Hosea 13:10 - An Bibel Kernewek 20234 (Kernewek Kemmyn)

¹⁰ Ple'ma dha vyghtern, ma'th sawyo? Ple'ma dha vreusysi yn oll agas sitys, ay leversys anedha, ‘Ro dhymm myghtern ha pennternedh’?

Hosea 13:10 Iomraidhean Croise

1 Myghternedh 12:20

Pan glewas oll Ysrael Yeroboam dhe dhehweles, i a dhannvonas ha'y elwel dhe'n kuntelles ha'y wul myghtern war oll Ysrael. Nyns esa nagonan a holyas chi Davydh, saw unnsel loeth Yuda.

2 Myghternedh 17:4

Mes myghtern Assyria a gavas trayturi yn Yoshua; rag ev re dhannvonsa kannasow dhe So myghtern Ejyp, ha ny via ow ri trubyt dhe vyghtern Assyria, dell wrussa blydhen wosa blydhen;

Salmow 10:16

An Arloedh yw Myghtern bys vykken ha bynnari; an kenedhlow res eth dhe goll yn-mes a'y dir ev.

Salmow 149:2

Gwres Ysrael lowenhe yn y Wrier; bedhes mebyon Sion heudhik yn aga Myghtern.

Salmow 44:4

Ty yw ow Myghtern, A Dhuw; gorhemmynn budhogoleth dhe Yakob.

Salmow 74:12

Rag Duw re beu ow myghtern bythkweth, ow kul selwyans a-berth y'n norvys.

Salmow 89:18

Rag an Arloedh Duw yw agan skoes, ha Sans Ysrael yw agan Myghtern.

Ysay 33:22

Rag an Arloedh yw agan breusyas, an Arloedh yw agan rewler, an Arloedh yw agan myghtern; Ev yth yw neb a wra agan sawya.

Ysay 43:15

My yw an Arloedh, agas Sans, formyer Ysrael, agas myghtern.

Yeremia 2:28

Mes ple'ma dha dhuwow a wrussys dhe'th honan? Gas dhedha sevel, mar kyllons dha selwel yn termyn dha ahwer: rag war-lergh niver dha sitys yw dha dhuwow, A Yuda.

Yeremia 8:19

Otta, lev kri myrgh ow fobel dre hys ha les an tir: ‘A nyns usi an Arloedh yn Sion? A nyns usi hy myghtern ynni?’ ‘Prag y hwrussons ow frovokya dhe sorr gans aga imajys gravys ha'ga idolys estren koeg?’

Kynvannow 4:20

Untys an Arloedh, anall agan dewfrik, a veu kechys yn aga antylli, may leversyn anodho ‘Yn-dann y skeus y fewyn ni yn mysk an kenedhlow.’

Hosea 10:3

Lemmyn i a lever, ‘Ny'gan beus myghtern drefenn na berthsyn own a'n Arloedh. Mes pandr'a yll myghtern gul ragon?’

Hosea 13:4

Mes my re beu an Arloedh dha Dhuw a-ban veus yn pow Ejyp; ny wodhvydhydh Duw vyth a-der my, ha nyns eus selwador a-der my.

Hosea 3:4

Rag mebyon Ysrael a wra triga meur a dhydhyow heb myghtern, ha heb penntern, ha heb sakrifis, ha heb peulven, ha heb efod na terafim.

Hosea 7:7

I oll yw mar doemm avel forn, hag i a dhevoryas aga breusydhyon. Oll aga myghternedh re goedhas, ha ny wra nagonan anedha gelwel warnav.

Hosea 8:4

I re wrug myghternedh, mes nyns yns i ahanav; i re wrug pennternedh, heb godhvos dhymm. Gans aga arghans ha'ga owr y hwrussons imajys may fens kisys.

Zekaria 14:9

An Arloedh a vydh myghtern a-ugh oll an norvys. Y'n jydh na y fydh unn Arloedh, hag y hanow a vydh onan.

Yowann 1:49

Nathanael a worthybis dhodho, ‘Rabbi, ty yw Mab Duw, ty yw Myghtern Ysrael.’

1 Samuel 8:7

ha'n Arloedh a leveris dhe Samuel, ‘Goslow orth lev an bobel yn pup-tra a leverons dhis; rag ny'th skonsons jy, mes i re'm skonyas vy a vones myghtern warnedha.