Habakkuk 1:4 - An Bibel Kernewek 20234 (Kernewek Kemmyn)

⁴ Rakhenna dinerth yw an lagha, ha ny a gwirvreus nevra yn-rag. Rag an tebelwas a omsett a-dro dhe'n den gwiryon; ytho kammvreus a yn-rag.

Habakkuk 1:4 Iomraidhean Croise

1 Myghternedh 21:13

An dhew vilen a dheuth a-ji hag esedha a-dal dhodho; ha'n vilens a dhustunias erbynn Naboth yn lok an bobel, ow leverel, ‘Naboth a vollethis Duw ha'n myghtern.’ Ytho i a'n dug yn-mes a'n sita ha'y labydha bys y'n mernans.

Job 21:7

‘Prag y few an dhrogoberoryon, ow mos ha bos koth hag ow kressya aga galloes?

Salmow 11:3

Mars yw an selyow distruys, pandr'a yll an den gwiryon dhe wul?’

Salmow 119:126

Prys yw dhe'n Arloedh oberi, rag i re dhiswrug dha lagha.

Salmow 22:12

Terewi pals re dheuth y'm kyrghynn, terewi krev a Bashan a omsett a-dro dhymm;

Salmow 22:16

Rag keun re dheuth a-dro dhymm; kuntelles an debeles re'm keas; i re wanas ow diwleuv ha'm treys.

Salmow 59:2

Gwra ow delivra dhiworth an dhrogoberoryon; ha gwra ow sawya a'n dus woesek.

Salmow 59:4

poenya a wrons i hag ombareusi heb kammweyth genev; difun dhe'm gweres, ha mir.

Salmow 94:3

A Arloedh, pygemmys prys y hwra an debeles, pygemmys prys y hwra an debeles tryghi?

Eksodus 23:2

Ny wredh holya lu dhe wul drokoleth; na ny wredh dustuni yn ken, ow treylya a-denewen war-lergh lu, rag kammdreylya gwirvreus;

Eksodus 23:6

Ny wredh kammdreylya gwirvreus rag dha dhen boghosek yn y gen.

Ysay 5:20

Go-i neb a lever drog dhe vos da, ha da dhe vos drog, ha gorra tewlder rag golow, ha golow rag tewlder, ha gorra hwerow rag hweg, ha hweg rag hwerow.

Ysay 59:12

Ytho agan treuspassow yw lies a-ragos, ha'gan peghosow a dheg dustuni er agan pynn. Rag yma agan treuspassow genen, ha ni a aswonn agan drogoberow:

Yeremia 12:1

Gwiryon osta, A Arloedh, pan bledyav genes: mes gas vy dhe gewsel genes a'th varnow: Prag y hwra fordh an debeles seweni? Prag yth yns attes oll an re yw traytus?

Yeremia 12:6

Rag hwath dha vreder, ha chi dha das, i ynwedh, re'th traytas; i ynwedh re dhrehevis kri ughel war dha lergh: na goel dhedha kyn kewsons geryow teg dhis.

Yeremia 26:8

Ha pan worfennas Yeremia ow kewsel pup-tra a worhemmynnis an Arloedh dhodho, ena an oferysi ha'n brofoesi hag oll an bobel a'n synsis, ow leverel, ‘Ty a verow yn sur!

Yeremia 8:7

Hwath an hwibon y'n nevow a aswonn y dermynyow; ha'n durenn ha'n wennel ha'n aran a aswonn termyn aga devedhyans; mes ny aswonn ow fobel vy breus an Arloedh.

Ezekiel 9:9

Hag yn-medh ev dhymm, ‘Anewnder chi Ysrael ha Yuda yw pur, pur vras; an tir yw leun a woes, ha'n sita yw leun a gammder; rag yn-medhons, “An Arloedh re forsakyas an tir, ha ny wel an Arloedh.”

Hosea 10:4

I a gews geryow, ow kowlia, ow kul kevambos; ha breus a egin avel kegis yn fynnglow an gwel.

Amos 5:12

Rag my a woer agas kammweythresow pals, ha'gas peghosow bras, owth arvedh an den gwiryon, ow kemmeres falswober, hag ow treylya a-denewen an edhommogyon y'n yet.

Amos 5:7

A hwi neb a dreyl gwirvreus yn fuelenn, ha tewlel ewnder dhe'n dor!

Mark 7:9

Hag ev a leveris dhedha, ‘Yn ta y hwrewgh nagha gorhemmynn Duw, may hyllowgh gwitha agas hengov agas honan!

Oberow 7:52

Py re a'n brofoesi ny veu helghys gans agas tasow? Hag i a ladhas an re a dharganas an Den Gwiryon dhe dhos, hag anodho ev hwi lemmyn res eth ha bos traytours ha moldroryon,

Oberow 7:59

Hag i ow labydha Stefan, ev a elwis war Dhuw, ow leverel, ‘Arloedh Yesu, degemmer ow spyrys’,

Romanyon 3:31

A dhomhwelyn an lagha gans fydh? Kammenn vyth! Yn konter, ni a venten an lagha.

Dewteronomi 16:19

Na gammdreyl breus, na bleg dhe fas neb den, na gemmer falswober, rag falswober a dhall dewlagas an re fur ha treylya geryow an re wiryon.