Haggay 2:23 - An Bibel Kernewek 20234 (Kernewek Kemmyn)

²³ Y'n jydh na, yn-medh Arloedh an luyow, my a'th kemmer, A Zerubbabel, ow gwas, mab Shealtiel, yn-medh an Arloedh, ha my a'th wra kepar ha bysow sel: rag my re'th tewisas, yn-medh Arloedh an luyow.

Haggay 2:23 Iomraidhean Croise

Salmow 65:5

Ty a worthyp dhyn gans taklow euthyk yn ewnder, A Dhuw agan selwyans; ty, neb yw fydhyans oll pennow an nor, ha'n re usi pell war an mor.

An Gan a Ganow 8:6

Desedh vy avel sel war dha golonn, avel sel war dha vregh, rag bos kerensa mar grev avel ankow, hy avi mar dhibita avel ifarn; hy flammow yw lughes a dan, losk a'n kreffa.

Ysay 42:1

Otta ow gwas neb a skoedhyav, ow den dewisys may lowenha ow enev ynno; my re worras ow Spyrys warnodho, ev a dheg gwirvreus yn-mes dhe'n kenedhlow.

Ysay 43:10

‘Hwi yw ow dustunioryon’, y lever an Arloedh, ha'm gwas a dhewisis, rag may hwodhvowgh ha krysi dhymm, ha konvedhes, my dhe vos ev. Kyns my ny veu Duw formys, na ny vydh nevra war ow lergh.

Ysay 49:16

Otta, my re'th gravyas war balv ow dorn, yma dha fosow pup-prys a-ragov.

Yeremia 22:24

Dell vewav, yn-medh an Arloedh, kyn fe Konia mab Yehoyakim myghtern Yuda bysow ow leuv dhyghow, hwath alena my a'th torrsa

Matthew 12:18

‘Awotta ow gwas a dhewisis, ow haradow mayth usi ynno ow delit; my a worr ow spyrys warnodho hag ev a dheriv breus dhe'n Jentilys.

Yowann 6:27

Na lavuryewgh rag boes a wra pedri, mes rag boes a dhur bys yn bewnans heb diwedh, hag a wra Mab an den y ri dhywgh; rag warnodho Duw an Tas re settyas y sel.’

2 Timothi 2:19

Byttegyns selven fyrv Duw a sev, ha warnodho an skrif ma: ‘An Arloedh a aswonn an re usi dhodho’, ha, ‘Pubonan a henow hanow an Arloedh, treylys ev dhiworth kammhynseth.’

1 Peder 2:4

Dewgh dhodho, men bew skonys gans mab-den mes dewisys gans Duw ha drudh.