Hosea 12:2 - An Bibel Kernewek 20234 (Kernewek Kemmyn)

² An Arloedh a'n jeves dadhel gans Yuda, hag ev a gessydh Yakob herwydh y fordhow; ev a attal dhodho wriansow.

Hosea 12:2 Iomraidhean Croise

2 Myghternedh 17:4

Mes myghtern Assyria a gavas trayturi yn Yoshua; rag ev re dhannvonsa kannasow dhe So myghtern Ejyp, ha ny via ow ri trubyt dhe vyghtern Assyria, dell wrussa blydhen wosa blydhen;

Job 15:2

‘A dal den fur gorthybi gans godhvos gwynsek, ha lenwel y dorr a wyns an est?

Salmow 78:36

Byttegyns i a'n feklas gans aga ganow, hag a wowleveris dhodho gans aga thaves

Ekklesiastes 5:15

Kepar dell dheuth ev yn-mes a dorr y vamm, noeth y hwra dehweles kepar dell dheuth, ha ny gyv a'y lavur travyth a yll y gemmeres dhe-ves yn y dhorn.

Ysay 10:12

Ytho pan dhiwedh an Arloedh oll y ober war venydh Sion hag yn Yerusalem, my a gessydh frut kolonn goethus myghtern Assyria, ha balghder y dhewlagas howtyn.

Ysay 10:6

My a'n dannvon erbynn kenedhel ansans, hag erbynn pobel ow sorr my a'n gorhemmynn, dhe bylla, ha dhe dhalghenna preydh, dh'aga threttya avel leys an stretys.

Ysay 24:21

Y'n jydh na an Arloedh a gessydh lu an re ughel usi a-ugh, ha myghternedh an tir usi war an dor.

Ysay 3:11

Go-ev an tebelwas, drog a'n jevydh; drefenn war-lergh ober y dhiwleuv y fydh gwrys dhodho ev.

Ysay 30:6

Profoesans a-dro dhe vestes an Negeb. Dre dir a ahwer hag angoes, a lewes hag a lew owth usa, a nader ha sarf askellek, i a dheg aga rychys war skoedh asenes, ha'ga thresoryow war geyn kowrvergh, dhe bobel nag yw dhe les.

Ysay 59:18

Herwydh aga gwriansow, yndella ev a attal; sorr dh'y erbynnoryon, attal dh'y eskerens; ev a re attal dhe'n ynysow.

Yeremia 25:31

Tros a dheu bys yn penn an bys, rag an Arloedh a'n jeves ken erbynn an kenedhlow; ev a enter yn vreus erbynn kig oll; hag ev a worr an debeles dhe'n kledha, yn-medh an Arloedh.

Hosea 2:13

My a wra hy hessydhya rag dydhyow an Baalim, may leski offrynnow dhedha, hag omafina gans hy bysowyer ha'y gemmweyth, ha mos war-lergh hy haroryon, mes hi a'm ankovas, yn-medh an Arloedh.

Hosea 4:1

Klewewgh ger an Arloedh, mebyon Ysrael, rag yma dhe'n Arloedh ken erbynn trigoryon an tir. Nyns eus gwiryonedh, na tregeredh, nag aswonnvos Duw y'n tir.

Hosea 4:9

Kepar dell vydh rag an bobel, yndella y fydh rag an oferyas; my a wra aga hessydhya rag aga fordhow, ha'ga gobra rag aga gwriansow.

Hosea 7:1

Peskweyth may fynnav sawya Ysrael, ena kammhynseth Efraym yw diskudhys, ha droktra Samaria. I a wra gil, lader a dheu, para a raven y'n stret.

Hosea 7:11

Efraym yw kepar ha kolomm, gokki ha heb kolonn; i a elow dhe Ejyp ha mos dhe Assyria.

Hosea 7:2

Ny brederons yn aga holonn my dhe govhe oll aga droktra. Lemmyn yma aga oberow oll a-dro dhedha; ymons dherag ow fas.

Hosea 8:10

Kynth arvethsons yn mysk an kenedhlow, lemmyn my a wra aga huntell, hag i a hedh pols byghan a untya myghtern ha pennternedh.

Hosea 8:13

I a sakrifi rohow dhymmo vy, i a dheber an kig; mes an Arloedh ny gemmer plesour ynna. Lemmyn ev a berth kov a'ga sherewneth, ha kessydhya aga feghosow: dhe Ejyp y tehwelons.

Hosea 8:9

Rag gyllys yns yn-bann dhe Assyria, avel asen gwyls digoweth. Efraym re arvethas keryadesow.

Hosea 9:15

Yma oll aga droktra yn Gilgal; ena my a's kasas. Drefenn aga drogoberow, my a wra aga fesya a'm chi. Ny wrav vy aga hara namoy; oll aga fennsevigyon yw penn-kales.

Hosea 9:9

Galsons down yn podredhes, avel yn dydhyow Gibea. Ev a berth kov a'ga hammhynseth, ha kessydhya aga feghosow.

Amos 2:4

Yndellma y lever an Arloedh: Rag tri hammweythres a Yuda, ha rag peswar, ny wrav vy hepkorr an kessydhyans; drefenn i dhe skonya lagha an Arloedh, ha ny withsons y ordenansow, mes aga fals dhuwow re wrug dhedha sowdhanas, may kerdhas aga thasow war aga lergh.

Mika 6:2

Klewyewgh, hwi venydhyow, breus an Arloedh, ha hwi selyow krev an bys; rag an Arloedh a'n jeves ken erbynn y bobel ha strivya a wra gans Ysrael.

Matthew 16:27

Rag Mab an den a dal dos yn golewder y Das gans y eledh, hag ena attyli a wra ev dhe bubonan herwydh y ober.

Romanyon 2:6

Rag yth attal dhe bub den herwydh y oberow:

Galatianys 6:7

Na vedhewgh toellys: ny vydh Duw skornys. Rag pypynag a wra den y hasa, an keth henna a wra ev y vysi;