Hosea 2:10 - An Bibel Kernewek 20234 (Kernewek Kemmyn)

¹⁰ Lemmyn my a wra diskudha hy meth a-rag dewlagas hy haroryon, ha nagonan ny's delirv dhiworth ow leuv.

Hosea 2:10 Iomraidhean Croise

2 Kroniklys 24:7

Rag mebyon Athalia, an debelvenyn na, re entersa yn chi Duw gans nerth, ha devnydhya daffar sakrys chi an Arloedh rag an Baalim hogen.

Salmow 50:22

‘Prederewgh hemma, hwi neb a ankev Duw, ma na wrylliv agas skwardya, ha na vo nagonan dhe dhelivra.

Lavarow Koth 11:21

Bydh sur, ny vydh tebelwas heb kessydhyans, mes an re wiryon a vydh delivrys.

Ysay 3:17

an Arloedh a dhre krevennow war glopenn myrghes Sion, ha'n Arloedh a lommha aga thal.

Yeremia 13:22

Ha mar leverydh y'th kolonn, ‘Prag y teu an traow ma warnav?’ Rag meurder dha gammhynseth yw diskudhys dha lostennow, ha dha seudhelyow noeth.

Yeremia 13:26

Ytho my ow honan a wra drehevel dha lostennow dres dha fas, may fydh gwelys dha veth.

Ezekiel 16:16

Ha ty a gemmeras re a'th tillas, ha gul ragos dha honan tylleryow ughel liesliw, ha gul fornikasyon warnedha. Ny dal hwarvos, na ny vydh.

Ezekiel 16:19

Ha'm bara a res dhis, bleus fin hag olew ha mel, a res dhis dhe dhybri, ty a settyas a-ragdha rag sawer plegadow; hag yndella y feu, yn-medh an Arloedh Duw.

Ezekiel 23:29

I a'th tyght yn envi, ha kemmeres oll frut dha lavur. I a wra dha asa lomm ha noeth, ha noethedh dha fornikasyon a vydh diskudhys, dha vilta ha'th fornikasyon.

Hosea 10:1

Ysrael yw gwinbrenn lies-skorrek, a dheg frut pals. Dhe voy y frut, dhe voy y kressyas an alteryow; dhe voy dader y dir, dhe voy y hwrussons peulveyn teg.

Hosea 13:1

Pan gewsi Efraym, yth esa krena; yth omughelhas yn Ysrael; mes pan beghas gans Baal ev a verwis.

Hosea 2:3

ma na wrav vy hy destryppya noeth, ha'y gorra kepar hag yn dydh hy genesigeth; my a's gwrav avel gwylvos, ha'y settya avel syghtir, ha'y ladha gans syghes.

Hosea 6:9

Ha kepar dell wra bagas a ladron kontrewaytya gour, yndella y hwra bagas a oferysi; ow moldra y'n fordh dhe Shekem, ow kul drogober hegas.

Mika 5:8

Ha remenant Yakob yn mysk an kenedhlow yn mysk lies pobel, a vydh avel lew yowynk yn mysk bestes an goeswik, avel lewik yn mysk greow deves; pan boen ev dresta, ev a wra stankya ha skwardya, ha nyns eus denvyth dhe dhelivra.

1 Korinthianys 4:5

Na vreusewgh travyth, ytho, kyns an ewn-dermyn may teffo an Arloedh, neb a wra golowi traow kudhys y'n tewlder keffrys diskwedhes kusulyow an golonn; hag y'n eur na kettep onan a wra kavoes y wormola dhiworth Duw.