Filippianys 4:8 - An Bibel Kernewek 20234 (Kernewek Kemmyn)

⁸ Wor'tiwedh, a vreder, pypynag a vo gwir, pypynag a vo onest, pypynag a vo gwiryon, pypynag a vo glan, pypynag a vo plegadow, pypynag a vo gerys-da, mars eus vertu, mars eus gordhyans, prederewgh a'n taklow ma.

Filippianys 4:8 Iomraidhean Croise

Jenesis 18:19

Rag my re'n dewisas, may hwrella worhemmynna dh'y fleghes ha'y vayni war y lergh, hag i a wra gwitha fordh an Arloedh, dhe wul ewnder ha gwirvreus, may trollo an Arloedh war Abraham an pyth re leveris dhodho.’

2 Samuel 1:23

Sowl ha Yonathan, yn aga bewnans meurgerys ha jentyl, hag yn mernans nyns ens rynnys; skaffa es eryon ens, kreffa es lewyon ens.

2 Samuel 23:3

Duw Ysrael a gewsis, Karrek Ysrael a leveris dhymm: Ev neb a rewl tus yn ewnder, hag a rewl yn own Duw,

Salmow 82:2

‘Pygemmys prys y freusowgh yn kamm, ow plegya dhe'n debeles? Sela.

Lavarow Koth 11:1

Fals vantol yw tra gasadow dhe'n Arloedh, mes poes ewn yw y dhelit.

Lavarow Koth 12:4

Gwreg a vertu yw kurun hy gour, mes neb a dhre mewl yw avel podredhes yn y eskern.

Lavarow Koth 16:11

Yma mantol ha balansys a wirvreus dhe'n Arloedh, oll an poesow yn y sagh yw ober y dhiwleuv.

Lavarow Koth 20:7

Den gwiryon a gerdh yn tivlam: gwynnvys y fleghes war y lergh.

Lavarow Koth 31:10

Gwreg abel, piw a yll hy havoes? Hy bri yw druttha ages koral.

Lavarow Koth 31:29

‘Lies benyn re wrug yn ta, mes ty re's tremenas oll.’

Lavarow Koth 31:31

Ro dhedhi rann a froeth hy diwleuv, ha re's gormello hy oberennow y'n yetow.

An Gan a Ganow 5:16

Y anow yw a'n hwekka, hag ev yw plegadow yn tien. Hemm yw ow haradow ha hemm yw ow har, A vyrghes Yerusalem.

Ysay 26:7

Fordh an den gwiryon yw kompes; ty a wra leven hyns an den gwiryon.

Matthew 22:16

Hag i a dhannvonas dhodho aga dyskyblon gans an Herodyanys, ow leverel, ‘Mester, ni a woer dha vos gwir, hag ow tyski fordh Duw yn gwiryonedh, ha ny'th teur mann a dhenvyth rag ny virydh orth fas tus.

Mark 6:20

rag Herod a'n jeva own a Yowann, ow kodhvos y vos gour ewn ha sans, hag ev a'n gwitha saw; ha pan y'n klewas yth o ankombrys bras, mes ev a'n goslowi yn lowen.

Luk 16:15

Hag ev a leveris dhedha, ‘Hwi yw an re a justifi aga honan a-wel tus, mes Duw a aswonn agas kolonn; rag an dra eksaltys yn mysk tus yw pyth kasadow a-wel Duw.

Luk 2:25

Hag otta, yth esa den yn Yerusalem, Simeon y hanow, ha'n den ma o ewnhynsek ha len, ow kortos konfort Ysrael, hag yth esa an Spyrys Sans warnodho.

Luk 23:50

Hag otta, yth esa gour henwys Yosep, esel a'n konsel, gour da ha gwiryon;

Yowann 7:18

Neb a gews a'y awtorita y honan a hwila y enor y honan; mes neb a hwila an enor anodho ev neb a'n dannvonas, hemma yw gwir, ha nyns eus ynno anwiryonedh.

Oberow 10:22

I a leveris, ‘Kornelius, penn-kangour, gour ewnhynsek neb a berth own a Dhuw ha neb yw gerys-da gans oll an genedhel yedhowek, dhodhheb o y feu erghys gans el sans may halwa dh'y ji ev ha goslowes orth an pyth a vynnydh y leverel.’

Oberow 22:12

‘Hag unn Ananias neb o gour kryjyk herwydh an lagha ha gerys-da gans oll an Yedhewon esa trigys ena,

Oberow 6:3

Rakhenna, breder, hwilewgh yn agas mysk seyth gour gerys-da, leun a'n Spyrys hag a furneth, neb a wren ni apoyntya dhe'n charj ma;

Romanyon 13:13

Omdhegyn yn onest dell wren y'n jydhweyth, heb bos yn kevewiow gwyls na medhwynsi, heb bos yn dijastita na drokhwansow direwl, heb bos yn kedrynna na perthi avi.

Romanyon 13:3

Rag nyns yw an routers own dhe'n ober da mes dhe'n drogober. A vynnses jy bos heb own a'n galloes? Gwra an da, ha ty a' fydh gormola ganso.

Romanyon 14:18

neb a serv Krist yndella yw plegadow gans Duw ha kevys da gans tus.

Romanyon 2:29

Mes ev yw gwir Yedhow neb yw onan war-ji, ha trodreghyans yw a'n golonn, yn spyrys heb bos yn lytherenn, ma nag yw y wormola dhiworth tus mes dhiworth Duw.

1 Korinthianys 4:5

Na vreusewgh travyth, ytho, kyns an ewn-dermyn may teffo an Arloedh, neb a wra golowi traow kudhys y'n tewlder keffrys diskwedhes kusulyow an golonn; hag y'n eur na kettep onan a wra kavoes y wormola dhiworth Duw.

2 Korinthianys 13:7

Lemmyn ni a bys Duw na wryllowgh drog vyth; nyns yw henna may fo gwelys agan bos sewen y'n prov, mes may hwryllowgh hwi an pyth yw da, kyn havallo ni dhe fyllel.

2 Korinthianys 6:8

dre wolewder ha disenor, dre gabel ha ger-da; akontys bos avel toelloryon, mes tus wiryon,

2 Korinthianys 8:18

Ha ni a dhannvonas ganso an broder neb yw gormelys yn mysk an eglosyow oll a'y wonis y'n aweyl,

2 Korinthianys 8:21

rag ervirys on ni dhe wul an pyth yw ewn dherag an Arloedh, keffrys dherag tus.

Galatianys 5:22

Mes frut an Spyrys yw kerensa, lowena, kres, perthyans, kuvder, dader, lenduri,

Efesianys 4:25

Rakhenna, gorrewgh dhe-ves gowegneth, ha ‘kewsel pubonan an gwir gans agas hynsa’, rag agan bos eseli an eyl a'y gila.

Efesianys 5:9

(rag yma frut an golow yn oll dader hag ewnder ha gwirder),

Efesianys 6:14

Sevewgh, ytho, ha'gas diwglun grogysys gans gwirder, hag ow kwiska an lurik a ewnder,

Dewteronomi 16:20

Ewnder – siw ewnder, rag may fewi, hag erita an tir a wra an Arloedh dha Dhuw y ri dhis.

Filippianys 3:1

Wor'tiwedh, ow breder, gwrewgh lowenhe y'n Arloedh. Dhymmo vy nyns yw dihedh skrifa an keth taklow dhywgh, mes dhywgh hwi sawder yw.

Kolossianys 4:5

Yn furneth kerdhewgh troha'n re usi a-ves, ow kul devnydh a'n termyn.

1 Thessalonianys 4:12

may kerthowgh gans onester a-rag an re a-ves, ha ma na vo edhomm dhywgh a dravyth.

1 Timothi 2:2

rag myghternedh ha tus oll ughel aga roweth, may hwryllyn ledya bewnans kosel ha hebask, yn pub revrons hag onester.

1 Timothi 3:11

Yn kepar maner, y koedh dh'aga gwragedh bos sad; na vedhens hwedhloresow, mes klor ha lel yn pup-tra.

1 Timothi 3:4

rewler da a'y vayni ev, ow kwitha y fleghes ev gostydh ha gwiw yn tien aga fara.

1 Timothi 4:12

Na dhispresys denvyth dha yowynkneth, mes deus ha bos patron dhe'n gryjygyon yn lavar, yn bewedh, yn kerensa, yn fydh, yn glander.

1 Timothi 5:10

gans dustuni a'y gwriansow da, mar magas fleghes, mar ros hi ostyans dhe estrenyon, mar kolghas treys an syns, mar kweresas an re yn anken, mar omros dhe bub gwrians da.

1 Timothi 5:2

benynes kottha avel mammow, benynes yowynka avel hwerydh gans pub glander.

Titus 1:8

mes hel, karer dader, doeth, ewnhynsek, sans, omrewlys,

Titus 2:14

neb a omros ragon ni may hwrella agan dasprena dhiworth pub ober dilagha ha glanhe ragdho pobel dh'y berghennogeth y honan, diwysyk yn gwriansow da.

Titus 2:2

tus koth dhe vos divedhow, sad, fur, yagh yn fydh, yn kerensa, hag yn perthyans.

Titus 2:7

Yn pup-tra omdhiskwa yn patron gwriansow da, glander y'th tyskas, sevureth,

Titus 3:14

Ha dyskens agan tus ynwedh omri dhe oberow da rag kollenwel edhommow a res, ma na vons i heb frut vyth.

Ebrowyon 11:2

Rag dredho y kavas an henavogyon dustuni da.

Ebrowyon 13:18

Pysewgh a'gan govis ni, rag sur on ni bos kowses da dhyn, ow mynnes omdhegi yn enor yn pup-tra.

Jamys 1:27

Kryjyans glan hag andhefolys a-dherag Duw an Tas yw hemma; mos dhe vires orth omdhivasow ha gwedhwesow yn aga anken, hag omwitha dinamm dhiworth an bys.

Jamys 3:17

Mes an furneth a-wartha yw kyns oll glan, ena ow kara kres, klor, es y berswadya, leun a versi ha frut da, heb faverans, heb falsuri.

1 Peder 1:22

Wosa glanhe agas enev der wostytter dhe'n gwir, dhe gerensa broder heb fayntys, kerewgh an eyl y gila yn tiwysyk, yn-mes a golonn lan.

1 Peder 2:12

Bedhes da agas bewedh yn mysk an Jentilys; ena kyn kewsons er agas pynn avel drogoberoryon, y hyllons gordhya Duw yn dydh y dhevedhyans, pan welons agas gwriansow da.

1 Peder 4:8

Kyns oll, kevewgh kerensa yntredhowgh heb hedhi, rag kerensa a gudh peghosow pals.

2 Peder 3:1

Hemm yw an nessa lyther, lemmyn, a skrifav dhywgh, karadowyon, hag y'n dhew anedha my a dhifun agas brys lel yn unn govhe,

1 Yowann 3:18

A fleghigyow, na geryn yn ger nag yn taves, mes yn ober hag yn gwirder.

1 Yowann 3:3

Ha pub den a'n jeves an govenek ma ynno a omlanha, poran dell yw ev glan.

1 Yowann 4:1

Hwi garadowyon, na grysewgh dhe bub spyrys, mes prevewgh an spyrysyon, mars esons i a Dhuw: rag gallas fals profoesi bals yn-mes dhe'n bys.

Ruth 3:11

Ha lemmyn, ow myrgh, na borth own, my a vynn gul ragos pup-tra re leversys, drefenn oll ow fobel y'n dre a woer dha vos benyn leun a vertu.