Hosea 2:3 - An Bibel Kernewek 20234 (Kernewek Kemmyn)

³ ma na wrav vy hy destryppya noeth, ha'y gorra kepar hag yn dydh hy genesigeth; my a's gwrav avel gwylvos, ha'y settya avel syghtir, ha'y ladha gans syghes.

Hosea 2:3 Iomraidhean Croise

Eksodus 17:3

Mes an bobel a's tevo syghes ena rag dowr, ha'n bobel a grodhvolas war Moyses, ow leverel, ‘Prag y'gan hembrenksys yn-mes a Ejyp, dh'agan ladha ha'gan fleghes ha'gan gwarthek dre syghes?’

Ysay 33:9

An tir a gyn ha gwedhra; Lebanon a gemmer meth ha pedri; Sharon yw avel gwylvos, ha Bashan ha Karmel a shak aga del dhe-ves.

Ysay 47:3

Diskudhys vydh dha noethedh, ha gwelys vydh dha veth. My a dhial, ha ny sparyav denvyth.

Ysay 64:10

Dha sitys sans re dheuth ha mos gwylvos, Sion yw gwylvos, ha Yerusalem yw ynyalder.

Yeremia 12:10

Lies bugel re dhistruis ow gwinlann, i re drettyas ow rann yn-dann droes, i re wrug ow rann blegadow yn gwylvos ynyal.

Yeremia 13:22

Ha mar leverydh y'th kolonn, ‘Prag y teu an traow ma warnav?’ Rag meurder dha gammhynseth yw diskudhys dha lostennow, ha dha seudhelyow noeth.

Yeremia 13:26

Ytho my ow honan a wra drehevel dha lostennow dres dha fas, may fydh gwelys dha veth.

Yeremia 14:3

Aga ugheloryon re dhannvonas aga gwesyon rag dowr: i a dheuth dhe'n dowrarghow, ny gavons dowr; i a dhehwelis gwag aga lestri; methek ens ha konfondys, hag a gudhas aga fenn.

Yeremia 17:6

Ev a vydh avel merywenn y'n difeyth, ha ny wel pan dheu dader; mes trigys vydh yn tylleryow krin an difeyth, yn tir hoelanek nag yw annedhys.

Yeremia 2:31

A henedh, gwelewgh ger an Arloedh. A veuv gwylvos dhe Ysrael, po tir a dewlder? Ytho prag y lever ow fobel, ‘Ni yw rydh dhe wandra; ny dheun dhis namoy’?

Yeremia 2:6

Ha ny lavarsons, ‘Ple'ma an Arloedh a'gan dros yn-mes a bow Ejyp, a'gan hembronkas der an gwylvos, dre dir a dhifeythtiryow hag a byttow, dre dir a syghor, hag a skeus ankow dre dir ma na dremenas gour, ha le nag eus trigys den?’

Yeremia 22:6

Rag yndellma y lever an Arloedh a-dro dhe ji myghtern Yuda: Ty yw avel Gilead dhymm, avel penn Lebanon; byttegyns my a'th wra difeyth, sitys anannedhys.

Yeremia 4:26

My a viras, hag otta an tir feyth o gwylvos, hag oll y sitys o terrys a-rag an Arloedh, hag a-rag y sorr fers.

Yeremia 51:43

Hy sitys yw devedhys ha bos euth, tir syghor ha difeythtir, tir le ma nag eus trigys denvyth, ha dredho ma na dremen mab-den.

Yeremia 51:5

Rag ny veu Ysrael na Yuda gwrys gwedhow gans aga Duw, Arloedh an luyow, kynth yw aga thir leun a gabel erbynn an Sans a Ysrael.

Ezekiel 16:22

Hag yn oll dha daklow kasadow ha'th fornikasyon ny berthsys kov a dhydhyow dha yowynkneth pan es noeth ha lomm, hag ow potya a-dro y'th woes.

Ezekiel 19:13

Lemmyn hi yw plynsys y'n difeyth, yn tir kras ha sygh.

Hosea 13:15

Kyn hwra ev doen frut yn mysk y vreder, gwyns an Est a dheu, gwyns an Arloedh ow tos yn-bann dhiworth an difeyth. Y fenten a vydh desyghys, ha'y buth a hesk. Ev a byll pub lester drudh a'n dresorva.

Hosea 2:10

Lemmyn my a wra diskudha hy meth a-rag dewlagas hy haroryon, ha nagonan ny's delirv dhiworth ow leuv.

Diskwedhyans 17:16

Ha'n deg korn a welsys ha'n best: an re ma a wra kasa an hora ha'y gul gwastys ha noeth hag a wra dybri hy hig ha'y leski gans tan.

Breusysi 15:18

Y'n prys na ev a'n jevo syghes bras, hag ev a elwis war an Arloedh, ow leverel, ‘Ty re wrontyas an trygh meur ma dre leuv dha was. A dal dhymm merwel rag syghes ha koedha yn leuv an re antrodreghys?’