Haggay 1:14 - An Bibel Kernewek 20234 (Kernewek Kemmyn)

¹⁴ Ha'n Arloedh a wrug dhe spyrys Zerubbabel mab Shealtiel, governour Yuda, difuna, ha spyrys an arghoferyas Yoshua, mab Yosedek, ha spyrys oll remenant an bobel; hag i a dheuth hag oberi yn chi Arloedh an luyow, aga Duw,

Haggay 1:14 Iomraidhean Croise

1 Kroniklys 5:26

Ytho Duw Ysrael a wrug dhe spyrys Pul myghtern Assyria difuna, spyrys Tiglath-pileser myghtern Assyria, hag ev a dhug dhe-ves an Rewbenysi, an Gadysi, ha'n hanter-loeth Manasse, ha'ga dri dhe Halagh, Habor, Hara, ha dhe'n avon Gozan, bys y'n jydh ma.

2 Kroniklys 36:22

Yn kynsa blydhen Kyrus myghtern Persia, ow kollenwel ger an Arloedh kewsys dre anow Yeremia, an Arloedh a wrug dhe spyrys Kyrus myghtern Persia difuna, hag ev a dhannvonas kannas der oll y ruvaneth, hag yn skrif maga ta, ow leverel:

Ezra 1:1

Yn kynsa blydhen Kyrus myghtern Persia, may fe kollenwys ger an Arloedh dre anow Yeremia, an Arloedh a wrug spyrys Kyrus myghtern Persia dhe dhifuna, may tannvonna gwarnyans der y wlaskor oll, hag ynwedh ev a'n gwrug yn skrif, ow leverel,

Ezra 1:5

Pennow teyluyow Yuda ha Benyamin ha'n oferysi ha'n Levysi a sevis, gans oll an re may hwrug Duw dh'aga spyrys difuna, dhe vones yn-bann ha drehevel chi an Arloedh usi yn Yerusalem.

Ezra 5:2

Ena Zerubbabel mab Shealtiel, ha Yeshua mab Yosadak a sevis, ha dalleth dastrehevel chi Duw usi yn Yerusalem: ha gansa yth esa brofoesi Duw, orth aga gweres.

Ezra 5:8

Re bo godhvedhys dhe'n myghtern, ni eth yn rannvro Yuda, dhe ji an Duw meur; yma ow pos drehevys gans meyn bras, hag yma prennyer desedhys y'n fosow, ha'n ober ma a bes gans diwysygneth, hag a sewen yn aga leuv.

Nehemia 4:6

Ytho ni a dhrehevis an fos. Hag oll an fos a veu junys war-barth dhe hanter hy ughelder, rag an bobel a lavuryas yn kolonnek.

Salmow 110:3

Yma genes mestrynses yn dydh dha nerth, yn splannderyow sansoleth. Dhiworth brys an bora y fydh genes gluth dha yowynkneth.

Haggay 1:1

Y'n nessa blydhen a Darius an myghtern, y'n hweghves mis, yn kynsa dydh an mis y teuth ger an Arloedh der an profoes Haggay dhe Zerubbabel, mab Shealtiel, governour Yuda, ha dhe'n arghoferyas Yoshua, mab Yosedek, ow leverel,

Haggay 1:12

Ena Zerubbabel mab Shealtiel ha'n arghoferyas Yoshua mab Yosedek, gans oll remenant an bobel, a obayas lev an Arloedh aga Duw, ha geryow an profoes Haggay, dell y'n dannvonsa an Arloedh aga Duw, ha'n bobel a gemmeras own a-dherag an Arloedh.

Haggay 1:15

y'n peswora dydh warn ugens y'n hweghves mis, y'n nessa blydhen a Darius an myghtern.

Haggay 2:2

Lavar hemma dhe Zerubbabel mab Shealtiel, governour Yuda ha dhe'n arghoferyas Yoshua mab Yosedek, ha dhe remenant an bobel:

Haggay 2:21

Lavar hemma dhe Zerubbabel, governour Yuda: My a wra an nevow ha'n norvys dhe grena;

1 Korinthianys 15:58

Rakhenna, ow breder meurgerys, bedhewgh len, fyrv, pup-prys ow palshe yn gonis an Arloedh, ow kodhvos nag yw euver agas lavur y'n Arloedh.

2 Korinthianys 8:16

Lemmyn grasow re bo dhe Dhuw, neb re worras yn kolonn Titus an keth frethter a-barth dhywgh hwi,

Ebrowyon 13:21

re'gas provio gans pub tra vas may hwryllowgh y vodh, ow kul ynnon an pyth yw plegadow yn y wolok dre Yesu Krist; dhe neb bedhes gordhyans bys vykken ha bynnari. Amen.