Hosea 14:3 - An Bibel Kernewek 20234 (Kernewek Kemmyn)

³ Ny wra Assyria agan sawya; ny wren ni marghogeth war vergh. Ny leveryn arta “Agan duwow” dhe ober agan diwla, rag ynnos jy y kyv an omdhivas truedh.’

Hosea 14:3 Iomraidhean Croise

2 Kroniklys 16:7

Y'n termyn na an gwelesydh Hanani a dheuth dhe Asa myghtern Yuda, hag a leveris dhodho, ‘Drefenn ty dhe fydhya yn myghtern Aram, a-der fydhya y'n Arloedh dha Dhuw, lu myghtern Aram re dhienkas dhiworthis.

Salmow 10:14

Ty re'n gwelas, rag ty a wra vri a dhregynn ha poenvos, dh'y gemmeres y'th tiwleuv; an anfeusik a gemmynn y honan dhiso jy; ty yw gwereser an omdhivas.

Salmow 146:3

Na drestyewgh yn pennsevigyon, nag yn mab-den, ma nag eus selwyans ynno.

Salmow 146:9

An Arloedh a with an alyons; ev a skoedh an omdhivas ha'n wedhwes, mes fordh an debeles ev a dhomhwel.

Salmow 33:17

Euveredh yw trestya yn margh rag selwyans, ha nyns yw denvyth selwys gans y nerth bras.

Salmow 68:5

Tas dhe'n omdhivasow, ha breusyas an gwedhwesow, yndella yw Duw yn y drigva sans.

Ysay 1:29

Rag i a vydh methek a'n derow re dhesirsowgh; hag i a vydh shamys dre'n lowarthyow re dhewissowgh.

Ysay 2:20

Y'n jydh na den a dewl y idolys a arghans ha'y idolys a owr, an pyth a wrug pubonan dhodho y honan dhe wordhya, dhe'n godhow ha dhe'n ughsommyses,

Ysay 27:9

Rakhenna, yndellma anewnder Yakob a vydh prenys, ha hemma a vydh an frut leun ow treylya dhe-ves y begh: pan worr oll meyn an alter avel meyn krey dralyes, ny sev Asherim nag alteryow ynkys.

Ysay 30:16

Hwi a leveris, ‘Na, drefenn ni a fi war vargh’ – rakhenna hwi a fi! ha ‘Ni a varghok war vargh skav’ – rakhenna agas helghysi a vydh skav!

Ysay 30:2

neb a gerdh dhe vos yn-nans dhe Ejyp heb govynn ow bodh, ha hwilas gweres yn nerth Faro, ha trestya yn goskes Ejyp.

Ysay 31:1

Go-i an re a dhiyskynn dhe Ejyp rag gweres, ha kregi war vergh, ha trestya yn charettow rag aga bos lies, hag yn marghogyon rag aga bos pur nerthek, mes ny virons orth Sans Ysrael, na ny hwilons an Arloedh.

Ysay 31:3

An Ejyptianys yw denel a-der Duw; aga mergh yw kig a-der spyrys. Pan wra an Arloedh ystynn y leuv, an gwereser a drebuch ha'n den gweresys a goedh, hag i oll a dhe goll war-barth.

Ysay 36:8

Lemmyn gwra bargen gans ow arloedh, myghtern Assyria, ha my a re dhywgh dew vil vargh, mar kyllydh y'th parth jy settya marghogyon warnedha.

Yeremia 49:11

Gas dha omdhivasow, my a's gwith yn few; ha gas dha wedhwesow dhe fydhya ynnov.

Ezekiel 36:25

Skoellya a wrav warnowgh dowr glan, ha hwi a vydh glanhes dhiworth oll agas avlander, ha dhiworth oll agas idolys.

Ezekiel 37:23

Ny omdhefolons nevra namoy gans aga idolys, na gans aga thaklow kasadow, na gans oll aga threuspassow. My a's saw dhiworth oll aga gwriansow dislel may peghsons ynna, ha'ga glanhe. Ena i a vydh ow fobel, ha my a vydh aga Duw.

Hosea 12:1

Kowethya a wra Efraym gans an gwyns, ha helghya gwyns an howldrevel oll an jydh, ha kressya gowyow ha freudh. I a wra kevambos gans Assyria hag olew yw degys dhe Ejyp.

Hosea 13:2

Lemmyn i a beghas hwath moy; i re wrug ragdha aga honan imajys teudh, delowyow gwrys a'ga arghans herwydh aga sleyghneth, i oll an ober a greftoryon. Leverir anedha, ‘Tus a wra sakrifis; i a amm dhe leughi!’

Hosea 14:8

A Efraym, pandr'yw imajys hwath dhymmo vy? My a worthyp dhodho, ha'y witha. My yw avel merywenn las; dha frut a dheu a-dhiworthiv.

Hosea 2:17

My a gemmer henwyn an Baalim yn-mes a'y ganow, ha ny vydhons nevra kovhes orth aga henwyn.

Hosea 4:12

Ow fobel a wovynn kusul a'ga frenn, ha'n gwelenn a's gorthyp. An spyrys a horyans a wra dhedha mos yn stray, hag i a wra horyans a-dhiworth aga Duw.

Hosea 5:13

Efraym a welas y gleves, ha Yuda y woli, ena Efraym eth dhe Assyria, hag a dhannvonas dhe'n myghtern meur. Mes ny yll agas sawya, na yaghhe agas goli.

Hosea 7:11

Efraym yw kepar ha kolomm, gokki ha heb kolonn; i a elow dhe Ejyp ha mos dhe Assyria.

Hosea 8:6

Rag dhiworth Ysrael yth yw! Ser a'n gwrug, ha nyns yw Duw. Leugh Samaria a vydh skyrr.

Hosea 8:9

Rag gyllys yns yn-bann dhe Assyria, avel asen gwyls digoweth. Efraym re arvethas keryadesow.

Yona 2:10

Ena an Arloedh a gewsis orth an pysk, hag ev a hwyjas Yona yn-mes war an tir sygh.

Zekaria 13:2

Y'n jydh na, yn-medh Arloedh an luyow, my a wra dilea henwyn an imajys dhiworth an tir, ha ny vydhons kovhes byth moy; ynwedh my a wra gorra dhe-ves a'n tir an brofoesi ha'n spyrys avlan.

Yowann 14:18

‘Ny'gas gasav omdhivas; dos a wrav dhywgh.

Dewteronomi 17:16

Saw na geves dhodho y honan niver bras a vergh, ha na wres dhe'n bobel dehweles dhe Ejyp rag may kaffons mergh moy, rag an Arloedh re leveris dhywgh, ‘Na dhehwelewgh nevra y'n fordh ma arta.’