Filippianys 3:10 - An Bibel Kernewek 20234 (Kernewek Kemmyn)

¹⁰ rag y aswonnvos ev ha galloes y dhasserghyans, ha kevrenn yn y alarow, kesformys yn y vernans,

Filippianys 3:10 Iomraidhean Croise

Yeremia 9:23

Yndellma y lever an Arloedh: Na esewgh an den fur dhe vostya yn y furneth, na na esewgh an den krev dhe vostya yn y grevder, na na esewgh an den rych dhe vostya yn y rychys:

Matthew 20:23

Yn-medh ev dhedha, ‘Hwi a wra eva a'm hanaf, mes esedha a'm parth dhyghow ha'm parth kledh, nyns eus dhymmo y ri, mes yma dhe seul a vo darbarys dhedha gans ow Thas.’

Yowann 10:18

Denvyth ny wra y gemmeres dhiworthiv, mes my a'n daskorr a'm bodh ow honan. Yma dhymm galloes dh'y dhaskorr, hag yma dhymm galloes dh'y gemmeres arta; my re dhegemmeras an arghadow ma dhiworth ow Thas.’

Yowann 17:3

Ha hemm yw bewnans heb diwedh: ma'th aswonnons ty, an unn gwir Dhuw, ha Yesu Krist neb re dhannvensys.

Romanyon 8:17

ha mars on ni fleghes, ytho heryon, heryon a Dhuw ha kes-heryon a Grist, mar kodhevyn ganso rag may fyn ni ynwedh kevrennek a'y wolewder.

Romanyon 8:29

Rag an re a ragaswonnis, ev a's ragdhestnas ynwedh dhe vos kesfurvys yn imaj y Vab, rag may fo ev an kynsa-genys yn mysk breder pals.

Romanyon 8:36

Dell yw skrifys, ‘A'th wovis jy yth on ny ledhys oll an jydh; reknys on ni avel deves dhe'n ladhva.’

2 Korinthianys 1:10

Ev re'gan delivras dhiworth mernans mar vras, hag ev a wra agan delivra; warnodho ni re worras agan govenek ev dh'agan delivra arta,

2 Korinthianys 1:5

Rag kepar dell balsha godhevyans Krist genen ni, yndella dre Grist agan konfort ynwedh a balsha.

2 Korinthianys 13:4

Rag krowsys veu dre wannder, mes ev a vew dre nerth Duw. Yn tevri, gwann on ni ynno ev, mes ragowgh hwi ni a wra bewa ganso dre nerth Duw.

Galatianys 2:20

bew ov, mes na fella my ow honan, mes Krist a vew ynnov; an bewnans a'm beus y'n eur ma y'n kig my a vew yn fydh Mab Duw neb a'm karas hag omri y honan ragov.

Galatianys 6:17

Alemma rag, bynner re wrello denvyth ri troblow dhymm; rag my a deg merkyow Yesu war ow horf.

Efesianys 4:13

erna dhyffyn ni oll dhe unnsys an fydh hag aswonnvos Mab Duw, yn gour perfydh, dhe'n musur a'n adhvetter a'n leunder a Grist,

Filippianys 3:8

Moy es henna, my a syns bos pup-tra koll rag an pris dres eghenn a aswonnvos Krist Yesu ow Arloedh, rag neb my a gollas pup-tra, ha my a syns y vos skoellyon may kyffiv Krist,

Kolossianys 1:24

Lemmyn my a lowenha y'm galarow ragowgh, ha my a gowlwra an taklow a fyll dhe baynys Krist y'm kig rag y gorf, yw an eglos.

Kolossianys 2:13

Ha hwi neb a veu marow yn kammweythresow ha heb trodreghyans a'gas kig, ev a wrug dhywgh bewa war-barth ganso, ow kava dhyn an kammweythresow oll,

Kolossianys 3:1

Ytho mar pewgh drehevys gans Krist, hwilewgh an taklow usi war-vann, le mayth usi Krist owth esedha a dhyghow dhe Dhuw.

1 Peder 1:3

Benniges re bo Duw ha Tas agan Arloedh Yesu Krist, neb a'gan dastineythis, war-lergh y dregeredh vras, dhe wovenek bew dre dhasserghyans Yesu Krist a'n re varow,

2 Peder 1:13

My a dyb y vos gwiw, hedre viv y'n tylda ma, gul dhywgh difuna, orth agas kovhe,

1 Yowann 2:3

Ha dredhi y hyllyn bos sur y'n aswonnyn, mar kwithyn y worhemmynnow.

1 Yowann 2:5

Mes piwpynag a synso y er, ynno yth yw kerensa Duw perfydhhes: dredhi y hwodhon, ni dhe vos ynno.

Diskwedhyans 1:18

ha neb a vew; hag yth eth ha bos marow; hag otta, bew ov vy trank heb worfenn, hag y'm beus alhwedhow ankow hag ifarn.