Habakkuk 2:9 - An Bibel Kernewek 20234 (Kernewek Kemmyn)

⁹ Go-ev neb a gemmer tebel brow rag y ji, ow settya y neyth a-vann may fo delivrys dhiworth an leuv a dhrogober.

Habakkuk 2:9 Iomraidhean Croise

Salmow 49:11

Aga bedh yw aga chi bynitha, ha'ga annedhow a unn henedh dhe'n nessa; i a elow aga thiryow herwydh aga henwyn aga honan.

Salmow 52:7

‘Ottomma an gour na wrug Duw y skovva, mes ev a drestyas yn y rychys meur, ha hwilas skovva yn y sherewneth.’

Ysay 28:15

Rag hwi dhe leverel, ‘Ni re wrug kevambos gans ankow, ha gans ifarn ni re wrug akord; pan dremen an skorja avel liv ow fenna, ny dheu dhyn ni; rag ni re wrug gow agan skovva, ha ni re omgudhas yn falsuri’ –

Ysay 5:8

Go-i a jun chi dhe ji, ha keworra park dhe bark, bys pan na vo tyller gesys, ha nyns eus gesys marnas hwi dhe driga yn kres an wlas.

Yeremia 17:11

Dell esedh an rugyar, heb gori; yndellma yw an re a wayn golusogneth, heb ewnder; yn hanter y dhydhyow hi a'n gas, hag yn y dhiwedh ev a vydh foll.

Yeremia 22:23

A annedhyades Lebanon neythys y'n kederwydh, assa wre'ta kyni pan dheu gloesow warnas, poen avel gwreg yn gwelivos!

Yeremia 49:16

An browagh gwrys genes ha goeth dha golonn re's toellas, ty usi trigys yn folsyow an garrek, neb a syns ughelder an vre. Kyn hwredh dha neyth mar ughel ages an er, alena my a'th tre dhe'n leur, yn-medh an Arloedh.

Yeremia 51:13

Ty neb usi trigys ryb dowrow meur, gans palster a dresoryow, dha dhiwedh yw devedhys, musur dha vewnans yw treghys.

Yeremia 51:53

Kyn yskynno Babylon dhe nev, ha kyn kerro hy ughelder krev, a-dhiworthiv distruoryon a dheu warnedhi, yn-medh an Arloedh.

Ezekiel 22:27

Hy fennsevigyon ynni yw avel bleydhi ow terri preydh, ow skoellya goes dhe dhistrui enevow may kaffons gwayn anewn.

Obadia 1:4

Kyn nijydh ughel kepar ha'n er, ha kyn settydh dha neyth yn mysk an ster, my a'th tre yn-nans alena, yn-medh an Arloedh.

Lyther Yud 1:11

Go-i rag kerdhes war fordh Kayn hag omri aga honan rag gober dhe gammweyth Balaam, hag yn rebellyans Koragh mos dhe goll.