rag metya gans Asa, hag a leveris dhodho, ‘Goslow orthiv, Asa hag oll Yuda ha Benyamin. Yma an Arloedh genowgh, ha hwi ganso. Mara's hwilowgh, ev a vydh kevys genowgh, mes mara's gesowgh, ev a'gas gas.

Eksodus 28:4

An re ma yw an gwiskasow a wrons: lurik, efod, pows, mantell a vrithweyth, tulyfant ha grogys; i a wra gwiskasow sans rag Aron dha vroder ha'y vebyon dhe'm servya avel oferysi.

Eksodus 28:6

Hag i a wra an efod gans pann owrek, glas ha purpur ha kogh, ha sendal plethys, ober gweythor kweth.

Kynvannow 2:9

Hy yetys re sedhis y'n dor; ev re dhiswrug ha terri hy barrys; yma hy myghtern ha'y fennsevigyon yn mysk an kenedhlow; nyns usi an lagha namoy, nyns eus hwath dh'y frofoesi gwelesigeth dhiworth an Arloedh.

Ezekiel 19:14

Tan eth war-ves dhiworth hy garr ha dybri hy skyll ha'y frut. Nyns eus ynni garr grev gwiw rag ternwelenn rewler. Hemm yw galargan, hag y fydh usys avel galargan.

Ezekiel 20:32

Ny hwyrvydh an pyth usi yn agas brys, ow leverel, ‘Ny a vydh avel an kenedhlow, avel teyluyow an powyow, ow kordhya prenn ha men.’

Ezekiel 21:21

Rag myghtern Babylon a sev orth diberthva an fordh, orth penn an dhiw fordh, dhe wul dewinieth. Ev a shak sethow, ev a hwila kusul orth an terafim, ev a vir orth an avi.

Ezekiel 21:31

My a dhinwa ow sorrvann warnas; gans tan ow honnar y hwithav warnas. My a'gas re yn leuv gwer vilus, skentel yn distruyans.

Daniel 11:31

Luyow dannvenys ganso a wra defola an tempel ha'n ger, defendya dhe-ves an offrynn pub-dydhyek hag yn y le gorra pyth kasadow an difeythter.

Daniel 12:11

A-dhia'n prys may fydh kemmerys dhe-ves an offrynn pub-dydhyek, bys yn devedhyans pyth kasadow an difeythter, y fydh dewdhek kans deg dydh ha peswar-ugens.

Daniel 9:27

Ha fastya ambos a wra ev gans lies der unn seythun; mes yn kres an seythun na y hwra ev dhe sakrifis hag offrynn hedhi; hag y'n tempel y fydh pyth kasadow an difeythter bys may fo an diwedh ordenys diverys war an distruer.’

Hosea 13:10

Ple'ma dha vyghtern, ma'th sawyo? Ple'ma dha vreusysi yn oll agas sitys, ay leversys anedha, ‘Ro dhymm myghtern ha pennternedh’?

Hosea 13:11

My a ros dhis myghtern y'm sorr, ha my a'n kemmeras y'm konnar.

Hosea 2:11

My a worr diwedh dhe oll hy heudhder: hy dy'goelyow, hy loeryow nowydh, hy sabotys, hag oll hy dy'goelyow apoyntys.

Levitikus 8:7

Hag ev a'n gwiskas y'n bows ha kelmi an grogys a-dro dhodho ha'y wiska y'n vantell ha gorra an efod warnodho ha kelmi grogys an efod a-dro dhodho.

Zekaria 10:2

An imajys re gewsis flows, ha'n goelyogyon re welas gwelesigethow gowek; i a dheriv fals hunrosow, i a re konfort euver. Ytho an dus a wander avel deves, yn ahwer, rag nyns eus bugel.

Zekaria 13:2

Y'n jydh na, yn-medh Arloedh an luyow, my a wra dilea henwyn an imajys dhiworth an tir, ha ny vydhons kovhes byth moy; ynwedh my a wra gorra dhe-ves a'n tir an brofoesi ha'n spyrys avlan.

Luk 21:24

i a goedh dre vin an kledha hag a vydh kemmerys yn keth dhe oll an kenedhlow, ha Yerusalem a vydh trettys yn-dann dreys an Jentilys, bys pan vo termynyow an Jentilys kowlwrys.

Yowann 19:15

Ytho i a armas, ‘Kemmer e dhe-ves, kemmer e; krowsy e!’ Yn-medh Pilat dhedha, ‘A wrav vy krowsya agas myghtern?’ An bennoferysi a worthybis, ‘Nyns eus dhyn myghtern marnas Sesar.’

Ebrowyon 10:26

Rag mar peghyn a'gan bodh wosa degemmeres aswonnvos leun a'n gwiryonedh, nyns eus gesys namoy sakrifis rag peghosow,

Breusysi 17:5

An keth gour ma Mika a'n jevo y sentri y honan, hag ev a wrug efod ha terafim hag a sakras onan a'y vebyon, neb eth ha bos y oferyas.

Breusysi 18:14

Ena an pymp gour a via gyllys dhe aspia an tir (henn yw Laish) a leveris dh'aga breder, ‘A wodhowgh hwi bos yn chiow ma efod, terafim hag imaj? Lemmyn ytho ombrederewgh pandr'a wrewgh.’

Breusysi 8:27

Gideon a wrug efod anodho hag a'n gorras yn y dre, yn Ofra; hag oll Ysrael a farya avel horys ena, hag ev o gyllys antell dhe Gideon ha dh'y deylu.

1 Samuel 14:3

war-barth gans Ahiya mab Ahitub, broder Ikabod, mab Finehas mab Eli, oferyas an Arloedh yn Shilo, ow toen an Efod. Ha ny wodhya an bobel bos Yonathan gyllys.

1 Samuel 15:23

Rag rebellyans yw avel pegh dewinieth, ha gorthter yw kepar ha kammweyth ha gordhyans idolys. Drefenn ty dhe skonya ger an Arloedh, ev ynwedh re'th skonyas a vones myghtern.’

1 Samuel 2:18

Mes yth esa Samuel ow servya a-dherag an Arloedh, maw dell o, grogysys gans efod a lien.

1 Samuel 21:9

Yn-medh an oferyas, ‘Kledha Goliath an Filistyas, neb a ledhsys yn nans Ela, ottava, maylys yn kweth a-dryv an efod; mar mynnydh y gemmeres, kemmer e, rag nyns eus travyth arall y'n tyller ma saw henna.’ Yn-medh Davydh, ‘Heb parow yw; ro e dhymm.’

1 Samuel 22:18

Ena an myghtern a leveris dhe Doeg, ‘Ty, Doeg, treyl ha koedh war an oferysi.’ Ytho Doeg an Edomyas a dreylyas ha koedha war an oferysi, ha ladha y'n jydh na pymp gour ha peswar-ugens neb a wiska efod a lien.

1 Samuel 23:6

Pan fias Abiathar mab Ahimelek dhe Davydh yn Keila, ev a dheuth yn-nans gans Efod yn y dhorn.

1 Samuel 23:9

Davydh a wodhya Sowl dhe vrasa drog er y bynn, hag ev a leveris dhe Abiathar an oferyas, ‘Dro omma an Efod.’

1 Samuel 30:7

Ena Davydh a leveris dhe'n oferyas Abiathar mab Ahimelek, ‘Ro dhymm an efod.’ Ytho Abiathar a ros an efod dhe Davydh.