Filippianys 4:11 - An Bibel Kernewek 20234 (Kernewek Kemmyn)

¹¹ Nyns yw, my dhe gewsel a-dro dhe edhomm, rag my re dhyskas bos kontentys, pypynag a vo ow studh.

Filippianys 4:11 Iomraidhean Croise

Jenesis 28:20

Ha Yakob a ambosas ambos, ow leverel, ‘Mar pydh Duw genev ha'm gwitha y'n fordh ma mayth esov ow mos, ha ri dhymm bara dhe dhybri ha dillas dhe wiska,

Eksodus 2:21

Ha Moyses a assentyas triga gans an gour, neb a ros Sippora y vyrgh dhe Moyses,

Luk 3:14

Ha soudoryon ynwedh a wovynni orto ow leverel, ‘Ha ni, pandr'a wren ni?’ Hag ev a leveris dhedha, ‘Na ledrewgh dre wodros dhiworth denvyth, ha na guhudhewgh yn fals, ha bedhewgh kontentys gans agas arveth.’

2 Korinthianys 11:27

yn lavur ha gweyth kales, yn meur a nosow heb kosk, yn nown ha syghes, yn divoetteryow menowgh, yn yeynder ha noethedh.

2 Korinthianys 6:10

keudhys, hwath prest ow lowenhe; boghosek, hwath ow kul dhe lies bos rych; heb travyth, hwath ni a bew pup-tra.

2 Korinthianys 8:9

Rag hwi a aswonn gras agan Arloedh Yesu Krist, y vos ev gyllys boghosek a-barth dhywgh, kynth o rych, mayth ewgh hwi ha bos rych der y voghosogneth.

2 Korinthianys 9:8

Ha Duw a yll gul dhe ras oll palshe dhywgh, ha rakhenna, prest ow kavoes pup-tra lowr, hwi a balsha yn pub ober da.

Filippianys 3:8

Moy es henna, my a syns bos pup-tra koll rag an pris dres eghenn a aswonnvos Krist Yesu ow Arloedh, rag neb my a gollas pup-tra, ha my a syns y vos skoellyon may kyffiv Krist,

Ebrowyon 10:34

Rag yn hwir hwi a geskodhevis gans an brisnoryon, ha hwi a wodhevis yn lowen ravnans agas pythow, a-ban wodhyewgh bos genowgh pythow gwell hag a bes.