Haggay 1:12 - An Bibel Kernewek 20234 (Kernewek Kemmyn)

¹² Ena Zerubbabel mab Shealtiel ha'n arghoferyas Yoshua mab Yosedek, gans oll remenant an bobel, a obayas lev an Arloedh aga Duw, ha geryow an profoes Haggay, dell y'n dannvonsa an Arloedh aga Duw, ha'n bobel a gemmeras own a-dherag an Arloedh.

Haggay 1:12 Iomraidhean Croise

Jenesis 22:12

Hag yn-medh ev, ‘Na ystynn dha dhorn war an maw, na gul travyth dhodho, rag lemmyn my a woer ty dhe berthi own a Dhuw, a-ban na wruss'ta skonya a ri dhymm dha vab, dha unn vab.’

Ezra 10:18

Yn-mysk mebyon an oferysi, an re a siw re gemmersa gwragedh estren. A vebyon Yeshua mab Yosadak, ha'y vreder: Maaseya, Eliezer, Yarib, ha Gedalia.

Ezra 5:2

Ena Zerubbabel mab Shealtiel, ha Yeshua mab Yosadak a sevis, ha dalleth dastrehevel chi Duw usi yn Yerusalem: ha gansa yth esa brofoesi Duw, orth aga gweres.

Salmow 112:1

Gormelewgh an Arloedh. Gwynnvys an gour a berth own a'n Arloedh, a lowenha yn feur yn y worhemmynnow.

Lavarow Koth 1:7

Own an Arloedh yw an dalleth a wodhvos; fellyon a skorn furneth ha dyskans.

Ekklesiastes 12:13

Diwedh an mater, wosa klewes pup-tra, yw hemma: Porth own a Dhuw, ha gwith y worhemmynnow, drefenn bos hemma dever pub den oll.

Ysay 1:19

Mars yw agas bodh ha mar pydhowgh gostydh, hwi a dheber dader an tir;

Ysay 50:10

Piw yn aga mysk a berth own a'n Arloedh hag yw gostydh dhe lev y was? Ev neb a gerdh yn tewlder, neb na'n jeves golow, byttegyns ev a drest yn hanow an Arloedh, ha poesa war y Dhuw.

Haggay 1:1

Y'n nessa blydhen a Darius an myghtern, y'n hweghves mis, yn kynsa dydh an mis y teuth ger an Arloedh der an profoes Haggay dhe Zerubbabel, mab Shealtiel, governour Yuda, ha dhe'n arghoferyas Yoshua, mab Yosedek, ow leverel,

Haggay 1:14

Ha'n Arloedh a wrug dhe spyrys Zerubbabel mab Shealtiel, governour Yuda, difuna, ha spyrys an arghoferyas Yoshua, mab Yosedek, ha spyrys oll remenant an bobel; hag i a dheuth hag oberi yn chi Arloedh an luyow, aga Duw,

Haggay 2:2

Lavar hemma dhe Zerubbabel mab Shealtiel, governour Yuda ha dhe'n arghoferyas Yoshua mab Yosedek, ha dhe remenant an bobel:

Oberow 9:31

Ytho, yth esa kres dhe'n eglos dres oll Yudi ha Galile ha Samaria, ha drehevys veu; ow kerdhes yn own an Arloedh hag yn konfort an Spyrys Sans, hi a balshas.

Dewteronomi 31:12

Kuntell an bobel, an wer, ha'n benynes, ha'n fleghes, ha'n alyon usi y'th yetys, rag may klewvons ha rag may tyskons ha perthi own a'n Arloedh agas Duw ha gwaytyas gul oll geryow an lagha ma,

Dewteronomi 31:13

ha rag may klewvo aga mebyon na's godhvons, ha dyski perthi own a'n Arloedh agas Duw hedre vowgh bew war an dor mayth esowgh ow treusi an Yordan dh'y erita.’

Kolossianys 1:6

a dheuth dhywgh hwi, kepar hag yn oll an bys hi a dheg frut ha tevi, kepar dell dyv ynnowgh hwi ynwedh, dhiworth an jydh may klewsowgh ha godhvos gras Duw yn gwirder;

Ebrowyon 12:28

Ytho godhvydhyn gras a dhegemmeres ruvaneth na yll degrena, ha rakhenna profyn dhe Dhuw gordhyans plegadow yn revrons hag agha;