Hosea 2:13 - An Bibel Kernewek 20234 (Kernewek Kemmyn)

¹³ My a wra hy hessydhya rag dydhyow an Baalim, may leski offrynnow dhedha, hag omafina gans hy bysowyer ha'y gemmweyth, ha mos war-lergh hy haroryon, mes hi a'm ankovas, yn-medh an Arloedh.

Hosea 2:13 Iomraidhean Croise

2 Myghternedh 1:2

Lemmyn Ahazia re goedhsa der an lattis yn y jambour y'n soler yn Samaria, hag o klav. Ytho ev a dhannvonas kannasow, ow leverel dhedha, ‘Kewgh ha govynnewgh orth Baal-zebub, duw Ekron, mar kwrav gwellhe dhiworth an kleves ma.’

2 Myghternedh 10:28

Yndella y hwrug Yehu distrui Baal yn-mes a Ysrael.

2 Myghternedh 21:3

Ev a dastrehevis an tylleryow ughel a dhistruis y das Hezekia; ev a dhrehevis alteryow dhe Baal, ev a wrug Ashera, dell wrussa Ahab myghtern Ysrael, gordhya oll lu nev, ha'ga servya.

Job 8:13

Yndella yw hynsyow kemmys a ankev Duw; govenek an den didhuw a dhe goll.

Salmow 106:13

Hware yth ankovsons y wriansow; ny wortsons y gusul.

Salmow 106:21

I a ankovas Duw aga Selwyas, neb re wrug gwriansow meur yn Ejyp,

Salmow 78:11

Owth ankevi y wriansow ev, ha'y varthusyon a dhiskwedhsa orta.

Eksodus 32:34

Mes lemmyn, ke, hembronk an bobel dhe'n tyller a gewsis dhis anodho; otta, ow el a wra mos a-ragos. Byttegyns, an jydh may tyffiv, my a wra aga hessydhya a'ga fegh.’

Ysay 17:10

Rag ty re ankovas Duw dha selwyans, ha ny berthsys kov a garrek dha nerth. Rakhenna kynth esos ow plansa plansvaow hweg ha graffya skyll astranj;

Ysay 65:7

aga hammweythresow ha kammweythresow aga thasow war-barth, yn-medh an Arloedh. Rag i dhe leski offrynnow war an menydhyow, ha'm skornya war an bronnow, my a wra musura yn aga barrlenn an attal a'ga gweythresow kyns.

Yeremia 11:13

Rag dha dhuwow re dheuth ha bos kemmys ha'th sitys, A Yuda; ha kemmys ha stretow Yerusalem yw an alteryow re dhrehevsowgh dhe'n imaj methus, alteryow rag leski offrynnow dhe Baal.

Yeremia 18:15

Mes ow fobel re'm ankovas, i a lesk offrynnow dhe dhuwow koeg neb a wrug dhedha trebuchya yn aga fordhow, y'n hynsyow koth, dhe gerdhes yn hynsyow nag yns drehevys yn-bann,

Yeremia 2:32

A yll maghteth ankevi hy thegennow, po benyn bries hy gwisk? Mes ow fobel re'm ankovas, dydhyow heb niver.

Yeremia 23:2

Rakhenna yndellma y lever an Arloedh, Duw Ysrael, erbynn an vugeledh a vugel ow fobel: Hwi re skattras ow deves ha'ga fesya, ha ny woelsowgh warnedha. Ytho my a visit warnowgh drogedh agas gwriansow, yn-medh an Arloedh.

Yeremia 7:34

Ena my a wra dhe hedhi a-dhiworth sitys Yuda, ha dhiworth stretow Yerusalem, lev lowender, ha lev heudhder, lev an gour pries, ha lev an venyn bries: rag an tir a vydh ynyal.

Yeremia 7:9

A wrewgh hwi ladra, moldra, gul avoutri, ti yn fals, ha leski offrynnow dhe Baal, ha kerdhes war-lergh duwow na aswonnsowgh;

Kynvannow 1:4

Yma fordhow Sion ow kyni, rag ny dheu denvyth dhe'n goelyow; oll hy yetys yw forsakys, hy oferysi a hanas; grevys yw hy gwyrghesow, hag yma dhedhi hwerowder.

Kynvannow 5:14

Tus koth re asas an porth, tus yowynk aga menestrouthi.

Ezekiel 16:12

My a worras bysow war dha droen, ha skinennow war dha dhiwskovarn, ha kurun deg war dha benn.

Ezekiel 16:17

Ty a gemmeras dha degynnow teg a'm owr ha'm arghans a res dhis, ha gul ragos dha honan imajys gorow ha gul fornikasyon gansa.

Ezekiel 22:12

Ynnos i re gemmeras falswober dhe skoellya goes; ty re gemmeras oker ha goroker, ha kemmeres gwayn dhiworth dha gentrevek der arwask, ha ty re'm ankevsys, yn-medh an Arloedh Duw.

Ezekiel 23:35

Rakhenna yndellma y lever an Arloedh Duw: Rag ty dhe'm ankevi ha'm tewlel a-dryv dha geyn, porth siwyansow dha avlander ha'th fornikasyon.

Hosea 11:2

Dhe voy y hwrugavy aga gelwel, dhe bella yth ethons dhiworthiv, ow sakrifia dhe Baalim, hag ow leski offrynnow dhe imajys.

Hosea 13:1

Pan gewsi Efraym, yth esa krena; yth omughelhas yn Ysrael; mes pan beghas gans Baal ev a verwis.

Hosea 13:6

Herwydh an peurwels yw dhedha y fons lenwys; lenwys vons, ha'ga holonn a veu goethus; rakhenna i a'm ankevis.

Hosea 2:5

Aga mamm a wrug avoutri, hi neb a's omdhuk re oberis yn tivlas: rag hi a leveris, ‘My a hol ow haroryon, neb a re dhymm ow bara ha'm dowr, ow gwlan ha'm lin, ow oyl ha'm diwes.’

Hosea 2:7

Hi a wra poenya war-lergh hy haroryon mes ny yll drehedhes dhedha; hi a's hwila, mes ny yll aga havoes. Ena hi a lever, ‘My a vynn mos, ha dehweles dhe'm kynsa gour; y feu gwell ragov ena es dell yw lemmyn.’

Hosea 4:13

War benn an menydhyow y sakrifions, ha war an bronnow y leskons offrynnow, yn-dann dherwenn, hag edhlenn wynn, ha terebinthenn, drefenn bos da aga skeus. Ytho agas myrghes a wra fornikasyon, ha'gas gohydhow a wra avoutri.

Hosea 4:6

Ow fobel yw kisys drefenn fowt a skians. Drefenn ty dhe nagha skians, my a wra dha nagha ma na vi oferyas ragov; drefenn ty dhe ankevi lagha dha Dhuw, my ynwedh a wra ankevi dha vebyon.

Hosea 8:14

Ysrael re ankovas y Wrier, ha re dhrehevis palesyow; ha Yuda re wrug lies sita gerys. Mes my a dhannvon tan yn y sitys a dhevor y gastylli.

Hosea 9:7

Dydhyow an kessydhyans re dheuth, dydhyow an dial re dheuth. Ysrael a'n godhvydh. An profoes yw boba, an gour spyrysel yw muskok, drefenn dha lies kammhynseth, ha'n kas meur.

Amos 8:10

Treylya a wrav agas goelyow yn kynvann, ha'gas kanow oll yn oelva; my a worr yskar war an dhiwglun oll, ha bloghter war bub penn; my a's gwrav dhe gyni kepar dell ve war-lergh aga unn vab, ha'n gorfenn anodho a vydh kepar ha dydh hwerow.

Dewteronomi 32:18

Ty a dhispresyas an Garrek a'th tineythis, hag ankevi Duw neb a'th tros dhe enesigeth.

Dewteronomi 6:12

kemmer with na ankeffi an Arloedh neb a'th tros yn-mes a bow Ejyp, dhiworth an chi a gethneth.

Breusysi 10:6

Mebyon Ysrael a wrug arta an pyth o drog yn golok an Arloedh, ow kordhya an Baalim ha'n Ashtaroth, duwow Aram, duwow Sidon, duwow Moab, duwow an Ammonysi, ha duwow an Filistysi. Yndella i a asas an Arloedh, ha ny'n gordhyens.

Breusysi 3:7

Mebyon Ysrael a wrug arta an pyth o drog yn golok an Arloedh, owth ankevi an Arloedh aga Duw, hag ow kordhya an Baalim ha'n Asheroth.

1 Samuel 12:9

Mes i a ankovas an Arloedh aga Duw, hag ev a's gwerthas yn dorn Sisera, kaslewydh lu Hasor, hag yn leuv an Filistysi, hag yn leuv myghtern Moab, hag i a vatalyas orta.