Hosea 12:3 - An Bibel Kernewek 20234 (Kernewek Kemmyn)

³ Y'n brys ev a synsis y vroder er an seudhel, hag yn y grevder ev a strivyas gans Duw.

Hosea 12:3 Iomraidhean Croise

Jenesis 25:26

Wosa henna y vroder a dheuth yn-mes ha'y dhorn a synsis gwewenn Esaw; ytho y hanow a veu gelwys Yakob. Ysak o tri-ugens bloedh pan wrug hi aga dineythi.

2 Myghternedh 17:18

Rakhenna an Arloedh o serrys yn feur orth Ysrael, ha'ga hemmeres mes a'y wel; nyns esa gesys saw unnsel loeth Yuda.

2 Myghternedh 17:20

An Arloedh a skonyas oll henedh Ysrael, ha'ga hessydhya ha'ga gorra yn leuv preydhoryon, bys pan re's tewlsa mes a'y wel.

2 Myghternedh 17:23

bys pan worras an Arloedh Ysrael mes a'y wel, dell lavarsa ev der oll y wesyon an brofoesi. Yndella y feu Ysrael degys dhe-ves yn divroedh, yn-mes a'ga thiredh aga honan dhe Assyria, bys y'n jydh ma.

Yeremia 2:9

Rakhenna hwath my a bled genowgh, yn-medh an ARLOEDH, ha gans fleghes agas fleghes my a bled.

Ezekiel 7:3

Lemmyn an diwedh yw devedhys warnas ha my re dhannvonas ow sorr er dha bynn; ha my a'th vreus war-lergh dha fordhow, ha dha gessydhya rag oll dha daklow kasadow.

Ezekiel 7:8

Lemmyn a verr spys my a dhinwa ow honnar warnas, ha'y kowlwul ow sorr er dha bynn; my a'th vreus war-lergh dha fordhow, hag attyli dhis rag oll dha daklow kasadow.

Hosea 4:1

Klewewgh ger an Arloedh, mebyon Ysrael, rag yma dhe'n Arloedh ken erbynn trigoryon an tir. Nyns eus gwiryonedh, na tregeredh, nag aswonnvos Duw y'n tir.

Hosea 4:9

Kepar dell vydh rag an bobel, yndella y fydh rag an oferyas; my a wra aga hessydhya rag aga fordhow, ha'ga gobra rag aga gwriansow.

Amos 2:4

Yndellma y lever an Arloedh: Rag tri hammweythres a Yuda, ha rag peswar, ny wrav vy hepkorr an kessydhyans; drefenn i dhe skonya lagha an Arloedh, ha ny withsons y ordenansow, mes aga fals dhuwow re wrug dhedha sowdhanas, may kerdhas aga thasow war aga lergh.

Mika 6:2

Klewyewgh, hwi venydhyow, breus an Arloedh, ha hwi selyow krev an bys; rag an Arloedh a'n jeves ken erbynn y bobel ha strivya a wra gans Ysrael.

Romanyon 9:11

kyn na vons hwath genys na ny wrussens naneyl da na drog, (rag may pessyo towl Duw herwydh dewisyans, a-der der oberow mes der y alow),