Haggay 1:8 - An Bibel Kernewek 20234 (Kernewek Kemmyn)

⁸ Yskynnewgh an menydh ha dri prenn ha drehevel an chi may kyffiv plesour ynno ha bos enorys, yn-medh an Arloedh.

Haggay 1:8 Iomraidhean Croise

1 Myghternedh 6:1

Y'n peswar kans ha peswar-ugensves blydhen wosa fleghes Ysrael dhe dhos yn-mes a Ejyp, y'n peswora blydhen a reyn Solomon war Ysrael, yn mis Ziv, an eyl mis, ev a dhallathas drehevel chi an Arloedh.

1 Myghternedh 9:3

An Arloedh a leveris dhodho, ‘My re glewas dha bysadow ha'th pledyans a wrussys a-ragov; my re sakras an chi ma re dhrehevsys, ha gorra ow hanow ena bys vykken; ow lagasow ha'm kolonn a vydh ena bys vykken.

1 Kroniklys 22:19

Lemmyn settyewgh agas kolonn ha'gas enev dhe hwilas an Arloedh agas Duw. Sevewgh yn-bann ha drehevewgh sentri an Arloedh Duw, may fo dres argh kevambos an Arloedh ha lestri sans Duw a-berth y'n chi drehevys rag hanow an ARLOEDH.’

2 Kroniklys 7:16

Rag my re dhewisas hag a sakras an chi ma, rag may fo ow hanow ena bys vykken; ow dewlagas ha'm kolonn a vydh ena bynitha.

Ezra 3:7

I a ros arghans ynwedh dhe'n seri men, ha dhe'n seri prenn; ha boes, diwes hag oyl dhe'n dus a Sidon, ha'n dus a Tyr, may trollens kederwydh a-dhiworth Lebanon dhe vor Yoppa, herwydh an kummyas a dhegemmersens dhiworth Kyrus myghtern Persia.

Ezra 6:4

gans tri rew a veyn bras, hag unn rew a brenn; ha bedhes an kost res a-dhiworth tresorva an myghtern:

Eksodus 29:43

Ena my a vet gans mebyon Ysrael a vydhons sanshes gans ow golewder.

Ysay 60:13

Glori Lebanon a dheu dhis, an meryw, an elow, ha'n kypres war-barth, dhe dekhe tyller ow sentri; ha my a lorifi tyller ow threys.

Ysay 60:7

Oll flokkys Kedar a vydh kuntellys dhis, hordhes Nebayoth a'th serv; i a dheu yn-bann dhe'm alter avel sakrifis kemmeradow, ha my a dekha chi ow glori.

Ysay 66:11

may hyllowgh dena ha bos gwalghys orth hy bronn, ha bos konfortys; may hyllowgh lapya gans delit dhiworth tethennow hy glori.

Haggay 1:7

Yndellma y lever Arloedh an luyow: Prederewgh a'gas fordhow.

Haggay 2:7

Ha my a wra oll an kenedhlow dhe grena, ha tresoryow an kenedhlow oll a dheu, ha my a lenow an chi ma gans golewder, yn-medh Arloedh an luyow.

Haggay 2:9

Brassa vydh golewder diwettha an chi ma es an kynsa y'n termyn a dheu, yn-medh Arloedh an luyow. Hag y'n tyller ma y rov kres, yn-medh Arloedh an luyow.