Hosea 10:5 - An Bibel Kernewek 20234 (Kernewek Kemmyn)

⁵ Annedhysi Samaria a wra drem war leugh Beth-aven. Hy fobel a gyn warnodho, ha'y oferysi a oel war y wolewder, rag ev a vydh divres dhiworti.

Hosea 10:5 Iomraidhean Croise

2 Myghternedh 10:29

Byttegyns ny dreylyas Yehu dhiworth peghosow Yeroboam mab Nebat a wrug dhe Ysrael pegha – an leughi owrek esa yn Bethel hag yn Dan.

2 Myghternedh 17:16

I a asas oll gorhemmynnow an Arloedh aga Duw, ha gul ragdha aga honan imajys teudhys a dhew leugh, ha gul Ashera, ha gordhya oll lu an nevow, ha servya Baal.

2 Myghternedh 23:5

Ev a bellhas an oferysi bagan apoyntys gans myghternedh Yuda dhe leski sakrifisow y'n tylleryow ughel yn sitys Yuda ha kyrghynn Yerusalem; hag ynwedh an re a offrynna sakrifisow dhe Baal, dhe'n howl, dhe'n loer, dhe doknys an stergylgh ha dhe oll lu an nev.

2 Kroniklys 11:15

ha re apoyntsa y oferysi y honan rag an tylleryow ughel, ha rag an jevanow-gaver, ha rag an leughi re wrussa ev.

2 Kroniklys 13:8

‘Lemmyn hwi a dyb y hyllowgh sevel orth gwlaskor an Arloedh yn leuv mebyon Davydh, drefenn agas bos gyllys ha bos routh vras ha bos genowgh hwi an leughi a owr a wrug Yeroboam dhe vos duwow ragowgh.

Ysay 46:2

I a warrgromm, i a ombleg war-barth. Ny yllons sawya an begh, mes i aga honan a yn kethneth.

Hosea 13:2

Lemmyn i a beghas hwath moy; i re wrug ragdha aga honan imajys teudh, delowyow gwrys a'ga arghans herwydh aga sleyghneth, i oll an ober a greftoryon. Leverir anedha, ‘Tus a wra sakrifis; i a amm dhe leughi!’

Hosea 4:15

Kyn hwredh fornikasyon, a Ysrael, bynner re bo Yuda kablus. Na dhewgh hwi dhe Gilgal, na mos yn-bann dhe Beth-aven, na ti ‘Dell vew an Arloedh!’

Hosea 5:8

Kenewgh an korn yn Gibea, an hirgorn yn Rama. Germewgh yn Beth-aven; war dha lergh Benyamin.

Hosea 9:1

Na lowenha, Ysrael, na heudh kepar ha'n kenedhlow, rag ty re beu dislen dhe'th Tuw; ty a garas gober hora war bub leur-drushya.

Hosea 9:11

Golewder Efraym a nij dhe-ves avel edhen, heb dineythyans, heb torr, heb omdhoen.

Amos 3:14

rag y'n jydh may kessydhyav Ysrael drefenn y gammweythresow, my a gessydh alteryow Bethel, ha treghys vydh kern an alter ha koedha a wrons dhe'n leur.

Sefania 1:4

My a ystynn ow leuv erbynn Yuda hag erbynn an drigoryon oll a Yerusalem; ha my a dregh remenant Baal dhiworth an tyller ma ha hanow an Kemarim gans an oferysi;

Oberow 19:27

Lemmyn yma peryll agan kreft dhe gelli y hanow da, mes ynwedh y fydh tempel an dhuwes veur Artemis akontys heb bri, mes moy es henna, y fydh hy braster lehes, neb yw gordhys gans oll Asia ha'n bys.’

Yoshua 7:2

Yoshua a dhannvonas gwer dhiworth Yeriko dhe Ay, usi ogas dhe Beth-aven, a'n howldrevel dhe Bethel, hag a leveris dhedha, ‘Kewgh yn-bann hag aspia an tir.’ Ha'n wer eth yn-bann hag aspia Ay.

Breusysi 18:24

Ev a worthybis, ‘Hwi a gemmeras an duwow a wrug vy, ha'n oferyas, ha mos dhe-ves, ha pyth yw gesys dhymm? Ytho fatell yllowgh hwi govynn orthiv, “Pandr'a hwer dhis?” ’