Hosea 10:12 - An Bibel Kernewek 20234 (Kernewek Kemmyn)

¹² Hesewgh dhywgh agas honan yn ewnder, mysewgh yn tregeredh, hag aras gwrewgh agas gweres anerys; prys yw dhe hwilas an Arloedh, bys may teffo ha gul dhe wiryonedh koedha warnowgh avel glaw.

Hosea 10:12 Iomraidhean Croise

Salmow 105:4

Hwilewgh an Arloedh ha'y nerth; hwilewgh y fas pup-prys.

Salmow 72:6

Re dhiyskynno avel glaw war an gwels goera, avel kowasow a dhowrha an dor.

Lavarow Koth 11:18

Tebelwas a dhendil gober ansertan, mes neb a has ewnder a'n jeves pewas sur.

Lavarow Koth 18:21

Yma mernans ha bewnans yn galloes an taves, ha keniver a'n karro a dheber y froeth.

Ekklesiastes 11:6

Gwra hasa dha has y'n myttin, ha na as dha leuv dhe bowes bys y'n gorthugher, rag ny wodhesta pyneyl a wra seweni, po hemma po henna, po martesen aga dew war-barth a vydh da.

Ysay 30:23

Ev a re glaw rag dha has a hesydh y'n dor, ha bara, askorr an dor, a vydh tew ha pals. Y'n jydh na dha jatel a beur yn peurva efan;

Ysay 31:1

Go-i an re a dhiyskynn dhe Ejyp rag gweres, ha kregi war vergh, ha trestya yn charettow rag aga bos lies, hag yn marghogyon rag aga bos pur nerthek, mes ny virons orth Sans Ysrael, na ny hwilons an Arloedh.

Ysay 32:20

gwynn aga bys an re a wonis has ryb pub avon, ha gasa dhe dreys an ojyon ha'n asen wandra yn rydh.

Ysay 44:3

Rag my a dhinwa dowr war an syghtir, ha stredhow war an dor krin; ha my a dhinwa ow spyrys war dha has, hag ow bennath war dha agh.

Ysay 45:8

Dinewewgh, A nevow, a-wartha, ha'n kommol, diverens ewnder; bedhes an dor igerys, ha deges selwyans avel frut, hag egines ewnder war-barth ganso. My, an Arloedh re'n kreatyas.

Ysay 48:18

Unnweyth a koslowes orth ow gorhemmynnow! Ena y fia dha sewena avel avon, ha'th ewnder avel tonnow an mor;

Ysay 5:6

My a's gwra difeyth; ny vydh skethrys, na ny vydh kravellys, mes spedhas ha spern a dyv ena. My a wra gorhemmynn dhe'n kommol ma na rollons glaw warnedhi.

Ysay 54:14

Fondys vydhydh yn ewnder; pell vydhydh dhiworth arwask, rag ny wredh perthi own; ha dhiworth euth, rag ny wra ev dos nes dhis.

Ysay 55:6

Hwilewgh an Arloedh hedre vo dhe gavoes, gelwewgh warnodho hedre vo yn ogas;

Yeremia 50:4

Y'n dydhyow na hag y'n termyn na, yn-medh an Arloedh, pobel Ysrael a dheu, i ha pobel Yuda war-barth; i a dheu yn unn oela ow hwilas an Arloedh aga Duw.

Ezekiel 34:26

My a wra dhedha i ha'n tylleryow a-dro dhe'm bre bos bennath; ha my a dhannvon glaw yn-nans yn y seson; i a vydh kowasow a vennath.

Hosea 12:6

Ytho treyl dhe'th Tuw, gwith tregeredh ha breus, ha gorta dha Dhuw pup-prys.

Hosea 14:1

Dehwel, Ysrael, dhe'n Arloedh dha Dhuw; rag ty re drebuchyas yn dha gammhynseth.

Hosea 6:3

Ytho re aswonnyn ni, re hwillyn dhe aswonn an Arloedh. Y dhevedhyans yw mar sur avel an bora; ev a dheu dhyn avel an glaw, avel an glaw diwedhes a dhowrha an tir.

Hosea 8:7

I re hasas an gwyns, ha mysi an korwyns. Garrow an ys ny's teves penn; ny wra bleus. Mar kwrello greun, ena estrenyon a wra y lenki.

Amos 5:15

Kesewgh droktra, ha kerewgh dader, ha fastyewgh gwirvreus y'n yet; martesen an Arloedh, Duw an luyow, a gemmer truedh a remenant Yosep.

Amos 5:4

Rag yndellma y lever an Arloedh dhe ji Ysrael: Hwilewgh vy ha bewa,

Amos 5:6

Hwilewgh an Arloedh ha bewa, ma na tartho avel tan yn chi Yosep, dh'y dhevorya, heb denvyth dh'y dhifeudhi yn Bethel.

Amos 5:8

Ev neb a wrug an Pleyades hag Orion ha treylya tewlder down yn myttin, ha tewlhe an jydh yn nos; neb a elow war dhowrow an mor, ha'ga diveri war enep an dor: an Arloedh yw y hanow

Luk 13:24

‘Strivyewgh dhe vos a-bervedh der an porth kul, rag lies, yn-medhav dhywgh, a hwila mos a-ji ha ny yllons.

Oberow 2:18

war ow hethyon ha'm kethesow my a dhinwa a'm Spyrys y'n dydhyow na, ha profoesa a wrons i.

2 Korinthianys 9:10

Lemmyn ev, neb a brovi has dhe'n gonador, a wra provia bara rag boes ha palshe agas has ha kressya trevas agas ewnder;

Jamys 3:18

Ha frut ewnder yw hesys yn kres rag an re a wra kres.