Hosea 13:16 - An Bibel Kernewek 20234 (Kernewek Kemmyn)

¹⁶ Samaria a vydh kessydhys, rag hi a rebellyas erbynn hy Duw. I a goedh der an kledha; aga fleghesigow a vydh terrys dhe demmyn, ha'ga benynes veghyek a vydh skwardys igor.

Hosea 13:16 Iomraidhean Croise

2 Myghternedh 15:16

Ena Menahem a weskis Tifsagh, pubonan esa ynni ha'y thiredh dhiworth Tifsagh yn-rag; drefenn na igorsa an yetys dhodho ev a's gweskis. Ev a skwardyas oll an benynes ynni esa gans flogh.

2 Myghternedh 17:18

Rakhenna an Arloedh o serrys yn feur orth Ysrael, ha'ga hemmeres mes a'y wel; nyns esa gesys saw unnsel loeth Yuda.

2 Myghternedh 17:5

Ena myghtern Assyria a omsettyas erbynn oll an pow hag a dheuth dhe Samaria; ev a worras esedhva a-dro dhedhi teyr blydhen.

2 Myghternedh 17:6

Y'n nownsegves blydhen a Hoshea, myghtern Assyria a gemmeras Samaria; ev a dhug Ysrael yn divroedh dhe Assyria, ha'ga gorra yn Halagh ha ryb an avon Habor yn Gozan, hag yn sitys an Medys.

2 Myghternedh 8:12

Hazael a wovynnas, ‘Prag yth oelydh, ow arloedh?’ Ev a worthybis, ‘Drefenn my dhe wodhvos an drog a wredh dhe fleghes Ysrael: ty a lesk aga heryow, ty a ladh aga gwer yowynk gans an kledha, ha brewi aga fleghigyow, ha skwardya aga benynes hag yw gans flogh.’

Ysay 13:16

Aga fleghes a vydh hakkys dhe demmyn a-rag aga dewlagas; aga chiow a vydh ravnys ha'ga gwragedh defolys.

Ysay 17:3

An kastell a vydh gyllys dhiworth Efraym, ha'n vyghterneth dhiworth Damaskus; remenant Aram a vydh avel glori mebyon Ysrael, yn-medh Arloedh an luyow.

Ysay 8:4

rag kyns an flogh dhe wodhvos gelwel ‘Ow thas’ hag ‘Ow mamm’, rychys Damaskus ha preydh Samaria a vydh degys dhe-ves a-rag myghtern Assyria.

Hosea 10:2

Aga holonn yw fals; lemmyn i a berth an kessydhyans a'ga offens. Ev a wra dralya aga alteryow, ha distrui aga feulveyn.

Hosea 11:6

An kledha a wra troyllya erbynn y sitys, ha distrui an varrys a'y yetys, ha'ga dybri drefenn aga thowlow.

Hosea 7:14

Ny garmsons dhymm yn aga holonn, hag i ow kyni war aga gweli. I a omhakkyas rag greun ha gwin nowydh, ha kildenna a-dhiworthiv vy.

Amos 1:13

Yndellma y lever an Arloedh: Rag tri hammweythres a vebyon Ammon, ha rag peswar, ny wrav vy hepkorr an kessydhyans; drefenn i dhe skwardya gwragedh gans flogh yn Gilead, mayth efannens aga amal.

Amos 3:9

Diskleryewgh dhe'n palesyow yn Ashdod, ha dhe'n palesyow yn pow Ejyp, ha leverewgh: ‘Omguntellewgh war venydhyow Samaria, ha gwelewgh an lies arwask eus ynni, ha'n dus arweskys a-berth ynni.’

Amos 9:1

My a welas an Arloedh ow sevel ryb an alter, hag ev a leveris: Gwask pennow an pilars erna grenno an treudhow, ha'ga brewi war benn an bobel oll! An rann yw gesys a ladhav gans an kledha; denvyth ny fi dhe-ves, denvyth ny skap.

Mika 1:4

Ha'n menydhyow a wra teudhi yn-danno ha'n nansow a vydh folsys, avel koer a-rag an tan, avel dowrow diverys war leder serth.

Mika 6:16

Ordenansow Omri yw gwithys, hag oberow oll chi Ahab, ha hwi a gerdh herwydh aga husul. Rakhenna my a'th wra avel euth, ha'y thrigoryon a vydh hwibana, ha hwi a berth mewl ow fobel!

Nahum 3:10

Byttegyns hi ynwedh eth yn divroedh, hi eth yn kethneth: ynwedh hy fleghes a veu terrys dhe demmyn dhe benn an stretys oll: i a dewlis prenn rag hy thus wordhi, ha'y thus vras oll a veu kelmys yn kargharow.