Hosea 1:11 - An Bibel Kernewek 20234 (Kernewek Kemmyn)

¹¹ Fleghes Yuda ha fleghes Ysrael a vydh kuntellys war-barth, hag apoyntya a wrons unn penn ha dos yn-bann dhiworth an tir, rag meur a vydh dydh Yezreel.

Hosea 1:11 Iomraidhean Croise

Salmow 110:3

Yma genes mestrynses yn dydh dha nerth, yn splannderyow sansoleth. Dhiworth brys an bora y fydh genes gluth dha yowynkneth.

Yeremia 30:21

Ha'ga fennsevigyon a vydh kemmerys a'ga honan, ha'ga governour a dheu a'ga mysk; my a'n dre yn ogas, hag ev a dheu nes dhymm, poken piw a vedha nesa dhymm? yn-medh an Arloedh.

Yeremia 30:3

Rag, otta, an dydhyow a dheu, yn-medh an Arloedh may treylav kethneth ow fobel Ysrael ha Yuda, yn-medh an Arloedh, ha my a's dre arta dhe'n tir a res dh'aga thasow, hag i a's pew.

Yeremia 30:7

Eghan! rag meur yw an jydh na, ma nag eus onan haval dhodho: termyn ahwer yw rag Yakob; mes ev a vydh sawys anodho.

Yeremia 31:33

Mes hemma a vydh an kevambos a wrav gans chi Ysrael wosa an dydhyow na, yn-medh an Arloedh: My a worr ow lagha a-ji dhedha ha'y skrifa war aga holonn; ha my a vydh aga Duw, hag i a vydh ow fobel.

Yeremia 32:37

Otta, my a's kuntell yn-mes a'n tiryow oll ma's fesyas yn ow sorr hag yn ow honnar hag yn sorrvann meur; ha my a's dre arta dhe'n tyller ma ha my a wra dhedha triga yn sawder.

Yeremia 50:19

My a dhri Ysrael arta dh'y beurva, hag ev a voes war Karmel hag yn Bashan, ha war vreow Efraym hag yn Gilead y nown a vydh gwalghys.

Ezekiel 39:25

Rakhenna yndellma y lever an Arloedh Duw: Lemmyn my a dreyl kethneth Yakob ha kemmeres truedh war oll chi Ysrael; ha my a vydh avius rag ow hanow sans.

Hosea 2:1

Leverewgh dh'agas breder, ‘Ammi’, ha dh'agas hwerydh, ‘Ruhama.’

Hosea 3:5

A-wosa, mebyon Ysrael a wra dehweles ha hwilas an Arloedh aga Duw, ha Davydh aga myghtern. I a dheu gans own dhe'n Arloedh ha dh'y dhader y'n dydhyow diwettha.

Romanyon 11:15

Rag mars yw aga thewlel dhe-ves unnverheans an bys, pyth yw aga degemmeres marnas bewnans a vernans?