Haggay 2:2 - An Bibel Kernewek 20234 (Kernewek Kemmyn)

² Lavar hemma dhe Zerubbabel mab Shealtiel, governour Yuda ha dhe'n arghoferyas Yoshua mab Yosedek, ha dhe remenant an bobel:

Haggay 2:2 Iomraidhean Croise

Ezra 1:8

Kyrus myghtern Persia a's delivras yn charj Mithredath an alhwedhor, neb a wrug menegva anedha rag Sheshbassar, rewler Yuda.

Ezra 2:63

Ha'n governour a leveris dhedha, na dhepprens a'n taklow an moyha sans, bys pan ve oferyas gans Urim ha gans Thummim.

Ezra 3:2

Ena Yeshua mab Yosadak a sevis, ha'y vreder an oferysi, ha Zerubbabel mab Shealtiel ha'y vreder, hag i a dhrehevis alter Duw Ysrael rag offrynna offrynnow leskys warnedhi, dell yw skrifys yn lagha Moyses gour Duw.

Nehemia 8:9

Ena Nehemia, an governour, hag Ezra an oferyas ha'n skriba, ha'n Levysi a dhyski an bobel, a leveris dhe oll an bobel, ‘Sans yw an jydh ma dhe'n Arloedh agas Duw; na gynewgh, na nag oelewgh.’ Rag oll an bobel a oelas, pan glewsons geryow an lagha.

Haggay 1:1

Y'n nessa blydhen a Darius an myghtern, y'n hweghves mis, yn kynsa dydh an mis y teuth ger an Arloedh der an profoes Haggay dhe Zerubbabel, mab Shealtiel, governour Yuda, ha dhe'n arghoferyas Yoshua, mab Yosedek, ow leverel,

Haggay 1:12

Ena Zerubbabel mab Shealtiel ha'n arghoferyas Yoshua mab Yosedek, gans oll remenant an bobel, a obayas lev an Arloedh aga Duw, ha geryow an profoes Haggay, dell y'n dannvonsa an Arloedh aga Duw, ha'n bobel a gemmeras own a-dherag an Arloedh.

Haggay 1:14

Ha'n Arloedh a wrug dhe spyrys Zerubbabel mab Shealtiel, governour Yuda, difuna, ha spyrys an arghoferyas Yoshua, mab Yosedek, ha spyrys oll remenant an bobel; hag i a dheuth hag oberi yn chi Arloedh an luyow, aga Duw,