Hosea 13:1 - An Bibel Kernewek 20234 (Kernewek Kemmyn)

¹ Pan gewsi Efraym, yth esa krena; yth omughelhas yn Ysrael; mes pan beghas gans Baal ev a verwis.

Hosea 13:1 Iomraidhean Croise

Jenesis 2:17

Mes a wydhenn an godhvos a dha hag a dhrog ny wre'ta dybri, rag y'n jydh may tybrydh anedhi ty a wra merwel yn surredi.’

1 Myghternedh 12:25

Ena Yeroboam a dhrehevis Shekem yn bro venydhyek Efraym, ha triga ena; ev eth yn-mes alena ha drehevel Penuel.

Job 29:21

‘Tus a woslowi orthiv ha gortos, ow tewel rag ow husul.

Job 29:22

Wosa my dhe gewsel ny gewsens namoy; ow geryow a devera warnedha.

Lavarow Koth 18:12

Kyns droglamm, kolonn gour yw goethus, mes uvelder a a-rag enor.

Ysay 66:2

Oll an taklow ma ow leuv a's gwrug, ha dhymmo vy yw oll an taklow ma, yn-medh an Arloedh. Hemm yw an den a wrav vri anodho, an den truan, trogh y spyrys, neb a gren orth ow ger.

Ysay 7:8

rag penn Aram yw Damaskus ha penn Damaskus yw Resin; hag a-ji dhe bymp blydhen ha tri-ugens Efraym a vydh terrys dhe demmyn ma na vydh pobel na fella.

Hosea 11:2

Dhe voy y hwrugavy aga gelwel, dhe bella yth ethons dhiworthiv, ow sakrifia dhe Baalim, hag ow leski offrynnow dhe imajys.

Hosea 2:10

Lemmyn my a wra diskudha hy meth a-rag dewlagas hy haroryon, ha nagonan ny's delirv dhiworth ow leuv.

Hosea 2:8

Ny wodhva hi, y feu my neb a ros dhedhi an ys, ha'n gwin, ha'n oyl, ha kressya hy arghans, ha'y owr a bareussons rag Baal.

Hosea 8:4

I re wrug myghternedh, mes nyns yns i ahanav; i re wrug pennternedh, heb godhvos dhymm. Gans aga arghans ha'ga owr y hwrussons imajys may fens kisys.

Niverow 10:22

Ha baner kamp mebyon Efraym eth yn-kerdh herwydh aga luyow; ha war aga lu yth esa Elishama mab Ammihud.

Niverow 13:16

An re ma o henwyn an wer a dhannvonas Moyses dhe aspia an tir. Ha Moyses a ros dhe Hoshea mab Nun an hanow Yoshua.

Niverow 13:8

a-dhiworth loeth Efraym, Hoshea mab Nun;

Luk 14:11

Rag peub neb a omughelha a vydh dres isel, ha neb a omiselha a vydh ughelhes.’

Romanyon 5:12

Ytho dell dheuth pegh a-bervedh y'n bys der unn den ha mernans dre begh, hag yndella mernans a lesas dhe dus oll drefenn dus oll dhe begha –

2 Korinthianys 5:14

Rag kerensa Krist a'gan stroeth, drefenn agan kryjyans dhe vos ha bos fyrv y ferwis onan a-barth oll, rakhenna oll re verwis;

Yoshua 3:7

An Arloedh a leveris dhe Yoshua, ‘An jydh ma my a dhalleth dha veurhe yn dewlagas oll Ysrael, hag i a woer my dhe vos genes, par dell esen vy gans Moyses.

Breusysi 12:1

Gwer Efraym a veu gelwys dhe arvow, hag i a dreusis dhe Safon hag a leveris dhe Yefthagh, ‘Prag y treussys rag omladh erbynn an Ammonysi, heb agan gelwel dhe vos genes? Ni a lesk dha ji warnas!’

Breusysi 8:1

Ena gwer Efraym a leveris dhodho, ‘Prag y hwrussowgh hemma dhyn, ma na'gan gelwsowgh pan ethewgh dhe vatalyas orth an Midyanysi?’ Hag i a'n keredhis yn fen.

1 Samuel 15:17

Yn-medh Samuel, ‘Kynth es distyr y'th lagas dha honan, a ny veus gwrys penn loethow Ysrael? An Arloedh a'th untyas myghtern war Ysrael.