Filippianys 3:19 - An Bibel Kernewek 20234 (Kernewek Kemmyn)

¹⁹ Aga diwedh yw diswrians, aga duw yw an dorr, hag yma aga glori yn aga meth, gorrys aga brys war daklow an dor.

Filippianys 3:19 Iomraidhean Croise

Salmow 17:14

Dhiworth tus, dre dha leuv, A Arloedh, dhiworth tus an bys ma. Re gaffons aga rann y'n bewnans ma, ha bedhes aga thorr lenwys a'th kessydhyans kudh. Bedhes aga mebyon lenwys, ha gasens remenant an kessydhyans dh'aga fleghigyow.

Salmow 52:1

Prag y fostydh yn drogober, ty vreselyas? Tregeredh Duw a dhur oll an jydh.

Yeremia 44:17

Yn le henna, ni a wra pup-tra re ambossyn, dhe leski ofrrynnow dhe vyghternes nev ha dinewi offrynnow diwes dhedhi, par dell wrussyn, ni ha'gan tasow, agan myghternedh, ha'gan pennsevigyon yn trevow Yuda hag yn stretow Yerusalem. Rag ena ni a'gan bo palster a voes, ha seweni heb gweles anfeus.

Ezekiel 13:19

Hwi re'm dhefolas yn mysk ow fobel rag dornasow a heydh ha temmyn a vara, ow ladha enevow na dalsons merwel, hag ow sparya enevow na dalsons bewa, der agas gowleverel dhe'm pobel usi ow koslowes orth gow.

Ezekiel 34:3

Hwi a dheber an blonek, hag omwiska y'n gwlan, ha ladha an re peskys, mes ny vugelsowgh an deves.

Hosea 4:7

Dhe voy i a gressyas dhe voy i a beghas er ow fynn; my a dreyl aga splannder dhe veth.

Mika 3:11

Hy fennow a re breus rag falswober, hy oferysi a dhysk rag arveth, hy frofoesi a dhargan rag arghans; hag i ow poesa war an Arloedh, ow leverel, ‘A nyns usi an Arloedh yn agan mysk? Ny wra drog vyth dos warnan.’

Mika 3:5

Yndella yn-medh an Arloedh a-dro dhe'n brofoesi neb a hembronk ow fobel yn sowdhan, neb a gri ‘Kres’ pan y's teves neppyth dhe dhybri, mes i a wra gwerrya orth seul na worr travyth yn aga ganow.

Malaki 1:12

Mes hwi a'n disaker ow leverel, ‘Moes an Arloedh yw defolys, ha'y frut, hy boes, yw dispresys.’

Matthew 16:23

Mes ev a dreylyas ha leverel dhe Peder, ‘Ke a-dryv dhymm, Satnas; ty a wra ow sklandra, rag ny brederydh an taklow a Dhuw, mes an taklow a dus.’

Matthew 25:41

‘Ena y hwra ev leverel ynwedh dhe'n re a'n barth kledh, “Kewgh a-dhiworthiv, hwi dus villiges, dhe'n tan heb diwedh yw darbarys dhe'n jowl ha'y eledh.

Luk 12:19

ha my a lever dhe'm enev, Ty enev, yma dhis pythow lower gorrys yn gwith rag lies blydhen; gwra powes, dybri, eva, ha bos lowen.”

Luk 16:19

‘Yth esa den rych, neb a omwiska yn purpur ha sendal, ow kevewya yn splann pub dydh oll.

Luk 18:4

Ev a skonyas pol'ta, mes wortiwedh yn-medh ev ynno y honan, “Hwath kyn na'm beus own a Dhuw na revrons orth denvyth,

Romanyon 16:18

Rag tus a'n par na, ny servyons agan Arloedh Krist mes aga thorr aga honan, ha dre gows teg ha dre gows ow flattra, y toellons kolonn an re wiryon.

Romanyon 6:21

Mes pana frut a'gas bo a'n taklow ma'gas beus meth anedha lemmyn? Diwedh an re na yw mernans.

1 Korinthianys 3:3

rag hwath a'n kig yth owgh. Rag a-ban eus avi ha kedrynn yn agas mysk, a nyns owgh hwi a'n kig, hag a nyns esowgh hwi owth omdhegi kepar ha tus kemmyn?

1 Korinthianys 5:2

Ha goethus yth owgh hwi. A ny goedhvia dhywgh oela, ha tewlel yn-mes a-dhiworthowgh ev neb re wrug an drogober ma?

1 Korinthianys 5:6

Agas bostyans nyns yw da. A ny wodhowgh hwi y hwra tamm goell dhe oll a'n toes sevel?

2 Korinthianys 11:12

Ha'n pyth a wrav, henna my a wra pesya y wul, may tregghiv an grond a-dhann an re a hwila chons dhe vos aswonnys agan parow y'n taklow a vostyons anedha.

2 Korinthianys 11:15

Nyns yw ankoth, ytho, mar kwra y venysters treusfurvya aga honan dhe venysters a ewnder: may fydh aga diwedh herwydh aga oberow.

Galatianys 6:13

Rag ny wra an re yw trodreghys obaya dhe'n lagha aga honan, mes i a vynn orthowgh bos trodreghys may hallons bostya yn agas kig.

Filippianys 2:21

Rag pubonan anedha a hwila aga les aga honan; ny hwilons i les Krist Yesu.

Kolossianys 3:2

Gwrewgh vri a'n taklow war-vann, a-der a'n taklow war an nor.

2 Thessalonianys 1:9

I a wra godhevel kessydhyans diswrians heb worfenn dhiworth fas an Arloedh ha dhiworth splannder y nerth,

2 Thessalonianys 2:12

may fo breusys pub den oll na wrug krysi an gwir, mes a gavas plesour yn kammhynseth.

2 Thessalonianys 2:8

Hag ena an den dilagha a vydh diskudhys, neb a wra an Arloedh Yesu y dhistrui gans anall y anow, ha'y dhiswul dre diskwedhyans y dhevedhyans,

1 Timothi 6:5

ha'n dadhlow heb worfenn a dus legrys aga brys, ha'n gwir kemmerys dhiworta i, a dyb sansoleth dhe vos mayn rag kavoes gwayn arghansek.

2 Timothi 3:4

traytours, dibreder, omhwythys, karoryon plesour moy es karoryon Duw,

Jamys 4:16

Mes lemmyn hwi a vost yn agas goeth. Oll bostya a'n par na yw drog.

2 Peder 2:1

Mes yth esa fals profoesi yn mysk an bobel kepar dell vydh fals dhyskadoryon yn agas mysk ynwedh, a vynn dri tebelgryjyansow fell, ow nagha hwath an Mester a wrug aga frena, hag ow tri diswrians uskis warnedha i.

2 Peder 2:13

ow kodhevel drog avel gober droktra. I a dyb plesour dhe vos hweg dydhweyth bos hegar. Nammow ha brith yns i ow lowenhe yn aga thoell hag i ow kevewi genowgh hwi.

2 Peder 2:3

Ha dre grefni gans fals lavarow hwi a vydh gwrys marchondis gansa. Ragdha i seulabrys nyns yw lent an vreus, ha ny gosk an diswrians.

Lyther Yud 1:10

mes an re ma a wra anvri dhe bypynag na gonvedhons; ha'n taklow a gonvedhons dre gnas kepar dell wra bestes heb reson, distruys vydhons i gansa.

Lyther Yud 1:16

An re ma yw grolyogyon grodhek, omres dh'aga flesours aga honan, ha'ga ganow yw leun a vostyans, ow favera tus rag gwayn.

Lyther Yud 1:4

Rag entra yn unn slynkya yn-dann gel re wrug sertan re a veu seuladhydh apoyntys dhe'n dampnasyon ma, tus dhidhuw a dreyl gras agan Duw bys yn drokhwans ha nagha agan unn mester hag Arloedh, Yesu Krist.

Diskwedhyans 18:7

Kepar dell wrug hi omwordhya ha bewa yn rychys, yndellma rewgh dhedhi payn hag ahwer, rag hi a leveris yn hy holonn, “My yw esedhys myghternes, ha nyns ov vy gwedhwes, ha ny welav ahwer.”

Diskwedhyans 19:20

Ha'n best a veu kemmerys, ha ganso an fals profoes a wrug sinys a-dheragdho, may toellas neb re dhegemmersa merk an best ha neb a wordhya y imaj. An dhew ma a veu tewlys, bew, yn lynn tan ow leski gans loskven.

Diskwedhyans 21:8

Mes an ownogyon, ha'n dhiskryjygyon, ha'n re gasadow, ha denledhysi, ha'n re a wra fornikasyon, ha pystrioryon ha gordhyoryon idolys, ha pub gowleveryas a's teves aga rann y'n lynn a lesk gans tan ha loskven, hag yw an nessa mernans.’

Diskwedhyans 22:15

A-ves yma an keun, ha'n bystrioryon, ha'n re a wra fornikasyon ha denladh, ha'n re a wordh idolys, ha pubonan a gar ha gul falsuri.

1 Samuel 2:29

Prag y potyowgh orth ow sakrifis hag orth ow offrynn re worhemmynnis vy dhywgh rag ow thrigva, hag enora dha vebyon moy agesov, ow tewhe agas honan war an gwella rannow a bub offrynn a'm pobel Ysrael?”