Hosea 12:7 - An Bibel Kernewek 20234 (Kernewek Kemmyn)

⁷ An marchont a'n jeves fals vantol yn y leuv; ev a gar toella.

Hosea 12:7 Iomraidhean Croise

Jenesis 49:18

‘My a wayt dha selwyans, A Arloedh.

Lavarow Koth 11:1

Fals vantol yw tra gasadow dhe'n Arloedh, mes poes ewn yw y dhelit.

Lavarow Koth 16:11

Yma mantol ha balansys a wirvreus dhe'n Arloedh, oll an poesow yn y sagh yw ober y dhiwleuv.

Ysay 3:5

An bobel a vydh arweskys, peub gans den arall, ha peub gans y gentrevek; An yowynk a vydh tont erbynn an henavek, ha'n koeg a wask an den wordhi.

Ysay 56:1

Yndellma y lever an Arloedh: Gwithewgh gwirvreus ha gwrewgh ewnder, rag ow selwyans a dheu a verr spys ha'm ewnder a vydh diskudhys.

Ezekiel 16:3

ha lavar, Yndellma y lever an Arloedh Duw dhe Yerusalem: Dha dhevedhyans ha'th tineythyans a veu a bow an Kananysi, dha das a veu Amoryas, ha'th vamm a veu Hittyades.

Ezekiel 22:29

Pobel an tir re arwaskas ha ladra; i re debeldhyghtyas an boghosek ha'n edhommek, hag arwaska an alyon, ow nagha gwirvreus.

Ezekiel 28:5

Gans dha furneth vras ha'th kenwerth ty re ynkressyas dha rychys ha'th kolonn re beu drehevys drefenn dha rychys.

Hosea 14:2

Kemmerewgh genowgh hwi geryow, ha dehwelewgh dhe'n Arloedh. Leverewgh dhodho, ‘Gav pub kammhynseth, ha degemmer an pyth yw da, rag may attyllyn frut agan diwweus.

Yoel 2:12

Lemmyn ytho, yn-medh an Arloedh, treylyewgh dhymm gans oll agas kolonn, ha gans penys, ha gans oelva, ha gans kynvann.

Amos 2:7

I a drett yn-dann dreys penn an voghosogyon yn doust dor; ha treylya a-denewen fordh an dus uvel; den ha'y das a y'n keth vowes rag may fo disakrys ow hanow sans.

Amos 3:9

Diskleryewgh dhe'n palesyow yn Ashdod, ha dhe'n palesyow yn pow Ejyp, ha leverewgh: ‘Omguntellewgh war venydhyow Samaria, ha gwelewgh an lies arwask eus ynni, ha'n dus arweskys a-berth ynni.’

Amos 4:1

Klewewgh an ger ma, hwi vughes Bashan neb usi war venydh Samaria, neb a wask an voghosogyon, owth arwaska an edhommogyon, neb a lever dh'aga gwer, ‘Doro, mayth yffyn!’

Amos 5:11

Rakhenna, drefenn hwi dhe stankya war an boghosek ha kemmeres dhiworto trubyt a ys, kyn trehevsowgh chiow a ven treghys, ny wrewgh triga ynna; hwi re blansas gwinlannow teg, mes ny evowgh aga gwin.

Mika 2:1

Go-i neb a dhevis drogedh ha gul sherewynsi war aga gweliow! Orth dydh-tardh i a'n gwra, drefenn y vos yn galloes aga diwleuv.

Mika 7:2

Gallas an den duwek a'n bys, ha nyns eus onan ewnhynsek yn mysk tus; i oll a skolk yn kontrewaytyans rag skoellya goes ha peub a helgh y vroder gans roes.

Zekaria 14:21

Pub pott yn Yerusalem hag yn Yuda a vydh ‘Sansoleth dhe Arloedh an luyow’, ha pubonan a dheu dhe sakrifia a gemmer nebes anedha, ha bryjyon ynna; ha ny vydh Kananek namoy y'n chi Arloedh an luyow.

Zekaria 5:8

Ev a leveris, ‘Homm yw droktra’, hag ev a's herdhyas yn-nans a-ji dhe'n efa ha tewlel an gorher plomm war y anow.

Zekaria 7:9

Yndellma y lever Arloedh an luyow: Breusewgh gans gwirvreus; gwrewgh mersi ha piteth an eyl dh'y gila.

Malaki 3:5

Ha my a dheu nes dhywgh rag breus. Ha my a vydh test uskis erbynn an hudoryon ha'n avoutroryon, ha'n re a de yn fals, hag erbynn an re a doell an gweythor a'y wober, an wedhwes ha'n omdhivas, ha treylya dhe-ves an alyon, ha na berthons own ahanav, yn-medh Arloedh an luyow.

Yowann 2:16

ha leverel dhe neb a wertha an kelemmi, ‘Kemmerewgh an taklow ma alemma; na wrewgh chi ow Thas yn marghatti.’

Jamys 5:4

Otta, gobrow an wonisysi a vysas agas gwelyow hag a wrussowgh gwitha dhiworta yn fals, ymons ow karma; ha garmow an vysoryon re dhrehedhas diwskovarn Arloedh an luyow.

1 Samuel 12:3

Ottavy; degewgh dustuni er ow fynn a-dherag an Arloedh hag a-dherag y untys. Dhe biw yw an ojyon re gemmeris? Po dhe biw yw an asen re gemmeris? Po piw yw re beu frowsys genev? Piw yw re beu arweskys genev? Po piw y kemmeris falswober dhiworth y leuv dhe gudha ow dewlagas ganso? Degewgh dustuni er ow fynn ha my a'n daskorr dhywgh.’