Hosea 13:15 - An Bibel Kernewek 20234 (Kernewek Kemmyn)

¹⁵ Kyn hwra ev doen frut yn mysk y vreder, gwyns an Est a dheu, gwyns an Arloedh ow tos yn-bann dhiworth an difeyth. Y fenten a vydh desyghys, ha'y buth a hesk. Ev a byll pub lester drudh a'n dresorva.

Hosea 13:15 Iomraidhean Croise

Jenesis 41:23

Hag otta, yth esa seyth penn-ys gwedhrys, tanow ha syghys gans gwyns an est, owth egina war aga lergh.

Jenesis 41:52

Hag ev a elwis hanow an nessa Efraym, ‘rag Duw re wrug dhymm doen frut yn pow ow galarow.’

Jenesis 41:6

Hag otta, yth esa seyth penn-ys tanow, ha syghys gans gwyns an est owth egina war aga lergh.

Jenesis 48:19

Mes y das a naghas ha leverel, ‘My a woer, ow mab, my a woer. Ev ynwedh a dheu ha bos pobel, hag ev ynwedh a vydh bras; mes y vroder yowynka a vydh brassa agesso, ha'y has a vydh kenedhlow pals.’

Jenesis 49:22

‘Skorrenn leun a frut yw Yosep, skorrenn leun a frut ryb fenten. Yma y varrow ow resek dres an ke.

Job 18:16

Y wreydh yw desyghys yn-danno, ha'y skorr a wedher a-ughto.

Salmow 1:4

Nyns yw yndellma an debeles, mes yth yns i avel kulyn a wra an gwyns y hwytha dhe-ves.

Salmow 109:13

Bedhes y linyeth diwreydhys, ha bedhes y hanow defendys dhe-ves y'n henedh a siw.

Ysay 14:21

Pareusewgh ladhva rag y vebyon drefenn peghosow aga thasow; ma na saffons hag erita an tir ha lenwel enep an nor a sitys.

Ysay 17:13

Kenedhlow a darenn avel tarennans dowrow pals, mes ev a's keredh hag y fions pell, helghys avel us war an menydhyow a-rag an gwyns, hag avel has askall a-rag an awel.

Ysay 27:8

Orth aga fellhe, orth aga divroa ty a strivyas gansa; gans y hwyth fers ev a's removas yn dydh gwyns an Est.

Ysay 41:16

Ty a wra aga noetha, ha'n gwyns a's deg dhe-ves, ha'n korwyns a wra aga skattra. Mes ty a lowenha y'n Arloedh, ha bostya y'n Sans a Ysrael.

Yeremia 20:5

Kekeffrys my a re tresor oll an sita ma, hag oll frut hy lavur, hag oll hy thaklow drudh, ha provians oll myghternedh Yuda – my a's re yn leuv aga eskerens, hag i a's pyll, ha'ga doen dhe Babylon.

Yeremia 4:11

Y'n termyn na y fydh leverys dhe'n bobel ma ha dhe Yerusalem: Gwyns toemm a'n ugheldiryow moel y'n gwylvos war-tu ha myrgh ow fobel, mes ny vydh dhe groedra, na dhe lanhe;

Yeremia 4:12

gwyns leun a'n tylleryow na a wra dos dhe'm arghadow: lemmyn ynwedh yth esov ow ri breus er aga fynn.

Yeremia 51:1

Yndellma y lever an Arloedh: Otta, my a wra dhe dhifuna erbynn Babylon hag erbynn annedhysi Kaldea an spyrys a dhistruer;

Yeremia 51:36

Ytho yndellma y lever an Arloedh: Otta, my a bled dha gen ha diella ragos. My a dhesygh hy mor ha gul dh'y fenten bos sygh;

Ezekiel 17:10

Mars yw treusplynsys, a wra ev sewena? Pan wra gwyns an est y dochya a ny wra ev gwedhra oll yn tien, gwedhra y'n dor may tevis?

Ezekiel 19:12

Mes hi a veu diwreydhys yn sorr, ha tewlys dhe'n dor; gwyns an est a's desyghas; hy frut a veu destryppys, hy garr grev a wedhras; tan a's dybris.

Daniel 11:8

Ynwedh ev a dheg aga duwow yn keth dhe Ejyp, gans aga delowyow teudh, ha'ga lestri drudh a arghans hag a owr; ha dre vlydhynyow ny wra ev mellya gans myghtern an gledhbarth.

Hosea 10:1

Ysrael yw gwinbrenn lies-skorrek, a dheg frut pals. Dhe voy y frut, dhe voy y kressyas an alteryow; dhe voy dader y dir, dhe voy y hwrussons peulveyn teg.

Hosea 2:3

ma na wrav vy hy destryppya noeth, ha'y gorra kepar hag yn dydh hy genesigeth; my a's gwrav avel gwylvos, ha'y settya avel syghtir, ha'y ladha gans syghes.

Hosea 4:19

An gwyns a's maylyas yn hy eskelli, hag y fydhons methek a'ga sakrifisow.

Hosea 9:11

Golewder Efraym a nij dhe-ves avel edhen, heb dineythyans, heb torr, heb omdhoen.

Yona 4:8

Ha pan dhrehevis an howl, Duw a dhannvonas gwyns toemm dhiworth an howldrevel, ha'n howl a weskis war benn Yona, may klamderas. Hag ev a bysis may farwa, ow leverel, ‘Gwell dhymm yw merwel es bewa.’

Nahum 2:9

Pyllewgh hwi an arghans, pyllewgh an owr; heb fin yw an tresor, palster a bup-tra desiradow.

Dewteronomi 33:17

Y veuredh yw haval dh'y darow kynsa-genys, ha'y gern yw kern bual. Gansa ev a gorn poblow war-barth, bys pennow an norvys. Yth yns i an degow a vilyow a Efraym, Yth yns i an milyow a Manasse.