Haggay 2:3 - An Bibel Kernewek 20234 (Kernewek Kemmyn)

³ Piw yw gesys yntredhowgh a welas an chi ma yn y golewder kyns? Ha fatell y'n gwelowgh lemmyn? A ny hevel ev kepar ha travyth yn agas dewlagas hwi?

Haggay 2:3 Iomraidhean Croise

1 Kroniklys 22:5

Davydh a leveris, ‘Solomon ow mab yw yowynk ha heb prevyans, ha'n chi a vydh drehevys rag an Arloedh a dal bos bras-oberys, gerys-da ha glorifiys der oll powyow; rakhenna my a wra darbar dhodho.’ Ytho Davydh a dharbaris yn hel kyns y vernans.

Ezra 3:11

I a ganas, ow korthybi an eyl dh'y gila, gans gormola ha grasyans dhe'n Arloedh, ‘Rag ev yw da, rag y dregeredh a dhur bys vykken war Ysrael.’ Hag oll an dus a armas gans garm vras, ow kormel an Arloedh, drefenn bos settys sel chi an Arloedh.

Ezra 3:12

Mes lies a'n oferysi ha'n Levysi ha pennow an tasow, henavogyon hag a welas an kynsa chi, a oelas gans lev ughel pan welsons sel an chi ma fondys a-rag aga dewlagas, mes lies anedha a armas yn ughel gans lowena,

Ysay 64:10

Dha sitys sans re dheuth ha mos gwylvos, Sion yw gwylvos, ha Yerusalem yw ynyalder.

Ezekiel 7:20

Goeth a's tevo yn tekter aga thegennow ha gansa i a wrug aga imajys kasadow, aga thaklow kasadow; rakhenna my a's gwra mostedhes ragdha.

Haggay 2:9

Brassa vydh golewder diwettha an chi ma es an kynsa y'n termyn a dheu, yn-medh Arloedh an luyow. Hag y'n tyller ma y rov kres, yn-medh Arloedh an luyow.