Hosea 11:2 - An Bibel Kernewek 20234 (Kernewek Kemmyn)

² Dhe voy y hwrugavy aga gelwel, dhe bella yth ethons dhiworthiv, ow sakrifia dhe Baalim, hag ow leski offrynnow dhe imajys.

Hosea 11:2 Iomraidhean Croise

1 Myghternedh 12:33

Ev eth yn-bann dhe'n alter re wrussa yn Bethel y'n pymthegves dydh a'n ethves mis; ena yn mis re dhewissa ev y honan, ev a fondyas goel rag an Ysraelysi ha mos yn-bann dhe'n alter rag offrynna sakrifisow.

1 Myghternedh 18:19

Lemmyn ytho dannvon ha kuntell oll Ysrael ragov dhe venydh Karmel, gans an peswar kans ha hanter-kans profoes a Baal ha'n peswar kans profoes a Ashera, a dheber orth moes Yezebel.’

Nehemia 9:30

Ty a's perthi lies blydhen, ha ty a's gwarnyas gans dha spyrys dre dha brofoesi; hwath ny woslowsons. Ytho ty a's ros yn leuv poblow tiryow erell.

Ysay 65:7

aga hammweythresow ha kammweythresow aga thasow war-barth, yn-medh an Arloedh. Rag i dhe leski offrynnow war an menydhyow, ha'm skornya war an bronnow, my a wra musura yn aga barrlenn an attal a'ga gweythresow kyns.

Yeremia 18:15

Mes ow fobel re'm ankovas, i a lesk offrynnow dhe dhuwow koeg neb a wrug dhedha trebuchya yn aga fordhow, y'n hynsyow koth, dhe gerdhes yn hynsyow nag yns drehevys yn-bann,

Yeremia 35:13

Yndellma y lever Arloedh an luyow, Duw Ysrael: Ke ha leverel dhe bobel Yuda ha dhe annedhysi Yerusalem, ‘A ny vynnowgh degemmeres dyskans ha klewes ow geryow? yn-medh an Arloedh.

Yeremia 44:5

Mes ny woslowsons na plegya skovarn, dhe dreylya a'ga drogedh, ha ma na loskons offrynnow dhe dhuwow erell.

Hosea 11:7

Ow fobel yw ervirys dhe dreylya ahanav vy. I a elow war-vann, mes ny wra ev aga ughelhe.

Hosea 2:13

My a wra hy hessydhya rag dydhyow an Baalim, may leski offrynnow dhedha, hag omafina gans hy bysowyer ha'y gemmweyth, ha mos war-lergh hy haroryon, mes hi a'm ankovas, yn-medh an Arloedh.

Hosea 4:13

War benn an menydhyow y sakrifions, ha war an bronnow y leskons offrynnow, yn-dann dherwenn, hag edhlenn wynn, ha terebinthenn, drefenn bos da aga skeus. Ytho agas myrghes a wra fornikasyon, ha'gas gohydhow a wra avoutri.

Hosea 4:17

Efraym yw keffrysyas imajys; gas e dhodho y honan!

Zekaria 1:4

Na vedhewgh haval dh'agas tasow, a grias an brofoesi dhedha a-henys, ow leverel, ‘Yndellma y lever an Arloedh: Treylyewgh a'gas tebel fordhow ha'gas tebel oberow.’ Mes ny woslowsons na'm attendya, yn-medh an Arloedh.

Zekaria 7:11

Mes i a skonyas a woslowes; i a dreylyas aga skoedh yn hworth ha stoppya aga skovornow a glewes.

Luk 13:34

Yerusalem, Yerusalem, neb a ladh an brofoesi ha labydha an re yw dannvenys dhis, peskweyth y yeunis vy kuntell dha fleghes war-barth kepar dell guntell yar hy yerigow yn-dann hy eskelli, ha ny vynnsowgh!

Yowann 3:19

Ha hemm yw an vreus: golow re dheuth y'n bys, ha'n dus a garas an tewlder moy es an golow, rag bos drog aga oberow.

Oberow 7:51

‘A hwi kales agas kilbenn, hag antrodreghys yn agas kolonn hag yn agas diwskovarn, pup-prys y sevowgh erbynn an Spyrys Sans, kepar dell wre agas tasow, yndella hwi ynwedh a wra.

Breusysi 10:6

Mebyon Ysrael a wrug arta an pyth o drog yn golok an Arloedh, ow kordhya an Baalim ha'n Ashtaroth, duwow Aram, duwow Sidon, duwow Moab, duwow an Ammonysi, ha duwow an Filistysi. Yndella i a asas an Arloedh, ha ny'n gordhyens.

Breusysi 2:13

I a forsakyas an Arloedh, hag a servyas an Baalim ha'n Ashtaroth.

Breusysi 3:7

Mebyon Ysrael a wrug arta an pyth o drog yn golok an Arloedh, owth ankevi an Arloedh aga Duw, hag ow kordhya an Baalim ha'n Asheroth.