Habakkuk 1:12 - An Bibel Kernewek 20234 (Kernewek Kemmyn)

¹² A ny veus a'n dalleth, A Arloedh, ow Duw sans? Ny verwyn. A Arloedh, ty re's ordenas rag breus; A Garrek, ty re's fondyas rag keredh.

Habakkuk 1:12 Iomraidhean Croise

Jenesis 21:33

Hag Abraham a blansas tamariskenn yn Beer-sheba ha gelwel ena war hanow an Arloedh, Duw heb diwedh.

2 Myghternedh 19:25

‘A ny glewsys jy? Nans yw pell my a ordenas hemma. Yn dydhyow koth my a'n tewlis; lemmyn my re wrug dhodho hwarvos, rag may fydhydh ow tifeythya sitys kerys yn kalsow a radell.

Salmow 102:24

My a leveris, ‘Ow Duw, na dhog vy yn-mes yn mysk ow dydhyow; dha vlydhynyow a dhur a unn henedh dhe'n nessa.’

Salmow 118:17

Ny vydhav marow, mes bew, ha derivas gwriansow an Arloedh.

Salmow 149:2

Gwres Ysrael lowenhe yn y Wrier; bedhes mebyon Sion heudhik yn aga Myghtern.

Salmow 17:13

Sav, A Arloedh, deus er y bynn, doro e dhe'n dor! Delirv ow enev dhiworth an tebelwas, dre dha gledha;

Salmow 18:1

My a'th kar, A Arloedh, ow nerth;

Salmow 74:12

Rag Duw re beu ow myghtern bythkweth, ow kul selwyans a-berth y'n norvys.

Salmow 90:1

A Arloedh, ty re beu agan skovva a unn henedh dhe'n nessa.

Salmow 90:2

Kyns an menydhyow dhe vos dineythys, po kyns ty dhe formya an tir ha'n norvys, trank heb worfenn ha bys vykken, ty yw Duw.

Salmow 93:2

Dha se a veu fastys bythkweth; ty re beu, trank heb worfenn.

Ysay 31:1

Go-i an re a dhiyskynn dhe Ejyp rag gweres, ha kregi war vergh, ha trestya yn charettow rag aga bos lies, hag yn marghogyon rag aga bos pur nerthek, mes ny virons orth Sans Ysrael, na ny hwilons an Arloedh.

Ysay 37:23

Piw a wrussys y skonya ha'y gabla, ha piw y trehevsys dha lev er y bynn, ha drehevel dha dhewlagas yn-bann? Erbynn Sans Ysrael!

Ysay 37:26

‘A ny glewsys jy? Nans yw pell my a ordenas hemma. Yn dydhyow koth my a'n tewlis; lemmyn my re wrug dhodho hwarvos, rag may fydhydh ow tifeythya sitys kerys yn kalsow a radell.

Ysay 40:28

A ny wodhves, a ny glewsys? An Arloedh yw an Duw heb diwedh, Kreador pennow an norvys. Ny glamder na ny vydh skwith; dres hwithra yw y gonvedhes.

Ysay 43:15

My yw an Arloedh, agas Sans, formyer Ysrael, agas myghtern.

Ysay 49:7

Yndellma y lever an Arloedh, Dasprenyas Ysrael, ha'y Sans, dhodho ev neb yw dispresys fest yn town, kasadow dhe'n kenedhlow, keth rewloryon: ‘Myghternedh a wel hag a sev, ha pennsevigyon a ombleg dhe'n dor, drefenn an Arloedh neb yw lel, an Sans a Ysrael, neb re'th tewisas.’

Ysay 57:15

Rag yndellma y lever an ughel hag eksaltys neb a drig trank heb worfenn, ha sans yw y hanow: Trigys esov yn tyller ughel ha sans, hag ynwedh gans an den yw keudhesik hag isel y spyrys, dhe wul dhe spyrys an re uvel dasvewa ha dhe wul dhe golonn a'n re brewys dasvewa.

Yeremia 30:11

Rag yth esov genes, yn-medh an Arloedh, dhe'th selwel; my a wra leun dhiwedh dhe'n kenedhlow oll le ma'th skattris, mes ny wrav leun dhiwedh ahanas. My a'th keredh yn musur ewn, ha ny'th asav yn tien ankessydhys.

Yeremia 4:27

Rag yndella an Arloedh re leveris: An tir oll a vydh ynyal; mes hwath ny wrav vy kowldhistrui.

Yeremia 46:28

Ha ty, na vydh ownek, ow gwas Yakob, yn-medh an Arloedh, rag yth esov genes. My a wra diwedh dhe oll an kenedhlow le ma'th skattris, mes ny wrav dha leun dhistrui. My a'th kessydh yn ewn musur, mes ny wrav dha asa heb kessydhyans yn tien.

Yeremia 5:18

Mes hwath y'n dydhyow na, yn-medh an Arloedh, ny wrav diwedh leun genowgh.

Kynvannow 5:19

Ty, A Arloedh, a dhur bys vykken; dha se a bes a henedh dhe henedh.

Ezekiel 30:25

My a grevha breghow myghtern Babylon, mes breghow Faro a goedh. Ena i a woer my dhe vos an Arloedh, pan worrav ow kledha yn leuv myghtern Babylon, hag ev a'n ystynn erbynn pow Ejyp.

Mika 5:2

Ha ty, Bethlehem Efratha, byghan kynth os yn mysk teyluyow Yuda, yn-mes ahanas y teu dhymm nebonan a vydh rewler yn Ysrael, may feu y dhalleth a'n termyn koth, a dhydhyow pell tremenys.

Habakkuk 3:2

A Arloedh, my re glewas derivas ahanas, my re borthas own, A Arloedh, a'th ober; yn mysk an blydhynyow gas ev dhe dhasvewa, yn mysk an blydhynyow gas ev dhe vos godhvedhys; yn sorr porth kov a druedh.

Habakkuk 3:6

Ev re sevis ha musura an norvys, ev re welas an kenedhlow, ha gul dhedha lemmel; brewys veu an menydhyow heb diwedh, omblegya a wrug an breow a bes vynitha: dhodho yw an fordhow a bes vynitha.

Malaki 3:5

Ha my a dheu nes dhywgh rag breus. Ha my a vydh test uskis erbynn an hudoryon ha'n avoutroryon, ha'n re a de yn fals, hag erbynn an re a doell an gweythor a'y wober, an wedhwes ha'n omdhivas, ha treylya dhe-ves an alyon, ha na berthons own ahanav, yn-medh Arloedh an luyow.

Malaki 3:6

Rag my yw an Arloedh, ny wrav vy chanjya, ha hwi fleghes Yakob, nyns owgh hwi devedhys dhe dhiwedh.

Oberow 3:14

Mes hwi a naghas an Sans ha Gwiryon, ha govynn moldrer dhe vos grontys dhywgh,

Dewteronomi 32:4

An Garrek – perfydh yw y ober, rag oll y fordhow yw ewn; Duw a lenduri, heb kammhynseth, gwiryon ha kompes yw ev.

Dewteronomi 33:27

Duw heb diwedh yw skovva, hag a-woeles yma an breghow heb diwedh. Ev a fes an eskar a-ragos, hag ev a lever, ‘Distru!’

1 Timothi 1:17

Dhe Vyghtern an oesow, anvarwel, diwel, an unn Duw, re bo enor ha gordhyans trank heb worfenn. Amen.

1 Timothi 6:16

neb yn unnsel yw anvarwel, neb a drig yn golow na yllir dos nes dhodho; neb na wrug denvyth y weles na ny yll denvyth y weles. Dhodho ev re bo enor ha galloes bys vykken. Amen.

Ebrowyon 13:8

Yesu Krist yw an keth de ha hedhyw ha bys vykken.

Diskwedhyans 1:11

ow leverel, ‘An pyth a welydh skrif yn rol-skrifa, ha dannvon dhe'n seyth eglos, dhe Efesus, ha dhe Smyrna, ha dhe Pergamum, ha dhe Thyatira ha dhe Sardis, ha dhe Filadelfia, ha dhe Laodikea.’

Diskwedhyans 1:8

‘My yw an Alfa ha'n Omega’, yn-medh an Arloedh Duw, neb yw, ha neb o, ha neb a dheu, an Ollgalloesek.

1 Samuel 2:2

‘Nyns eus Sans kepar ha'n Arloedh, nyns eus nagonan marnas ty; nyns eus karrek kepar ha'gan Duw.