Habakkuk 1:5 - An Bibel Kernewek 20234 (Kernewek Kemmyn)

⁵ Aspiewgh yn mysk an kenedhlow, ha mirewgh, ha bedhes dhywgh marth bras: rag yn agas dydhyow y hwrav ober na grysowgh, kyn fo derivys dhywgh.

Habakkuk 1:5 Iomraidhean Croise

Ysay 29:14

rakhenna, awotta, my a wra marthusyon arta gans an bobel ma, marthus hag aneth. Furneth aga thus fur a vydh ow mos dhe goll, ha skians aga thus dhoeth a vydh kudhys.

Ysay 29:9

Bedhewgh dyegrys ha penndegys, omdhallhewgh ha bedhewgh dall; bedhewgh medhow, mes a-der gans gwin, trebuchyewgh, mes a-der gans korev.

Yeremia 18:18

Ena i a leveris, ‘Dewgh, ha tewlel towlow erbynn Yeremia; rag ny vydh kellys an lagha dhiworth an oferyas, na kusul dhiworth an re fur, na'n ger dhiworth an profoes. Dewgh ha'y weskel gans an taves, ha na woslowyn dhe nagonan a'y eryow.’

Kynvannow 4:12

Ny wrug myghternedh an nor krysi, na trigoryon vyth a'n norvys y to eskar hag envi bys yn porthow Yerusalem.

Daniel 9:12

Ev re gollenwis y eryow kewsys er agan pynn, hag erbynn agan breusysi neb a'gan breusis, ow tri warnan droglamm bras, rag yn-dann oll an nevow ny veu gwrys kepar dell veu gwrys yn Yerusalem.

Habakkuk 3:2

A Arloedh, my re glewas derivas ahanas, my re borthas own, A Arloedh, a'th ober; yn mysk an blydhynyow gas ev dhe dhasvewa, yn mysk an blydhynyow gas ev dhe vos godhvedhys; yn sorr porth kov a druedh.

Sefania 1:2

Skuba dhe-ves a wrav pup-tra oll dhiworth enep an tir, yn-medh an Arloedh.

Dewteronomi 4:27

An Arloedh a wra agas skattra ynter an poblow, boghes vydh agas niver gesys yn mysk an kenedhlow may hwra an Arloedh agas ledya di.