Haggay 1:4 - An Bibel Kernewek 20234 (Kernewek Kemmyn)

⁴ Yw hemma termyn ragowgh hwi dhe driga yn agas chiow pannellys, pan yw an chi ma magor?

Haggay 1:4 Iomraidhean Croise

2 Samuel 7:2

an myghtern a leveris dhe Nathan an profoes, ‘Mir lemmyn, yth esov trigys yn chi a geder, mes argh Duw a drig a-ji dhe groglennow.’

2 Myghternedh 5:26

Mes ev a leveris dhodho, ‘A nyns eth ow holonn genes, pan dreylyas an gour dhiworth y jarett rag metya orthis? Yw hemma an termyn rag kemmeres arghans, ha rag kemmeres dillas, hag olewbrennyer, ha gwinbrennyer, ha deves, hag oghen, ha gwesyon ha maghtethyon?

Salmow 102:14

Rag dha wesyon a gemmer plesour yn hy meyn, hag a gemmer truedh a'y doust.

Salmow 74:7

I re worras tan y'th sentri; bys y'n dor i re dhefolas trigva dha hanow.

Ekklesiastes 3:3

Prys ladha ha prys sawya; prys terri dhe'n leur ha prys drehevel.

Yeremia 22:14

neb a lever, ‘My a dhrehav dhe'm honan chi efan gans chambouryow gwarthav ledan’, hag a dregh fenestri ragdho, ha'y nen a gederwydh, hag urys gans vermeyl.

Yeremia 26:18

‘Mika a Moreseth a brofoesas yn dydhyow Hezekia myghtern Yuda, ha kewsel orth oll pobel Yuda, ow leverel, “Yndellma y lever Arloedh an luyow, Sion a vydh erys avel park, ha Yerusalem a vydh bern a vagoryow, ha menydh an chi avel tylleryow ughel a goeswik.”

Yeremia 26:6

ena my a wra an chi avel Shilo ha gul an sita ma bos molleth dhe oll genedhlow an nor.

Yeremia 33:10

Yndellma y lever an Arloedh: Y'n tyller ma may leverowgh, ‘Ynyal yw heb den na best’, yn sitys Yuda hag yn stretow Yerusalem hag yw ynyal, heb den, ha heb annedhyas, ha heb best, y fydh klewys unnweyth arta

Yeremia 33:12

Yndellma y lever Arloedh an luyow: Arta y'n tyller ma hag yw ynyal, heb den na best, hag yn oll y sitys, y fydh peurva rag bugeledh dhe ri powes dh'aga flokkys.

Yeremia 52:13

Ev a loskas chi an Arloedh, ha chi an myghtern, hag oll chiow Yerusalem; pub chi meur ev a loskas gans tan.

Kynvannow 2:7

An Arloedh re skonyas y alter, ha nagha y sentri; ev re ros yn leuv an eskar fosow hy lysyow; i a dhrehevis tros yn chi an Arloedh kepar dell ve yn dy'goel.

Kynvannow 4:1

Ass yw an owr tewlhes, ass yw treylys an owr pur! Meyn an sentri yw skattrys orth penn pub stret.

Ezekiel 24:21

Lavar dhe ji Ysrael, Yndellma y lever an Arloedh Duw: Awottavy ow tisakra ow sentri, goeth agas nerth, desir agas dewlagas, ha delit agas enev. Agas mebyon ha'gas myrghes, a wrussowgh aga gasa, a goedh der an kledha.

Levitikus 19:25

Ha'n pympes blydhen hwi a dheber an frut anodho, may rollo dhywgh an drevas ynkressys anodho. An Arloedh agas Duw ov vy.

Mika 3:12

Rakhenna, a-barth dhywgh hwi, Sion a vydh erys par ha gwel; Yerusalem a dheu ha bos bern a vagoryow, Arloedh ha menydh an chi a vydh drumm gwydhyel.

Haggay 1:3

Ena y teuth ger an Arloedh der an profoes Haggay, ow leverel:

Haggay 1:5

Lemmyn ytho yndellma y lever Arloedh an luyow: Prederewgh a'gas fordhow.

Haggay 1:9

Hwi a hwilas kemmys, hag otta, boghes; ha pan y'n dresowgh tre my a'n hwythas dhe-ves. Prag? yn-medh Arloedh an luyow. Rag ow chi yw magor, ha hwi a boen, peub dh'y ji y honan.

Matthew 6:33

Mes kyns oll hwilewgh gwlaskor Duw ha'y ewnder, hag oll an taklow ma a vydh res dhywgh maga ta.

Filippianys 2:21

Rag pubonan anedha a hwila aga les aga honan; ny hwilons i les Krist Yesu.