Filippianys 3:9 - An Bibel Kernewek 20234 (Kernewek Kemmyn)

⁹ ha may fiv kevys ynno, heb kavoes ow ewnder vy a dheu a'n lagha mes an ewnder a dheu dre fydh yn Krist, an ewnder a dheu a Dhuw, selys war fydh;

Filippianys 3:9 Iomraidhean Croise

Jenesis 7:23

Ha pub tra vew war enep an dor a veu defendys dhe-ves, mab-den, bestes, pryves hag ydhyn nev, ha defendys vons dhe-ves dhiworth an nor, ha ny veu gesys yn few marnas Noy ha'n re esa ganso y'n gorhel.

1 Myghternedh 8:46

‘Mar peghons er dha bynn – rag nyns eus nagonan na begh – ha ty yw serrys gansa ha's redh dhe eskar, mayth ons degys dhe-ves yn kethneth dhe dir an eskar, pell po ogas;

2 Kroniklys 32:25

Mes ny worthybis Hezekia yn grasyans a'n dader gwrys dhodho, rag bos y golonn goethus. Ytho konnar a dheuth warnodho ha war Yuda ha war Yerusalem.

2 Kroniklys 32:31

Yndella yn kas kannasow ledyoryon Babylon ynwedh, an re a veu dannvenys dhodho rag govynn orto a-dro dhe'n marathus re bia gwrys y'n tir, Duw a'n gasas y honan oll rag y brevi ha rag godhvos oll esa yn y golonn.

Salmow 14:3

Pubonan re dreylyas a-denewen, legrys yns i war-barth; nyns eus denvyth a wrello dader, nyns eus nagonan.

Salmow 143:2

Na dhoro dha was dhe vreus, rag y'th wolok jy ny vydh denvyth bew prevys gwiryon.

Salmow 19:12

Piw a woer konvedhes y gammweythresow? Glanha vy dhiworth ow feghosow kudh.

Ekklesiastes 7:20

Rag nyns eus den gwiryon y'n norvys a wra dader ha ny begh mann.

Ysay 46:13

My a dhre ow ewnder yn ogas, ny vydh pell, ha'm selwyans, ny wra ev strechya. My a re selwyans dhe Sion, ha dhe Ysrael y rov ow splannder.

Ysay 53:11

Wosa godhevyans y enev, ev a wel golow, ha kontentys vydh; der y wodhvos ow gwas gwiryon a ewnha lies, hag ev a dheg aga hammweythresow.

Ysay 53:6

Ni oll avel deves re wandras; pubonan ahanan re dreylyas dh'agan fordh agan honan, ha'n Arloedh re worras warnodho an kammweyth ahanan ni oll.

Ysay 6:5

Ena my a leveris, ‘Go-vy! diswrys ov vy, rag gour avlan y dhiwweus ov vy, ha trigys esov yn mysk pobel avlan hy diwweus; rag ow dewlagas re welas an Myghtern, Arloedh an luyow.’

Yeremia 23:6

Yn y dhydhyow Yuda a vydh selwys hag Ysrael a vew yn sawder. Ha hemm yw an hanow may fydh gelwys: An Arloedh agan Ewnder.

Yeremia 33:16

Y'n dydhyow na Yuda a vydh selwys ha Yerusalem a drig yn sawder. Ha hemm yw an hanow may fydh henwys: ‘An Arloedh agan gwiryonedh.’

Daniel 9:24

‘Deg seythun ha tri-ugens yw ervirys rag dha bobel, ha rag dha sita sans, rag gorfenna an treuspass, rag gorra sel war beghes, ha gul prenedh rag kammweyth; rag dro ewnder hag a dhur bys vykken, ha selya an welesigeth profoesek, ha rag untya an tyller an moyha sans.

Matthew 9:13

Lemmyn ewgh ha dyskewgh styr an lavar ma, Ny vynnav sakrifis, mes tregeredh; rag nyns o'ma devedhys dhe elwel an re wiryon mes peghadoryon.’

Romanyon 1:17

Rag ewnder Duw yw diskwedhys ynni a fydh dhe fydh dell re beu skrifys, ‘An den gwiryon a vew dre fydh.’

Romanyon 10:10

Rag gans kolonn y krysir dhe ewnder ha gans ganow y konfessir dhe selwyans.

Romanyon 16:7

Salusewgh Andronikus ha Yunia, ow herens ha'm kesprisnoryon, hag yw tus a vri yn mysk an abesteli, hag yn tevri re beu yn Krist a-ragov.

Romanyon 5:21

rag may kwrella gras reynya par dell reynya pegh yn mernans, der ewnder dhe vewnans heb diwedh dre Yesu Krist agan Arloedh.

Romanyon 8:1

Lemmyn nyns eus dampnya rag an re usi yn Krist Yesu.

Romanyon 8:3

Rag an pyth a veu an lagha dialloes dh'y wul, rag hy bos gwann der an kig, Duw y honan re wrug, ow tannvon y Vab y honan yn hevelep kig a begh, dhe vos offrynn pegh, hag yndella ev a dhampnyas pegh y'n kig,

1 Korinthianys 1:30

Anodho ev yth esowgh hwi yn Krist Yesu, neb a dheuth ha bos ragon ni skentoleth dhiworth Duw, hag ewnder ha sansheans ha daspren.

2 Korinthianys 5:17

Ytho, mars eus nebonan yn Krist, kreasyon nowydh yw; tremenys dhe-ves yw an traow koth: otta, deuvons ha bos nowydh.

2 Korinthianys 5:21

A-barth dhyn ni ev a wrug dhodho, neb na wodhva pegh, bos pegh, may teffen ni ha bos ewnder Duw ynno ev.

Galatianys 2:16

ow konvedhes nag yw denvyth ewnhes der oberow a'n lagha mes dre fydh yn Krist Yesu, ha nyni a grysis yn Krist Yesu, may fen ni justifiys dre fydh yn Krist hag a-der der oberow a'n lagha; rag ny vydh kig vytholl justifiys der oberow a'n lagha.

Dewteronomi 27:26

‘Mollothek yw ev neb na venten geryow an lagha ma orth aga gul.’ Ena oll an bobel a lever, ‘Amen.’

Filippianys 3:6

a-dro dhe dhiwysykter, ow persekutya an eglos; a-dro dhe ewnder y'n lagha, divlam.

2 Timothi 1:9

a wrug agan selwel ha gelwel gans galow sans, a-der herwydh agan gwriansow agan honan, mes war-lergh y dowl ha'y ras ev a veu res dhyn yn Krist Yesu kyns termyn heb worfenn,

Titus 3:5

ny'gan selwis ev dre wriansow a wrussyn ni yn ewnder, mes war-lergh y dregeredh ev dre wolghi daskenesigeth ha nowydhheans an Spyrys Sans

Ebrowyon 6:18

may fen kennerthys yn krev, pan fiyn rag skovva, dhe dhalghenna an govenek gorrys a-ragon, dre reson dew dra na yll Duw gowleverel ynna.

Jamys 3:2

Pubonan ahanan a gammwra yn lies tra. Den mar ny gammwra yn y lavar, gour perfydh yw hemma, hag ev a yll fronna an korf dien ynwedh.

2 Peder 1:1

Simon Peder, gwas hag abostol Yesu Krist, Dhe'n re re gavas fydh drudh kehaval dh'agan fydh ni, yn ewnder agan Duw ha'gan Selwyas Yesu Krist:

1 Yowann 3:4

Piwpynag a beggho a dremen dres an lagha: rag peghadow yw fara anlaghel.