Hosea 10:8 - An Bibel Kernewek 20234 (Kernewek Kemmyn)

⁸ Tylleryow ughel Aven, pegh Ysrael, a vydh distruys. Spern hag askall a dyv dres aga alteryow. Ena yn-medhons dhe'n menydhyow, ‘Gorherewgh ni’, ha dhe'n brennow, ‘Koedhewgh warnan ni.’

Hosea 10:8 Iomraidhean Croise

Jenesis 3:8

Hag i a glewas lev an Arloedh Duw ow kerdhes y'n lowarth yn awel glor an jydh, hag Adam ha'y wreg a omgudhas dhiworth golok an Arloedh Duw, yn mysk gwydh an lowarth.

1 Myghternedh 13:2

Ev a grias erbynn an alter dre er an Arloedh, ha leverel. ‘A alter, alter, yndellma y lever an Arloedh: “Mab a vydh genys dhe ji Davydh, Yosia y hanow; hag ev a sakrifi warnas oferysi an tylleryow ughel a lesk offrynnow warnas, hag eskern denel a vydh leskys warnas.” ’

1 Myghternedh 13:34

An dra ma a dheuth ha bos pegh dhe ji Yeroboam, dh'y dhilea ha'y dhistrui a-dhiworth enep an nor.

1 Myghternedh 14:16

Ev a eskas Ysrael drefenn peghosow Yeroboam, a beghas ha gul Ysrael dhe begha.’

2 Myghternedh 23:15

Ynwedh ev a dennas dhe'n dor an alter yn Bethel, an tyller ughel gwrys gans Yeroboam mab Nebat, a wrug dhe Ysrael pegha, an alter na hag ynwedh an tyller ughel. Ev a loskas an tyller ughel, orth y vrewi dhe dhoust; ynwedh ev a loskas an Ashera.

2 Kroniklys 31:1

Pan veu oll henna gorfennys, oll Ysrael esa ena eth yn-mes dhe sitys Yuda hag a droghas an peulveyn, ha terri dhe'n dor an Asherim, ha distrui an tylleryow ughel ha'n alteryow der oll Yuda ha Benyamin hag yn Efraym ha Manasse, bys pan y's diswrussens oll. Ena pobel Ysrael a dhehwelis dh'aga sitys, pubonan dh'y berghennogeth y honan.

Ysay 2:19

I a dheu yn fowys y'n kerrek, hag yn pansow y'n dor, dhiworth fas euth an Arloedh ha splannder y veuredh, pan sev dhe ownekhe an norvys.

Ysay 2:21

dhe vones yn fowys y'n kerrek hag yn folsyow an kleger dhiworth fas euth an Arloedh ha splannder y veuredh, pan sev dhe ownekhe an norvys.

Ysay 32:13

rag dor ow fobel le may teu spedhas ha spern yn-bann, rag oll an chiow heudh y'n sita lowen.

Ysay 34:13

Spern a dyv dres hy falesyow, askall ha spedhas yn hy hastylli. Hi a vydh peurva owrgeun, ha trigva rag strusyow.

Hosea 10:2

Aga holonn yw fals; lemmyn i a berth an kessydhyans a'ga offens. Ev a wra dralya aga alteryow, ha distrui aga feulveyn.

Hosea 10:5

Annedhysi Samaria a wra drem war leugh Beth-aven. Hy fobel a gyn warnodho, ha'y oferysi a oel war y wolewder, rag ev a vydh divres dhiworti.

Hosea 10:9

A-dhia dhydhyow Gibea y peghsys, a Ysrael; ena y sevsons. A ny wrug bresel drehedhes dhe'n dhrogoberoryon yn Gibea?

Hosea 2:6

Rakhenna my a vynn keas dha fordh gans spern; ha'y degea gans fos, ma na gaffo hy hynsyow.

Hosea 4:13

War benn an menydhyow y sakrifions, ha war an bronnow y leskons offrynnow, yn-dann dherwenn, hag edhlenn wynn, ha terebinthenn, drefenn bos da aga skeus. Ytho agas myrghes a wra fornikasyon, ha'gas gohydhow a wra avoutri.

Hosea 4:15

Kyn hwredh fornikasyon, a Ysrael, bynner re bo Yuda kablus. Na dhewgh hwi dhe Gilgal, na mos yn-bann dhe Beth-aven, na ti ‘Dell vew an Arloedh!’

Hosea 5:8

Kenewgh an korn yn Gibea, an hirgorn yn Rama. Germewgh yn Beth-aven; war dha lergh Benyamin.

Hosea 8:5

Ev re naghas dha leugh, Samaria! Ow sorr a loskas er aga fynn. Pes termyn ny allons kavoes glander?

Hosea 9:6

Awotta, galsons drefenn kollva, Ejyp a's kuntell, Memfis a wra aga ynkleudhyas. Hwynn a erit aga thresoryow a arghans, ha spern a vydh yn aga thyldow.

Amos 1:5

dralya a wrav barr Damaskus, ha terri an annedhyas dhiworth nans Aven, ha'n den a syns an welenn dhiworth Beth-eden; divres vydh pobel Aram bys yn Kir, yn-medh an Arloedh.

Amos 3:14

rag y'n jydh may kessydhyav Ysrael drefenn y gammweythresow, my a gessydh alteryow Bethel, ha treghys vydh kern an alter ha koedha a wrons dhe'n leur.

Amos 7:9

Tylleryow ughel Ysak a vydh forsakys, ha sentris Ysrael a vydh difeythys ha my a sev erbynn chi Yeroboam gans an kledha.

Amos 8:14

An re a de re'n peghes a Samaria, ha leverel, ‘Dell vew dha dhuw, A Dan!’ ha ‘Dell vew fordh Beer-sheba’, a goedh, ha ny sevons arta.

Mika 1:13

Herness an margh skav dhe'n charett, annedhyades Lakish; dalleth peghes re beus dhe vyrgh Sion, rag ynnos y feu kevys treuspassow Ysrael.

Mika 1:5

Yth yw hemma oll drefenn treuspassow Yakob ha drefenn peghadow chi Ysrael. Pyth yw treuspass Yakob? A nyns ywa Samaria? Ha pyth yw tylleryow ughel Yuda? A nyns yns i Yerusalem?

Nahum 3:11

Ty ynwedh a vydh medhow, ty a omgudh; ty ynwedh a hwila skovva dhiworth an eskar.

Luk 23:30

Ena i a dhalleth leverel dhe'n menydhyow, “Koedhewgh warnan ni!” ha dhe'n breow, “Kudhewgh ni!”

Dewteronomi 9:21

Ena my a gemmeras agas peghes a wrussowgh, an leugh, ha'y leski y'n tan, orth y vrewi, orth y velyas yn teg bys may feu melys dhe dhoust; ha my a dewlis y dhoust y'n gover esa ow tiyskynna dhiworth an menydh.

Diskwedhyans 6:16

Hag i a leveris dhe'n menydhyow ha dhe'n karregi, ‘Koedhewgh warnan ha kudhewgh ni dhiworth an fas a neb yw esedhys war an tron, ha dhiworth sorr an Oen’,

Diskwedhyans 9:6

Hag y'n dydhyow na, tus a wra hwilas ankow, ha ny'n kevons, ha merwel a vynnons, ha mernans a vynn fia dhiworta i.