Haggay 2:22 - An Bibel Kernewek 20234 (Kernewek Kemmyn)

²² My a dhomhwel an se a wlaskordhow, ha distrui galloes gwlaskordhow an kenedhlow, Disevel a wrav an charettow ha'ga lewyoryon, ha'n vergh ha'ga marghogyon a goedh, pubonan dre gledha y vroder.

Haggay 2:22 Iomraidhean Croise

2 Kroniklys 15:6

Terrys yn temmigow yth ens, gwlaskor erbynn gwlaskor ha sita erbynn sita, rag yth esa Duw orth aga throbla gans ankres a bub eghenn.

2 Kroniklys 20:22

Pan dhallathsons kana ha gormel, an Arloedh a gontrewaytyas erbynn mebyon Ammon, Moab, ha menydh Seir, esens ow tos erbynn Yuda, hag i a veu fethys.

2 Kroniklys 20:23

Rag mebyon Ammon ha Moab a omsettyas erbynn trigoryon menydh Seir, dh'aga diswul yn tien; ha wosa diswul trigoryon Seir, i eth yn-rag ow tistrui an eyl y gila.

Salmow 46:9

Ev a wra dhe vreselyow hedhi bys yn pennow an nor; ev a derr an warak, ha treghi an guw, ha leski an charettow y'n tan.

Salmow 76:6

Orth dha geredh, A Dhuw Yakob, an charett ha'n margh a goedhas yn kosk poes.

Eksodus 14:17

Ha my a galesha kolonn an Ejyptianys mayth ellons war aga lergh, ha my a gyv glori drefenn Faro hag oll y lu, y jarettow, ha'y varghogyon.

Eksodus 14:28

An dowrow a dhehwelis ha kudha an charettow ha'n varghogyon hag oll lu Faro re's siwsa y'n mor; ny veu gesys nagonan anedha.

Eksodus 15:19

Rag mergh Faro a dheuth gans y jarettow ha'y varghogyon y'n mor, an Arloedh a dhros dowrow an mor arta warnedha, mes mebyon Ysrael a gerdhas war dhor sygh yn mysk an mor.

Eksodus 15:4

‘Charettow Faro ha'y lu ev a dewlis y'n mor ha'n gwella a'y benngasoryon yw sedhys y'n Mor Rudh.

Ysay 19:2

My a sett Ejyp erbynn Ejyp; pubonan a vatal orth y vroder, ha pubonan orth y gentrevek, sita orth sita, ruvaneth orth ruvaneth.

Ysay 60:12

Rag an genedhel ha'n ruvaneth na'th serv a verow; ha'n kenedhlow na a vydh distruys glan.

Ysay 9:19

Dre sorr Arloedh an luyow an tir a vydh kowlleskys, ha'n bobel a vydh avel keunys rag an tan; denvyth ny gemmer truedh a'y vroder.

Ezekiel 21:27

Magoryow, magoryow, magoryow y'n gwrav, ma na veu y hevelep, bys pan dheu ev may ma dhodho an gwir; ha my a'n re dhodho.

Ezekiel 26:16

Ena oll pennsevigyon an mor a dhiyskynn dhiworth aga thronys ha gorra dhe denewen aga fowsyow, ha diwiska aga dillas brosys. I a omwisk gans krena, hag esedha war an dor; i a gren heb hedhi, hag i a gemmer skruth orthis.

Ezekiel 38:21

My a elow ow kledha erbynn Gog yn oll ow menydhyow, yn-medh an Arloedh Duw; kledha pubonan a vydh erbynn y vroder.

Ezekiel 39:20

Ha hwi a vydh lenwys orth ow moes a vergh ha marghogyon, a wer grev ha kasoryon a bub eghenn, yn-medh an Arloedh.

Daniel 8:25

Der y felder ev a wra dhe doell seweni der y dhorn; balgh vydh yn y golonn. Heb gwarnyans y hwra distrui meur a dus; erbynn Pryns an brynsys y sev; y fydh terrys, mes ny vydh dre leuv den.

Amos 2:15

Ny sev an den a syns an warak, na ny skap an den skav y dreys, na ny yll an marghek omsawya.

Mika 5:10

Hag y'n jydh na, yn-medh an Arloedh, my a dregh dha vergh a-dhiworthis ha shyndya dha jarettow;

Mika 5:15

Hag yn sorr hag yn konnar y talvydhav dial war an kenedhlow na obayas.

Mika 5:8

Ha remenant Yakob yn mysk an kenedhlow yn mysk lies pobel, a vydh avel lew yowynk yn mysk bestes an goeswik, avel lewik yn mysk greow deves; pan boen ev dresta, ev a wra stankya ha skwardya, ha nyns eus denvyth dhe dhelivra.

Mika 5:9

Dha dhorn a vydh drehevys a-ugh dha eskerens, ha dha envi oll a vydh distruys.

Mika 7:16

An kenedhlow a wel ha bos toellys a'ga galloes oll; i a worr aga diwla war aga ganow; aga diwskovarn a vydh bodhar;

Sefania 3:8

Rakhenna gwrewgh ow gortos, yn-medh an Arloedh, bys y'n jydh pan savav avel dustunier: rag kuntell an kenedhlow yw ow bodh may keskorrav an gwlaskordhow rag dinewi warnedha ow sorrvann, oll ow sorr fers; rag oll an norvys a vydh devorys gans tan ow avi.

Zekaria 10:11

I a wra tremena dre vor a ankres, ha gweskel an tonnow y'n mor hag oll downderyow an avon a vydh sygh. Goeth Assyria a vydh uvelhes, ha gwelenn Ejyp a dremen dhe-ves.

Zekaria 10:5

I a vydh avel kasoryon alloesek ow stankya yn leys an stretow yn batel. I a omladh, drefenn bos an Arloedh gansa, hag i a wra bismer dhe varghogyon an vergh.

Zekaria 12:9

Y'n jydh na my a hwila kowldhistrui oll an kenedhlow a dheu erbynn Yerusalem.

Zekaria 14:3

Ena an Arloedh a dheu yn-mes, ha batalyas orth an kenedhlow na kepar dell wra batalyas yn dydh an gas.

Zekaria 4:6

Ena ev a leveris dhymm, ‘Hemm yw ger an Arloedh dhe Zerubbabel: Ny vydh gans galloes na gans nerth, mes gans ow Spyrys, yn-medh Arloedh an luyow.

Zekaria 9:10

My a dhistru an charett dhiworth Efraym ha'n margh dhiworth Yerusalem, Gwarak an gas a vydh distruys. Ev a gews kres dhe'n kenedhlow. Y rewl a wra drehedhes a vor dhe vor, ha dhiworth an avon bys pennow an norvys.

Matthew 24:7

Rag kenedhel a sev erbynn kenedhel ha gwlaskor erbynn gwlaskor hag y hwyrvydh divoetter ha dorgrysyow yn divers tylleryow.

Diskwedhyans 11:15

Ha'n seythves el a hwythas an hirgorn, hag yth esa levow bras yn nev ow leverel, ‘Gwlaskor an bys ma res eth ha bos gwlaskor agan Arloedh ha'y Grist, hag ev a reyn trank heb worfenn.’

Breusysi 7:22

Pan hwythsons an tri hans hirgorn, an Arloedh a settyas kledha pub den erbynn y vata hag erbynn oll an kamp; ha'n lu a fias maga pell avel Beth-shitta war-tu ha Serera, maga pell avel or Abel-mehola ryb Tabbath.

1 Samuel 14:16

Yth esa goelyadoryon Sowl yn Gibea a Benyamin ow mires; ha'n routh ow teudhi dhe-ves omma hag ena.