Hosea 1:7 - An Bibel Kernewek 20234 (Kernewek Kemmyn)

⁷ Mes my a gemmer truedh a ji Yuda, ha'ga sawya der an Arloedh aga Duw, ha ny's sawyav gans gwarak, na kledha, na kas, na mergh, na marghogyon.’

Hosea 1:7 Iomraidhean Croise

2 Myghternedh 19:29

‘Ha hemma a vydh an tokyn ragos: Y'n vlydhen ma an pyth a dyv y honan a vydh dybrys, hag y'n nessa blydhen an pyth yw honan-hesys; mes y'n tressa blydhen hesewgh, mysewgh, plensewgh gwinlannow ha dybrewgh aga frutys.

2 Myghternedh 19:34

My a vydh skoes dhe'n sita ma dh'y sawya a-barth dhymmo vy hag a-barth Davydh ow gwas.’

2 Myghternedh 19:35

Y'n nos na el an Arloedh eth yn-mes, ha gweskel pymp ha naw-ugens a vilyow yn kamp Assyria; ha pan sevis tus ternos, otta, korfow marow ens i oll.

2 Myghternedh 6:18

Ha pan dheuth Aram er y bynn, Elisha a bysis an Arloedh ha leverel, ‘Gwask an bobel ma, my a'th pys, gans dellni.’ Hag ev a's gweskis gans dellni, herwydh ger Elisha.

Salmow 33:16

Nyns eus myghtern a allo bos selwys gans lu meur; nyns yw breselyas krev delivrys gans galloes meur.

Salmow 44:7

Mes ty a'gan delirv dhiworth agan eskerens, ha gul bismer dhe'n re a'gan kas.

Eksodus 14:13

Ha Moyses a leveris dhe'n bobel, ‘Na berthewgh own, sevewgh fyrv ha gweles selwyans an Arloedh a wra oberi ragowgh hedhyw; rag an Ejyptianys a welowgh hedhyw, ny wrewgh aga gweles nevra arta.

Eksodus 14:30

Yndella an Arloedh a dhelivras Ysrael an jydh na a dhorn an Ejyptianys; hag Ysrael a welas an Ejyptianys marow war lann an mor.

Ysay 12:2

Otta, Duw yw ow selwyans; my a fydh, ha ny borthav own, rag an Arloedh Duw yw ow nerth ha'm kan, hag ev yw ow selwyans.

Ysay 30:18

Rakhenna an Arloedh a worta dhe vos grassyes orthowgh; ha rakhenna ev a sev dhe gemmeres truedh ahanowgh. Rag an Arloedh yw Duw a wirvreus, gwynnvys kemmys a'n gorta.

Ysay 49:6

yn-medh ev: ‘Tra re drufel ragos yw ty dhe vos ow gwas, rag drehevel loethow Yakob, ha dri arta an re withys a Ysrael. My a'th re avel golow dhe'n kenedhlow, rag mayth hettho ow selwyans dhe bennow an norvys.’

Ysay 7:14

Rakhenna, an Arloedh y honan a re dhywgh tokyn. Awotta, an wyrghes a omdhek ha dineythi mab ha hi a'n henow Immanuel.

Yeremia 25:5

I a leveris, ‘Treylyewgh lemmyn pubonan a'y fordh dhrog hag a dhrogedh agas gwriansow, ha trigewgh y'n tir a ros an Arloedh dhywgh ha dh'agas tasow bys vykken ha bynnari;

Yeremia 25:6

ha nag ewgh war-lergh duwow erell dh'aga servya ha'ga gordhya, ha na'm provokewgh dhe sorr gans ober agas diwleuv. Ena ny'gas pystigav.’

Yeremia 33:26

ena my a dhenaghsa has Yakob, ha Davydh ow gwas, ma na dhewisav nagonan a'y has avel rewloryon war has Abraham, Ysak ha Yakob. Rag my a dreyl aga hethneth, ha kemmeres truedh anedha.

Hosea 1:8

Wosa didhena Lo-ruhama, hi a omdhuk ha dineythi mab.

Hosea 11:12

Efraym a'm kylghyas gans gowyow, ha chi Ysrael gans gil. Hag yma Yuda hwath ow mos a-dro gans Duw drefenn y vos len gans an syns.

Zekaria 4:6

Ena ev a leveris dhymm, ‘Hemm yw ger an Arloedh dhe Zerubbabel: Ny vydh gans galloes na gans nerth, mes gans ow Spyrys, yn-medh Arloedh an luyow.

1 Samuel 17:47

ha may hwodhvo oll an kuntelles na wra an Arloedh sawya dre gledha ha guw; rag yma an vatel dhe'n Arloedh hag ev a'th re yn agan leuv.’