Habakkuk 3:2 - An Bibel Kernewek 20234 (Kernewek Kemmyn)

² A Arloedh, my re glewas derivas ahanas, my re borthas own, A Arloedh, a'th ober; yn mysk an blydhynyow gas ev dhe dhasvewa, yn mysk an blydhynyow gas ev dhe vos godhvedhys; yn sorr porth kov a druedh.

Habakkuk 3:2 Iomraidhean Croise

Ezra 9:8

Ha lemmyn, rag termyn berr truedh re beu diskwedhys gans an Arloedh agan Duw, ow kasa dhyn remenant, hag ow ri dhyn troesla fyrv yn y dyller sans, may klerhaho agan Duw agan dewlagas, ha ri dhyn tamm a dhifresyans yn agan kethneth.

Job 42:5

My re glewsa ahanas dre glewans an skovarn, mes lemmyn ow dewlagas re'th welas;

Salmow 119:120

Ow hig a gren rag own ahanas, ha my a berth own a'th vreusow.

Salmow 25:6

Porth kov, A Arloedh, a'th truedh ha'th tregeredh, rag i re beu yn few trank heb worfenn.

Salmow 38:1

A Arloedh, na rebuk vy y'th sorr, ha na geredh vy y'th konnar.

Salmow 44:1

A Dhuw, ni re glewas gans agan diwskovarn, agan tasow re venegas dhyn ni, an gweythres a wrussys yn aga dydhyow i, y'n termyn koth.

Salmow 71:20

Ty, neb re dhiskwedhas dhymm lies anken bras ha drog, a'm bewha arta; ha ty a'm dre yn-bann dhiworth downderyow an nor.

Salmow 78:38

Mes ev, leun a druedh, a avas aga hammweyth ha ny's distruis. Ha lieskweyth ev a dreylyas dhe-ves y sorr ha ny wrug dhe oll y gonnar difuna.

Salmow 85:6

A ny dreylydh ha'gan bewhe ni arta, rag may lowenhaho dha bobel ynnos?

Ysay 53:1

Piw re grysis an pyth re glewsyn? Ha piw dhodho y feu diskwedhys bregh an Arloedh?

Ysay 54:8

Yn liv a gonnar my a gudhas ow fas dhiworthis pols, mes gans tregeredh heb diwedh my a gemmer truedh ahanas, yn-medh an Arloedh, dha Dhasprenyas.

Ysay 63:15

Mir dhiworth nev, ha gwel dhiworth trigva ughel dha sansoleth ha'th glori. Ple'ma dha dhiwysykter ha'th krevder, amovyans dha golodhyon ha'th truedh? Skonys yns dhymm.

Ysay 66:2

Oll an taklow ma ow leuv a's gwrug, ha dhymmo vy yw oll an taklow ma, yn-medh an Arloedh. Hemm yw an den a wrav vri anodho, an den truan, trogh y spyrys, neb a gren orth ow ger.

Yeremia 10:24

A Arloedh, gwra ow heredhi, mes gans breus; Na'n gwra yn dha sorr, ma na'm drylli dhe dravyth.

Yeremia 10:7

Piw ny berth own ahanas, A Vyghtern an kenedhlow? Rag henn yw an pyth a dhegoedh dhis: yn mysk tus fur an kenedhlow, hag yn oll aga gwlaskordhow, nyns eus nagonan haval dhis.

Yeremia 29:10

Rag yndellma y lever an Arloedh: Pan vydh kowlwrys deg blydhen ha tri-ugens yn Babylon, my a'gas visit, ha kewera ow ger da dhywgh ha'gas dri arta dhe'n tyller ma.

Yeremia 46:28

Ha ty, na vydh ownek, ow gwas Yakob, yn-medh an Arloedh, rag yth esov genes. My a wra diwedh dhe oll an kenedhlow le ma'th skattris, mes ny wrav dha leun dhistrui. My a'th kessydh yn ewn musur, mes ny wrav dha asa heb kessydhyans yn tien.

Kynvannow 3:32

Kyn hwra grev, byttegyns ev a gemmer truedh herwydh braster y dregeredh;

Daniel 8:17

Ytho y teuth ogas dhe'm savla, ha pan dheuth, my a gemmeras own ha koedha war ow fas. Mes y leveris dhymm, ‘Konvedh, A vab-den, bos an welesigeth rag termyn an diwedh.’

Daniel 9:2

yn kynsa blydhen y reyn, my, Daniel, a gonvedhas der an lyvrow bos niver an vlydhynyow rag kowlwul gwastyans Yerusalem, herwydh ger an Arloedh dhe Yeremia an profoes, deg blydhen ha tri-ugens.

Habakkuk 3:1

Pysadow Habakkuk an profoes war Shigyonoth.

Habakkuk 3:16

My a woslowas ha'm torr a grenas; orth an son ow diwweus a dremblas, podredhes a dheu y'm eskern ha'm diwarr a dhegren yn-dannov. Yn kosel my a worta dydh an ahwer dhe dhos war bobel a omsett er agan pynn.

Zekaria 1:12

Hag el a'n Arloedh a worthybis, ‘Arloedh an luyow, pes termyn ny gemmerydh truedh a Yerusalem hag a sitys Yuda, may serrsys orta an deg blydhen ha tri-ugens ma?’

Yowann 10:10

Ny dheu lader saw dhe ladra, ha ladha, ha distrui; my yw devedhys rag may fo dhedha bewnans, ha may fo dhedha palster anodho.

Romanyon 10:16

Mes nyns o pubonan gostydh dhe'n aweyl; rag Ysay a lever, ‘A Arloedh, piw a grysis agan derivas?’

Filippianys 1:6

ow trestya dhe'n keth tra ma: neb re dhallathas gwrians da ynnowgh dh'y gowlwul bys yn dydh Yesu Krist;

Ebrowyon 11:7

Dre fydh Noy wosa bos gwarnys gans Duw a-dro dhe daklow na veu gwelys hwath, hag ev ownek, a dhrehevis gorhel rag sawya y vayni; dre hemma ev a dhampnyas an bys ha dos ha bos her an ewnder a dheu dre fydh.

Ebrowyon 12:21

Yn hwir, mar euthyk o an wolok may leveris Moyses, ‘Krena a wrav der own.’

Diskwedhyans 15:4

Piw ny berth own ahanas, A Arloedh, ha gordhya dha hanow? Rag ty yn unnsel yw sans, rag pub kenedhel a dheu dhe wordhya a-dheragos; rag dha oberow gwiryon re beu diskwedhys.’