Habakkuk 1:3 - An Bibel Kernewek 20234 (Kernewek Kemmyn)

³ Prag y tiskwedhydh dhymm droktra, ha gul dhymm mires orth ahwer? Rag yma terroes ha freudh a-dheragov; yma strif, ha kedrynna a sev.

Habakkuk 1:3 Iomraidhean Croise

Ekklesiastes 4:1

Ytho my a dreylyas arta dhe weles oll an arwask yw gwrys yn-dann an howl. Hag otta, dagrow an dus arweskys: ny's teves konforter; denvyth ny's delirv dhiworth nerth aga arwaskoryon; ny's teves konforter.

Ekklesiastes 5:8

Mar kwelydh arwask an boghosek ha ladrans a wirvreus hag ewnder yn rannvro, na borth marth a'n dra. Rag dres soedhek ughel yma soedhek ughella, ha dres an re ma yma tus ughella hwath.

Ysay 46:12

Goslowewgh orthiv, hwi hardh agas kolonn, hwi neb yw pell a ewnder:

Ysay 5:7

Rag gwinlann Arloedh an luyow yw chi Ysrael, ha gwer Yuda yw plansva y dhelit. Ev a worta gwirvreus hag awotta kammvreus, ewnder hag awotta kri.

Yeremia 15:10

Go-vy, ow mamm, ma'm omdhuges, gour a strif ha gour a gedrynn dhe oll an nor! Ny res vy prestenn, na ny brestis tus dhymmo vy: mes hwath peub anedha a'm millik.

Yeremia 20:18

Prag y teuth vy yn-mes a'n dorr dhe weles lavur hag ahwer, ha spena ow dydhyow yn meth?

Yeremia 20:8

Rag peskweyth may kowsav, my a gri, my a arm ‘Freudh ha distruyans!’ Rag ger an Arloedh a dheuth ha bos keredh dhymm, ha skorn pub dydh.

Ezekiel 2:6

Ha ty, A vab den, na borth own anedha na a'ga geryow. Na borth own kyn fo spern ha spedhas a-dro dhis, ha ty trigys yn mysk skorpyons. Na borth own a'ga geryow ha na borth euth a'ga fasow, rag chi diwostydh yns i.

Matthew 10:16

‘Awotta, my a'gas dannvon yn-mes avel deves yn mysk bleydhi; rakhenna bedhewgh fur avel serf ha gwiryon avel kelemmi.

2 Peder 2:8

(rag dydh wosa dydh an den gwiryon ma, trigys yn aga mysk, a dormentyas y enev gwiryon gans aga gwriansow dilagha a welas ha klewes):