Habakkuk 3:3 - An Bibel Kernewek 20234 (Kernewek Kemmyn)

³ Duw a dheu dhiworth Teman, ha'n Sans dhiworth menydh Paran. Sela. Y veuredh re gudhas an nevow, ha'y wormola re lenwis an nor.

Habakkuk 3:3 Iomraidhean Croise

Jenesis 21:21

Yth esa trigys yn difeythtir Paran; ha'y vamm a gemmeras gwreg ragdho mes a bow Ejyp.

Jenesis 36:11

Mebyon Elifaz o Teman, Omar, Sefo, Gatam ha Kenaz.

1 Myghternedh 11:18

I eth yn-kerdh a Midyan ha dos dhe Paran; i a gemmeras gwer gansa a Paran ha dos dhe Ejyp, dhe Faro myghtern Ejyp, neb a ros chi ha boes dhodho, ha ri dhodho tir.

Salmow 113:4

Ughel a-ugh oll an kenedhlow yma an Arloedh, hag yma y wolewder a-ugh an nevow.

Salmow 148:13

Gormelens hanow an Arloedh, rag unnsel y hanow ev yw ughelhes, hag yma y splannder a-ugh nev ha nor.

Salmow 3:2

lies yns i neb a lever a'm enev, ‘Nyns eus gweres ragdho yn Duw.’ Sela.

Salmow 3:4

My a elwis war an Arloedh gans ow lev, hag ev a worthybis dhymm mes a'y venydh sans. Sela.

Salmow 4:4

Krenewgh, ha na beghewgh; kewsewgh yn agas kolonn war agas gweli, ha bedhewgh tawesek. Sela.

Salmow 48:10

Kepar dell yw dha hanow, A Dhuw, yndella yw dha wormola, bys yn pennow an nor; dha leuv dhyghow yw leun a ewnder.

Salmow 68:17

Charettow Duw yw ugens mil, ha milyow a vilyow; yma an Arloedh yn aga mysk, avel yn Sinay, y'n sentri.

Salmow 9:16

Aswonnys yw an Arloedh, ev re wrug breus; an tebelwas yw maglennys gans ober y dhiwleuv y honan. Higgayon. Sela.

Salmow 9:20

Gorr own ynna, A Arloedh; godhvydhes an kenedhlow nag yns marnas tus. Sela.

Eksodus 20:18

Lemmyn pan glewas oll an bobel an tarenna ha'n lughes ha son an hirgorn ha'n menydh ow tyllo mog, an bobel a's teva own hag a grenas; hag i a sevis a-bell,

Ysay 31:1

Go-i an re a dhiyskynn dhe Ejyp rag gweres, ha kregi war vergh, ha trestya yn charettow rag aga bos lies, hag yn marghogyon rag aga bos pur nerthek, mes ny virons orth Sans Ysrael, na ny hwilons an Arloedh.

Ysay 6:3

An eyl a elwi dh'y gila, ow leverel, ‘Sans, sans, sans, Arloedh an luyow, oll an norvys yw leun a'y glori.’

Ysay 64:3

Pan wrussys taklow euthyk na waytsyn, ty a dheuth yn-nans, ha'n menydhyow a grysyas a-ragos.

Yeremia 49:7

A-dro dhe Edom. Yndellma y lever an Arloedh: A nyns eus furneth na fella yn Teman? Yw kusul an dhoethyon gyllys dhe goll? Yw pedrys aga furneth?

Ezekiel 43:2

hag otta, glori Duw Ysrael ow tos dhiworth an est; y lev o kepar ha son dowrow meur, ha'n nor a splannas gans y glori.

Amos 1:12

Ytho my a dhannvon tan war Teman, dhe dhevorya palesyow Bosra.

Obadia 1:9

Dha gasoryon a berth own, Teman, rag bos pub den oll a venydh Esaw treghys dhe-ves.

Habakkuk 2:14

Rag lenwys vydh an nor gans godhvos golewder an Arloedh, dell worher an dowrow an mor.

Niverow 10:12

Ha mebyon Ysrael eth yn yn-rag yn kerdhow berr yn-mes a wylvos Sinay; ha'n gommolenn a sevis stag yn gwylvos Paran.

Dewteronomi 33:2

Ev a leveris: An Arloedh a dheuth dhiworth Sinay, ha tardha warnedha dhiworth Seir; ev a splannas dhiworth menydh Paran, hag ev a dheuth gans degow a vilyow a syns; ha tan a flammyas dhiworth y leuv dhyghow.

Dewteronomi 5:24

Yn-medhowgh, ‘Awotta, an Arloedh agan Duw re dhiskwedhas dhyn y wolewder ha'y veuredh, ha ni re glewas y lev yn-mes a gres an tan. Hedhyw ni re welas Duw dhe gewsel gans den, hag ev a vew.

1 Samuel 25:1

Samuel a verwis; hag oll Ysrael a omguntellas ha kyni ragdho, ha'y ynkleudhyas yn y ji yn Rama. Ena Davydh a sevis ha mos yn-nans dhe wylvos Paran.