Hosea 10:13 - An Bibel Kernewek 20234 (Kernewek Kemmyn)

¹³ Hwi re aras droktra, ha mysi anewnder, ha re dhyb'sowgh an frut a wowyow; rag ty a drestyas y'th fordh, yn niver bras dha gasoryon.

Hosea 10:13 Iomraidhean Croise

Job 4:8

Dell welis, an re a ar anewnder ha hasa trobel a wra aga mysi.

Salmow 33:16

Nyns eus myghtern a allo bos selwys gans lu meur; nyns yw breselyas krev delivrys gans galloes meur.

Salmow 52:7

‘Ottomma an gour na wrug Duw y skovva, mes ev a drestyas yn y rychys meur, ha hwilas skovva yn y sherewneth.’

Salmow 62:10

Na drestyewgh yn garowder, ha na fydhyewgh yn euver yn ladrans; mar moghha rychys, na worrewgh agas kolonn warnodho.

Lavarow Koth 1:31

ytho i a dheber froeth a'ga hyns, ha bos lenwys a'ga thowlow aga honan.

Lavarow Koth 12:19

Gweusyow gwiryon a dhur bys vykken, mes taves gowek a bes unn pols byghan.

Lavarow Koth 13:2

A froeth y anow gour a dheber dader, mes hwans an re fals yw freudh.

Lavarow Koth 19:5

Nyns a fals dhustunier heb kessydhyans, ha ny dhienk gowleveryas.

Lavarow Koth 22:8

Neb a has kammhynseth a vys terroes, ha gwelenn y sorr a fyll.

Ekklesiastes 9:11

My a dreylyas dhe weles yn-dann an howl nag yw pup-prys an resegva gwaynys gans an re yw skav, ha nag yw pup-prys an gas gwaynys gans an re yw galloesek, ha nag eus bara dhe'n re yw fur, ha nag eus rychys dhe'n re yw skentel, ha nag eus gras dhe'n re yw sleygh, drefenn bos ha termyn ha chons ow hwarvos dhedha i oll.

Ysay 17:11

kyn hwredh dhedha tevi y'n jydh ma's plensydh, ha gul dhedha bleujyowa y'n myttin ma's graffydh, hwath an drevas a fi dhe-ves yn dydh a galar ha payn heb remedi.

Hosea 11:12

Efraym a'm kylghyas gans gowyow, ha chi Ysrael gans gil. Hag yma Yuda hwath ow mos a-dro gans Duw drefenn y vos len gans an syns.

Hosea 4:2

Mollethi, toella, ladha, ladra, hag avoutri – fenna a wrons; ha krow a hol krow.

Hosea 4:8

I a dheber pegh ow fobel, ha hwansek yns dh'aga hammhynseth.

Hosea 7:3

I a heudhha an myghtern der aga droktra, ha pennternedh der aga gowyow.

Hosea 8:7

I re hasas an gwyns, ha mysi an korwyns. Garrow an ys ny's teves penn; ny wra bleus. Mar kwrello greun, ena estrenyon a wra y lenki.

1 Samuel 24:14

War-lergh piw re dheuva myghtern Ysrael yn-mes? War-lergh piw esos ow helghya? War-lergh ki marow? War-lergh hwannenn?