Hosea 14:7 - An Bibel Kernewek 20234 (Kernewek Kemmyn)

⁷ Arta y trigons yn y skeus. I a wra ys dhe devi. I a wra bleujyowa avel an gwinbrenn; y vri a vydh avel gwin Lebanon.

Hosea 14:7 Iomraidhean Croise

Salmow 138:7

Kyn kerdhav yn kres anken, ty a with ow bewnans; ty a ystynn dha leuv erbynn sorr ow eskerens, ha'th leuv dhyghow a'm saw.

Salmow 85:6

A ny dreylydh ha'gan bewhe ni arta, rag may lowenhaho dha bobel ynnos?

Salmow 91:1

Seul a drig yn skovva an Ughella a bowes yn-dann woskes an Ollgalloesek.

An Gan a Ganow 2:3

Avel avalenn yn mysk gwydh an goeswik, yndella yw ow haradow yn mysk an vebyon. Gans meur a dhesir my a esedhas yn y woskes, ha hweg o y frut dhe'm stevnik.

An Gan a Ganow 4:11

Dha dhiwweus a dhever mel dell ve dhiworth an gribenn, ow fries; yma mel ha leth yn-dann dha daves, hag ethenn dha dhillas yw avel ethenn Lebanon.

An Gan a Ganow 6:11

My eth yn-nans dhe lowarth an know rag hwithra an eginyow y'n nans, dhe weles mar kwrug an gwinbrennyer glasa, mar kwrug an greunavalow bleujyowa.

Ysay 61:11

Ha kepar dell wra an dor dri yn-mes y eginyow, ha lowarth a wra dhe'n pyth yw hesys skylla, yndella an Arloedh Duw a wra dhe ewnder ha gormola skylla a-rag oll an kenedhlow.

Ezekiel 17:23

Yn ughella menydh Ysrael my a'n plans, may hallo dri yn-mes skorrennow ha doen frut, ha dos ha bos kederwydhenn vryntin, ha pub par edhen a drig yn-danno, ha pub par kreatur askellek a drig yn skeus y skorrennow.

Hosea 14:5

My a vydh avel an gluth dhe Ysrael; ev a wra bleujyowa avel an lili, ha dannvon y wreydh yn-nans kepar ha kederwydh Lebanon.

Hosea 2:21

Y'n jydh na my a worthyp, yn-medh an Arloedh, my a worthyp dhe'n nevow, hag i a worthyp dhe'n nor.

Hosea 2:22

Ha'n tir a worthyp dhe'n ys ha dhe'n gwin ha dhe'n oyl; hag i a worthyp dhe Yezreel.

Hosea 6:2

Wosa dew dhydh ev a wra agan dasvewa; y'n tressa dydh ev a wra agan drehevel, ha ni a vew a-ragdho.

Zekaria 8:12

An has a wra tevi yn kres, an gwinbrenn a re y frut, an tir a re y drevas, ha'n nevow a re aga gluth. My a re oll an taklow ma avel eretons rag remenant an bobel ma.

Yowann 11:25

Yn-medh Yesu dhedhi, ‘My yw an dasserghyans ha'n bewnans; neb a grys ynnov vy, hwath kyn farwo, ev a vew;

Yowann 12:24

Yn hwir, yn hwir y lavarav dhywgh, marnas hasenn a ys a goedh dhe'n dor ha merwel, hi a bes hy honan; mes mar merow, hi a dheg meur a frut.