Hosea 14:9 - An Bibel Kernewek 20234 (Kernewek Kemmyn)

⁹ Piw yw skentel? Re gonvettho an taklow ma. Piw yw doeth? Re's godhvo. Fordhow an Arloedh yw ewn, an re wiryon a gerdh ynna, mes drogoberoryon a drebuch ynna.

Hosea 14:9 Iomraidhean Croise

Jenesis 18:25

Pell bedhes dhiworthis gul war-lergh an gis ma, ladha an re wiryon gans an re dhrog, may fo an re wiryon kepar ha'n re dhrog; bedhes pell dhiworthis! A ny vynn Breusyas oll an nor gul gwirvreus?’

Job 17:9

An den gwiryon a bes war y fordh, ha'n den glan y dhiwleuv yw krevhes moy ha moy.

Salmow 107:43

Piwpynag a vo fur, avisyes a'n taklow ma, ha prederens i a dregeredh an Arloedh.

Salmow 119:128

Rakhenna my a gerdh yn ewn herwydh oll dha arghadowyow; my a gas pub hyns gowek.

Salmow 119:75

My a woer, A Arloedh, dha vreusow dhe vos gwiryon, hag yn lenduri ty dhe'm trobla.

Salmow 84:5

Gwynnvys an den may 'ma y nerth ynnos jy, ha'th fordhow yn y golonn.

Salmow 84:7

Yth ons a nerth dhe nerth; pubonan a vydh gwelys a-rag Duw yn Sion.

Lavarow Koth 10:29

Fordh an Arloedh yw dinas krev dhe'n den divlam, mes distruyans dhe'n dhrogoberoryon.

Lavarow Koth 16:21

An den fur y golonn yw henwys den poellek, ha hwekter an dhiwweus a ynkress dyskans.

Lavarow Koth 4:18

Mes hyns an re wiryon yw haval dhe wolow dydh-tardh, hag a splann dhe splanna ha dhe splanna bys yn hanter-dydh.

Ysay 1:28

An re a rebell ha'n beghadoryon a vydh distruys war-barth, ha'n re a forsak an Arloedh a dhe goll.

Ysay 17:8

Ny vir orth an alteryow, ober y dhiwla, ha ny vir orth an Asherim ha'n alteryow ynkys a wrug y vysies.

Ysay 26:7

Fordh an den gwiryon yw kompes; ty a wra leven hyns an den gwiryon.

Yeremia 29:12

Ena hwi a elow warnav, hag yth ewgh ha pysi warnav, ha my a'gas klew.

Yeremia 9:12

Piw yw an gour doeth, a yll konvedhes hemma, may kewsis ganow an Arloedh dhodho, ma'n disklerro? Prag yth yw an tir diswrys ha gwastys kepar ha gwylvos, ma na dremen denvyth?

Ezekiel 11:18

I a dheu di ha remova oll hy thaklow vil ha'y thaklow kasadow dhiworti.

Ezekiel 18:25

Mes hwi a lever, ‘Fordh an Arloedh yw anewn.’ Klewewgh, chi Ysrael: Yw ow fordh anewn, po a nyns yw agas fordhow hwi anewn?

Ezekiel 36:25

Skoellya a wrav warnowgh dowr glan, ha hwi a vydh glanhes dhiworth oll agas avlander, ha dhiworth oll agas idolys.

Daniel 12:10

Lies a vydh purhes, ha kannyes, ha prevys, mes an debeles a bes ow kul drog. Nagonan a'n debeles ny gonvedh; mes an re fur a gonvedh.

Sefania 3:5

An Arloedh yw gwiryon a-berth ynni; ny wra ev sherewneth: myttin wosa myttin ev a re y vreus, pub bora ny fyll ev; mes ny woer an drogoberer meth.

Zekaria 10:6

My a wra nertha chi Yuda ha selwel chi Yosep. My a wra aga restorya, rag my a gemmer truedh anedha. I a vydh kepar ha pan na wrugavy aga skonya; rag yth ov vy an Arloedh aga Duw, ha my a wra aga gorthybi.

Matthew 11:19

Mab an den a dheuth ow tybri hag owth eva hag yn-medhons i, “Otta gargasenn ha penn-medhow, koweth tolloryon ha peghadoryon.” Mes furneth yw prevys ewn gans hy oberow.’

Luk 2:34

Ha Simeon a's bennigas ha leverel dhe Varia y vamm, ‘Otta, an flogh ma yw settys rag koedha ha sevel lies yn Ysrael, ha rag tokyn a vydh skonys

Luk 7:23

ha gwynnvys neb na vo sklandrys ahanav.’

Yowann 15:24

Mar ny wrellen vy yn aga mysk an oberow na wrug denvyth arall, ny viens kablus a begh; mes lemmyn i re welas ha'm kasa vy ha'm Tas.

Yowann 18:37

Ena yn-medh Pilat dhodho, ‘Osta myghtern ytho?’ Yesu a worthybis, ‘Ty a lever, ow bos myghtern. Rakhenna y feuv vy genys, ha rakhenna y teuth vy y'n bys, may hallen dustunia a'n gwiryonedh. Peub neb yw a'n gwiryonedh a glew ow lev.’

Yowann 8:47

Ev neb yw a Dhuw a glew geryow Duw; rakhenna, hwi ny glewowgh, drefenn nag owgh hwi a Dhuw.’

Yowann 9:39

Ha Yesu a leveris, ‘Dhe vreus yth ov vy devedhys y'n bys ma, rag may hwello kemmys na yll gweles, ha may fo dall kemmys a yll gweles.’

Oberow 13:10

‘A, lenwys a bub toell hag a bub frows, mab an jowl, eskar pub ewnder, a ny vynn'ta hedhi, kamma fordhow ewn an Arloedh?

Romanyon 7:12

Rag an lagha yw sans, ha'n gorhemmynn yw ha sans ha teg ha da.

Dewteronomi 32:4

An Garrek – perfydh yw y ober, rag oll y fordhow yw ewn; Duw a lenduri, heb kammhynseth, gwiryon ha kompes yw ev.

Diskwedhyans 15:3

Hag i a gan kan Moyses gwas Duw, ha kan an Oen, ow leverel, ‘Bras ha marthys yw dha wriansow, A Arloedh Duw Ollgalloesek; ewn ha gwir yw dha fordhow, A Vyghtern an kenedhlow.