Filippianys 4:1 - An Bibel Kernewek 20234 (Kernewek Kemmyn)

¹ Ytho, ow breder garadow, ha my hirethek war agas lergh, ow lowena ha'm kurun, sevewgh fast yndella y'n Arloedh, a garadowyon.

Filippianys 4:1 Iomraidhean Croise

Job 31:36

Yn sur my a'n degsa war ow skoedh; my a'n kolmsa dhymm kepar ha kurun;

Salmow 125:1

An re a fydh y'n Arloedh yw avel menydh Sion, na yll bos disevys, mes ev a dhur bys vykken.

Salmow 27:14

Gwra fydhya y'n Arloedh; bydh nerthek ha bedhes dha golonn konfortys; ha gorta an Arloedh.

Matthew 10:22

Ha hwi a vydh kesys gans pub den oll a-barth ow hanow, mes neb a dhur bys y'n diwedh, ev a vydh selwys.

Yowann 8:31

Ena Yesu a leveris dhe'n Yedhewon a grysis ynno, ‘Mar pesyowgh y'm ger, yth owgh hwi yn hwir ow dyskyblon,

Oberow 11:23

Pan dheuth ha gweles gras Duw ev a lowenhas, hag ev a ynnias war bubonan anedha bos lel dhe'n Arloedh, furv aga holonn,

Oberow 14:22

ow surhe spyrys an dhyskyblon ha'ga ynnia pesya y'n fydh, ha leverel y tegoedh dhyn dre lies galar entra yn gwlaskor Duw.

Oberow 2:42

hag yth esens ow pesya yn dyskas an abesteli hag y'n kowethyans, yn terri an bara hag yn pysadow.

Romanyon 2:7

dhe'n re a hwila, dre berthyans ow kul da, gordhyans hag enor hag anvarwoleth, y fynn ev ri bewnans heb diwedh.

1 Korinthianys 15:58

Rakhenna, ow breder meurgerys, bedhewgh len, fyrv, pup-prys ow palshe yn gonis an Arloedh, ow kodhvos nag yw euver agas lavur y'n Arloedh.

1 Korinthianys 16:13

Bedhewgh hewoel, sevewgh fast y'n fydh, bedhewgh hardh, bedhewgh krev.

2 Korinthianys 1:14

dell y'gan konvedhsowgh yn rann seulabrys, rag yn dydh agan Arloedh Yesu, agas bost hwi on ni, kepar dell owgh hwi agan bost ni.

Galatianys 5:1

Rag rydhses y hwrug Krist agan delivra; rakhenna sevewgh fast, na vedhewgh maglennys arta yn-dann yew a gethneth.

Filippianys 1:27

Saw bedhes agas bewedh gwiw dhe'n aweyl a Grist, mar tov dh'agas gweles po gortos a-ves, may klewviv ahanowgh, hwi dhe sevel yn unn spyrys gans unn enev, ow strivya war-barth rag fydh an aweyl,

Filippianys 1:8

Rag Duw yw ow thest fatell yeunav ragowgh hwi oll yn kolodhyon Krist Yesu.

Filippianys 2:16

ow synsi fast an ger a vewnans, may hylliv bostya yn dydh Krist na wrug vy poenya yn euver na lavurya yn euver.

Filippianys 2:26

a-ban yeuni ev war agas lergh pubonan, ha troblys veu rag hwi dhe glewes y vos klav.

Kolossianys 4:12

Epafras a'gas dynnergh, onan ahanowgh, kethwas Krist Yesu, ow strivya pup-prys ragowgh yn y bysadow, may seffowgh perfydh ha surhes yn tien y'n bolonjedh oll a Dhuw.

1 Thessalonianys 3:13

dhe fastya agas kolonn divlam yn sansoleth a-dherag agan Duw ha Tas orth devedhyans agan Arloedh Yesu Krist gans y syns oll.

2 Thessalonianys 2:15

Ytho, a vreder, sevewgh fast ha synsewgh an hengovyow a dhys'sowgh genen dre lavar po dre lyther.

2 Timothi 2:1

Ty, ow flogh, bydh nerthek gans y'n gras usi yn Krist Yesu;

Ebrowyon 10:23

Synsyn fast dhe brofessyans agan govenek fyrv, rag lel yw ev neb a ambosas;

Ebrowyon 3:14

Rag ni a gevrenn yn Krist pan synsyn agan kynsa fydhyans fyrv dhe'n diwedh.

Ebrowyon 4:14

Ytho, a-ban y'gan beus arghoferyas meur re dremenas der an nevow, Yesu, Mab Duw, synsyn fast agan professyans.

2 Peder 3:17

Ytho hwi, karadowyon, ow kodhvos kyns, bedhewgh war na vowgh dres yn tebelgryjyans an re dhilagha, na koedha dhiworth agas faster hwi.