Hosea 12:10 - An Bibel Kernewek 20234 (Kernewek Kemmyn)

¹⁰ My re gewsis dre'n brofoesi, ha my re ros gwelesigethow pals; ha dre leuv an brofoesi my re gewsis yn parabolennow.

Hosea 12:10 Iomraidhean Croise

1 Myghternedh 13:1

Dre er an Arloedh gour Duw a dheuth yn-mes a Yuda dhe Bethel, ha Yeroboam a'y sav ryb an alter rag leski offrynn.

1 Myghternedh 17:1

Lemmyn Elias an Tishbeyas, a Tishbe yn Gilead, a leveris dhe Ahab, ‘Dell vew an Arloedh, Duw Ysrael, mayth esov ow sevel a-dheragdho, ny vydh na gluth na glaw an blydhynyow ma, marnas my a re an ger’

1 Myghternedh 19:10

Ev a worthybis, ‘My re beu pur dhiwysyk rag an Arloedh, Duw an luyow, rag an Ysraelysi re eskasas dha gevambos, terri dha alteryow, ha ladha dha brofoesi gans an kledha. Nyns eus nagonan gesys marnas my, hag ymons ow hwilas ow bewnans, dh'y gemmeres dhe-ves.’

2 Myghternedh 17:13

Byttegyns an Arloedh a warnyas Ysrael ha Yuda dre bub profoes ha pub gwelesydh, ow leverel, ‘Treylyewgh dhiworth agas drog fordhow ha gwithewgh ow gorhemmynnow ha'm ordenansow, herwydh oll an lagha a worhemmynnis dh'agas tasow hag a dhannvenis dhywgh der ow gwesyon ha'm profoesi.’

Nehemia 9:30

Ty a's perthi lies blydhen, ha ty a's gwarnyas gans dha spyrys dre dha brofoesi; hwath ny woslowsons. Ytho ty a's ros yn leuv poblow tiryow erell.

Eksodus 20:2

My yw an Arloedh dha Dhuw, neb a'th tros yn-mes a bow Ejyp, yn-mes a'n chi a gethneth.

Yeremia 19:1

Yndellma y lever an Arloedh: Ke ha prena kostrel a bri dhiworth priweythor, ha kemmer genes re a henavogyon an bobel ha re a henavogyon an oferysi,

Yeremia 19:10

Ena ty a derr an kostrel yn golok an wer hag a genes,

Yeremia 25:4

Ha kyn tannvonas an Arloedh dhywgh oll y servysi an brofoesi, orth aga dannvon arta hag arta, ny woslewsowgh na ny blegsowgh agas skovarn dhe glewes.

Yeremia 7:25

A-dhia'n jydh may teuth agas tasow yn-mes a bow Ejyp bys y'n jydh hedhyw, my re dhannvonas dhywgh oll ow servysi an brofoesi, orth aga dannvon dydh wosa dydh;

Ezekiel 17:2

Mab den, dro allegori yn-rag, ha lavar parabolenn dhe ji Ysrael.

Ezekiel 20:49

Ena yn-medhav, ‘Ogh, Arloedh Duw, ymons ow leverel dhymm, “A nyns usi ow leverel parabolennow?” ’

Hosea 13:4

Mes my re beu an Arloedh dha Dhuw a-ban veus yn pow Ejyp; ny wodhvydhydh Duw vyth a-der my, ha nyns eus selwador a-der my.

Hosea 3:1

Ena an Arloedh a leveris dhymm arta, ‘Ke, kar benyn yw kares kentrevek, hag avoutres, kepar ha kerensa an Arloedh orth mebyon Ysrael, kyn treylyons dhe dhuwow erell, ha kara tesennow-grappys.’

Yoel 2:28

Ha wosa hemma my a dhinwa ow spyrys war gig oll, ha'gas mebyon ha'gas myrghes a wra profoesa, ha'gas tus koth a hunros hunrosow ha'gas gwer yowynk a wel gwelesigethow.

Levitikus 23:42

Hwi a drig yn skovvaow seyth dydh. Oll an enesigyon yn Ysrael a drig yn skovvaow,

Amos 7:14

Ena Amos a worthybis dhe Amasia, ‘Nyns ov profoes, na mab a brofoes, mes bugel ov, ha dyghtyer frut sykaminwydh,

Niverow 12:6

Hag ev a leveris, ‘Klewewgh ow geryow: Mars eus profoes yntredhowgh, my an Arloedh a vydh aswonnys dhodho yn gwelesigeth, my a gews orto yn hunros.

Oberow 2:17

“Hag y fydh y'n dydhyow diwettha, yn-medh Duw, my a dhinwa a'm Spyrys war gig oll, ha'gas mebyon ha'gas myrghes a wra profoesa ha'gas gwer yowynk a wra gweles gwelesigethow ha'gas gwer goth a wra hunrosa hunrosow;

2 Korinthianys 12:1

Y telledh my dhe vostya; nyns yw dhe les, byttegyns my a wra dos dhe welesigethow ha diskwedhyansow a'n Arloedh.

2 Korinthianys 12:7

ha dre gnas fest dibarow an diskwedhyansow. Rakhenna, ma na dheffen ha bos re woethus, y feu res dhymm dreynenn y'n kig, el Satnas, ma'm kronkya ma na ven re woethus.