Filippianys 3:3 - An Bibel Kernewek 20234 (Kernewek Kemmyn)

³ Rag yth on ni an gwir drodreghyans, neb a wra gordhya dre Spyrys Duw ha bostya yn Krist Yesu, heb trestya y'n kig –

Filippianys 3:3 Iomraidhean Croise

Salmow 105:3

Bostyewgh yn y hanow sans; lowenhes kolonn an re a hwila an Arloedh.

Ysay 45:25

Y'n Arloedh y fydh ewnheans ha bostyans dhe oll an has a Ysrael.

Yeremia 4:4

Omdrodreghewgh dhe'n Arloedh ha kemmerewgh dhe-ves kudhgenn agas kolonn, hwi wer Yuda ha trigoryon Yerusalem, ma nag ello ow honnar yn-mes avel tan, ha leski, heb denvyth dh'y dhifeudhi, drefenn drogedh agas gwriansow.

Yeremia 9:26

Ejyp, ha Yuda, hag Edom, ha'n Ammonysi, ha mebyon Moab, hag oll an re ma'th yw treghys blew aga thalyow; rag oll an kenedhlow ma yw antrodreghys, hag oll chi Ysrael yw antrodreghys y'n golonn.

Malaki 1:11

Rag meur yw ow hanow yn mysk an kenedhlow, dhiworth an howldrevel ha bys an howlsedhes, hag yn pub le yma ynkys offrynnys dhe'm hanow, hag offrynn pur, rag meur yw ow hanow yn mysk an kenedhlow, yn-medh Arloedh an luyow.

Romanyon 1:9

Rag Duw yw ow dustunier, mayth esov orth y servya gans ow spyrys yn aweyl y Vab, fatell y'gas kampoellav heb hedhi,

Romanyon 15:17

Bostya a'm beus yn Yesu Krist rag an gonis rag Duw.

Romanyon 7:6

Mes lemmyn yth on digelmys dhiworth an lagha, marow dhe'n pyth a'gan synsi, bys may serfyn yn fordh nowydh an Spyrys, a-der yn fordh goth an skrif.

Romanyon 8:15

Ny gemmersowgh spyrys a gethneth ow ledya arta dhe own, mes hwi a gemmeras spyrys adoptyans avel mebyon dredho may kriyn ‘Abba! Tas!’

Romanyon 8:39

nag ughelder, na downder, na tra arall y'n kreasyon oll, ny yll agan diberth dhiworth kerensa Duw yn Krist Yesu agan Arloedh.

Romanyon 9:6

Mes nyns yw par dell fallsa ger Duw. Rag nyns yns dhe Ysrael oll hag yw sevys a Ysrael.

2 Korinthianys 11:18

A-ban vost lies war-lergh an kig, my ynwedh a wra bostya.

Galatianys 5:25

Mar pewyn der an Spyrys, kerdhyn ynwedh der an Spyrys.

Galatianys 6:16

Ha kemmys a gerdh war-lergh an rewl ma, re bo kres warnedha ha tregeredh, ha war Ysrael Duw.

Efesianys 6:18

Dre bub pysadow ha govenek, pysewgh pub eur oll y'n Spyrys; ha dhe'n porpos na, bedhewgh hewoel gans pub diwysykter ha pysadow rag oll an syns,

Dewteronomi 10:16

Trodreghewgh ytho kudhgenn agas kolonn, na vedhewgh kales agas kilbenn namoy.

Dewteronomi 30:6

An Arloedh dha Dhuw a drodregh dha golonn ha kolonn dha has dhe gara an Arloedh dha Dhuw gans oll dha golonn ha gans oll dha enev, rag may fewi.

Filippianys 1:1

1 Powl ha Timothi, gwesyon Krist Yesu, Dhe oll an syns yn Krist Yesu usi yn Filippi gans an epskobow ha'n dhyagonyon:

Filippianys 3:12

Nyns yw my dhe waynya seulabrys, po my dhe vos gwrys perfydh, mes my a striv, mar kallav synsi kepar dell veuv synsys ynwedh gans Krist Yesu.

Filippianys 3:14

my a striv troha'n peul-diwedh rag gober an galow yn-bann a Dhuw yn Krist Yesu.

Kolossianys 2:11

Ynno ev ynwedh y fewgh trodreghys gans trodreghyans na veu gwrys gans leuv, ow ti'ska korf an kig yn trodreghyans Krist.

Lyther Yud 1:20

Mes hwi garadowyon, owth omdhrehevel agas honan der agas fydh sansella, ow pysi y'n Spyrys Sans,