Haggay 1:9 - An Bibel Kernewek 20234 (Kernewek Kemmyn)

⁹ Hwi a hwilas kemmys, hag otta, boghes; ha pan y'n dresowgh tre my a'n hwythas dhe-ves. Prag? yn-medh Arloedh an luyow. Rag ow chi yw magor, ha hwi a boen, peub dh'y ji y honan.

Haggay 1:9 Iomraidhean Croise

2 Samuel 21:1

Lemmyn yth esa divoetter yn dydhyow Davydh teyr blydhen, blydhen wosa blydhen; ytho Davydh a hwilas fas an Arloedh. Ha'n Arloedh a worthybis, ‘Yth yw drefenn Sowl, ha'y ji goesek, rag ev dhe worra an Gibeonysi dhe'n mernans.’

2 Samuel 22:16

Ena yth omdhiskwedhas leuryow an mor, selyow an norvys a veu diskudhys, orth keredh an Arloedh, orth hwyth anall y dhewfrik.

2 Myghternedh 19:7

Ottavy ow korra ynno spyrys, ha pan glew kyhwedhel ev a dhehwel dh'y bow y honan; ha my a wra dhodho koedha der an kledha yn y bow y honan.” ’

Job 10:2

My a lever dhe Dhuw, Na'm dampen; lavar dhymm, pyth yw dha guhudhans er ow fynn.

Lavarow Koth 11:24

Unn den a re heb lett, ha devedhys yw hwath moy rych, onan arall a skon a ri hag a berth esow.

Lavarow Koth 27:20

Ifarn hag Abaddon, nevra ny's teves lowr; ha ny'n jeves dewlagas mab-den lowr.

Ekklesiastes 1:8

Oll an taklow ma yw skwithus: ny yll denvyth kewsel a-dro dhedha. Nyns yw an lagas gwalghys gans gweles, na'n skovarn gorlenwys gans klewes.

Ysay 40:7

An gwels a wedher, gyllys krin yw an vleujenn, drefenn anall an Arloedh dhe hwytha warnodho; avel gwels yw an bobel diogel.

Ysay 5:10

Ytho gwinlann a dheg erow a wra unn bath, ha'n homer a has a wra efa.

Yeremia 12:13

I re hasas gwaneth, ha mysi spern: skwithys yns, mes ny wrons kavoes prow. I a gemmer meth a'ga threvasow drefenn sorr fers an Arloedh.

Ezekiel 21:31

My a dhinwa ow sorrvann warnas; gans tan ow honnar y hwithav warnas. My a'gas re yn leuv gwer vilus, skentel yn distruyans.

Levitikus 19:25

Ha'n pympes blydhen hwi a dheber an frut anodho, may rollo dhywgh an drevas ynkressys anodho. An Arloedh agas Duw ov vy.

Haggay 1:4

Yw hemma termyn ragowgh hwi dhe driga yn agas chiow pannellys, pan yw an chi ma magor?

Haggay 1:6

Hwi a hasas kemmys, ha doen boghes tre; hwi a dheber mes nyns eus lowr dhywgh; hwi a yv mes ny omvedhwowgh; hwi a omwisk mes nyns yw denvyth toemm; ha'n re neb a dhendil gober a dhendil gober yn yalgh gans tell.

Malaki 2:2

Mar ny woslewowgh, ha mar ny worrowgh agas kolonn dhe ri glori dhe'm hanow, yn-medh Arloedh an luyow, my a dhannvon molleth warnowgh hwi, ha my a volleth agas bennathow. Yn hwir, my a's mollethis seulabrys, rag na'n gorrsowgh yn agas kolonn.

Dewteronomi 28:38

Ty a dheg yn-mes dhe'n gwel meur a has ha kuntell boghes, drefenn an lokust dh'y dhevorya.

Diskwedhyans 2:4

Byttegyns yma genev neppyth er dha bynn: ty re asas dha gerensa, kepar dell vedha wostalleth.

Diskwedhyans 3:19

Myns a garav, a geredhav ha keski. Bydh diwysyk, ytho, ha kemmer edrek.