Hosea 13:9 - An Bibel Kernewek 20234 (Kernewek Kemmyn)

⁹ A Ysrael, my a'th tistru: piw a vydh dha wereser?

Hosea 13:9 Iomraidhean Croise

2 Kroniklys 28:23

Rag ev a sakrifias dhe dhuwow Damaskus a'n fethsa, ha leverel, ‘Drefenn duwow myghternedh Aram dh'aga gweres, my a wra sakrifia dhedha, rag ma'm gweressons vy.’ Mes an re na o diswrians dhodho ha dhe Ysrael oll.

Salmow 146:5

Gwynn y vys neb a'n jeves Duw Yakob yn gweres dhodho, hag yma y drest y'n Arloedh y Dhuw,

Salmow 33:20

Agan enev a worta an Arloedh; ev yw agan gweres ha'gan skoes.

Salmow 46:1

Duw yw agan skovva ha'gan nerth, gweres yn anken na fyll nevra.

Lavarow Koth 6:32

Neb a wra avoutri gans benyn yw diboell; neb a'n gwra a omdhistru.

Lavarow Koth 8:36

Mes neb a fyll ow havoes a shynd y enev y honan, kemmys a'm kas a gar ankow.’

Ysay 3:11

Go-ev an tebelwas, drog a'n jevydh; drefenn war-lergh ober y dhiwleuv y fydh gwrys dhodho ev.

Ysay 3:9

Semlans aga fas a worthyp er aga fynn ha disklerya aga fegh avel Sodom; ny's kudhons. Go-i aga enevow! rag i re dhros drog warnedha aga honan.

Yeremia 2:17

A ny wrussys dri hemma warnas dha honan, rag ty dhe eskasa an Arloedh dha Dhuw, pan esa orth dha hembronk y'n fordh?

Yeremia 2:19

Dha dhrogedh dha honan a'th keredh, ha'th weythresow dislel a'th chasti: godhvydh ytho ha gweles y vos drog ha hwerow, ty dhe eskasa an Arloedh dha Dhuw, ha ma nag eus ow own ynnos, yn-medh an Arloedh, Duw an luyow.

Yeremia 4:18

Dha fordh ha'th wriansow re dhros an traow ma warnas: hemm yw dha dhrogedh, ass yw hwerow! re dhrehedhas bys y'th kolonn.’

Yeremia 5:25

Agas drogoberow re dreylyas an traow ma dhe-ves, ha'gas peghosow re withas dader a-dhiworthowgh.

Hosea 13:4

Mes my re beu an Arloedh dha Dhuw a-ban veus yn pow Ejyp; ny wodhvydhydh Duw vyth a-der my, ha nyns eus selwador a-der my.

Hosea 14:1

Dehwel, Ysrael, dhe'n Arloedh dha Dhuw; rag ty re drebuchyas yn dha gammhynseth.

Hosea 7:14

Ny garmsons dhymm yn aga holonn, hag i ow kyni war aga gweli. I a omhakkyas rag greun ha gwin nowydh, ha kildenna a-dhiworthiv vy.

Hosea 7:15

My a nerthas ha krevhe aga diwvregh, mes i a breder dhe wul droktra er ow fynn.

Malaki 1:12

Mes hwi a'n disaker ow leverel, ‘Moes an Arloedh yw defolys, ha'y frut, hy boes, yw dispresys.’

Malaki 1:13

Ha hwi a lever, ‘Awotta, ass yw skwithus!’ ha hwi a wra y dhispresya, yn-medh Arloedh an luyow. Pan dhrowgh hwi best ledrys, hag evredh, ha klav, ha'ga dri avel offrynn, a vynnav aga resseva a'gas diwleuv? yn-medh an Arloedh.

Malaki 1:9

Lemmyn, ytho, pysewgh war Dhuw may hwrello agan favera. Dhiworth agas leuv yw hemma! A wra ev diskwedhes favour dhe dhenvyth ahanowgh? yn-medh Arloedh an luyow.

Dewteronomi 33:26

Nyns eus nagonan avel an Duw a Yeshurun, usi ow marghogeth dre nev dhe'th weres, hag yn y veuredh war an kommol.

Dewteronomi 33:29

Gwynn dha vys, Ysrael! Piw yw avelos? pobel selwys gans an Arloedh, an skoes a'th weres, kledha dha veuredh. Dha eskerens a dheu dhis ow fekla, ha ty a drett war aga heynow.