Haggay 2:7 - An Bibel Kernewek 20234 (Kernewek Kemmyn)

⁷ Ha my a wra oll an kenedhlow dhe grena, ha tresoryow an kenedhlow oll a dheu, ha my a lenow an chi ma gans golewder, yn-medh Arloedh an luyow.

Haggay 2:7 Iomraidhean Croise

Jenesis 22:18

Hag y'th has y fydh kenedhlow oll y'n norvys owth omvenniga, rag ty re woslowas orth ow lev.’

Jenesis 3:15

Ha my a worr avi yntra jy ha'n venyn, hag yntra dha has jy ha'y has hi. Ev a vrew dha benn ha ty a vrew y seudhel.’

Jenesis 49:10

Ny dreyl an welenn dhiworth Yuda na'n dernwelenn a-dhiworth y dreys, erna dheffo ev neb a's pew; ha dhodho ev y fydh omaj an poblow.

1 Myghternedh 8:10

Ha pan dheuth an oferysi yn-mes a'n tyller sans, kommolenn a lenwis chi an Arloedh,

1 Myghternedh 8:11

ma na ylli an oferysi sevel dhe venystra drefenn an gommolenn; rag golewder an Arloedh a lenwis chi an Arloedh.

2 Kroniklys 5:14

ha ny allas an oferysi sevel dhe venystra drefenn an gommolenn; rag glori an Arloedh a lenwis chi Duw.

Salmow 80:1

Goslow, A vugel Ysrael, ty neb a hembronk Yosep avel flokk; omdhiskwa, ty neb a drig ynter an cherubim.

Salmow 85:9

Yn hwir yma y selwyans ogas dhe'n re a berth own anodho, may trykko golewder yn agan tir.

Ysay 2:19

I a dheu yn fowys y'n kerrek, hag yn pansow y'n dor, dhiworth fas euth an Arloedh ha splannder y veuredh, pan sev dhe ownekhe an norvys.

Ysay 60:4

Drehav dha dhewlagas a-derdro ha gwel: i oll a guntell ha dos dhis; dha vebyon a dheu a bellder, ha dha vyrghes war glun aga magoresow.

Ysay 60:7

Oll flokkys Kedar a vydh kuntellys dhis, hordhes Nebayoth a'th serv; i a dheu yn-bann dhe'm alter avel sakrifis kemmeradow, ha my a dekha chi ow glori.

Ezekiel 21:27

Magoryow, magoryow, magoryow y'n gwrav, ma na veu y hevelep, bys pan dheu ev may ma dhodho an gwir; ha my a'n re dhodho.

Ezekiel 31:16

My a wrug dhe'n kenedhlow krena dre son hy therroes pan y's dros yn-nans dhe ifarn gans an re a dhiyskynn dhe'n pytt; hag oll gwydh Eden, an flour ha'n gwella a Lebanon, oll an re a eva dowr, a veu konfortys y'n bys a-woeles.

Ezekiel 38:19

Y'm avi hag y'm sorrvann my a dheklar: Y'n jydh na y fydh dorgrys bras war diredh Ysrael.

Ezekiel 44:4

Ena ev a'm dros a-rag an tempel dre yet an gogledh. My a viras, hag otta, glori an Arloedh ow lenwel tempel an Arloedh; ha my a goedhas war ow fas.

Haggay 1:8

Yskynnewgh an menydh ha dri prenn ha drehevel an chi may kyffiv plesour ynno ha bos enorys, yn-medh an Arloedh.

Malaki 3:1

Otta, my a dhannvon ow hannas, hag ev a wra pareusi an fordh a-ragov! Ha'n Arloedh a hwilowgh a dheu a-dhesempis dh'y dempel; ha kannas an kevambos, a hwensowgh, otta, ev a wra dos, yn-medh Arloedh an luyow.

Luk 19:47

Ha pub dydh yth esa ow tyski y'n tempel. Mes an bennoferysi ha'n skribys ha pennow an bobel a hwila y dhistrui,

Luk 2:27

Hag ev a dheuth der an Spyrys y'n tempel; ha'n gerens pan dhrosons an flogh Yesu a-ji rag gul ragdho war-lergh usadow an lagha,

Luk 2:46

Ena wosa tri dydh, i a'n kavas y'n tempel, esedhys yn mysk an dhyskadoryon, ow koslowes orta hag ow kovynn orta;

Luk 20:1

Hag y hwarva yn onan a'n dydhyow na pan esa ev ow tyski an bobel y'n tempel hag ow pregoth an nowodhow da, an bennoferysi ha'n skribys war-barth gans an henavogyon a dheuth yn-rag

Luk 21:38

Hag oll an bobel a dho dhodho y'n tempel myttin a-varr, dhe woslowes orto.

Yowann 1:14

Ha'n Ger a veu gwrys kig hag a drigas yn agan mysk, ha ni a welas y wolewder, golewder avel dhe'n unn Vab dineythys a'n Tas, leun a ras hag a wirder.

Galatianys 3:8

Skryptor, ow ragweles Duw dhe justifia an Jentilys dre fydh, a dharganas an aweyl dhe Abraham: ‘An Jentilys oll a vydh benniges ynnos’,

Kolossianys 2:9

rag ynno ev y trig pub leunder a'n Duwsys, yn korfek.